Notaris Ghisebertus Visscher van Ummen verklaart op verzoek van heer Reynerus, prior van Essen, dat abt Dyurardus en het klooster te Ten Boer verkopen aan abdis Hille, prior Reynerus en het klooster te Essen 4 1/2 akker land in Kolham.

In nomine domini amen. Anno a nativitate eiusdem millesimo quadringentesimo quadragesimo indictione tercia mensis aprilis
die septima hora vesperorum vel quasi pontificatus sanctissimi in Christo patris ac domini nostri domini Eugenii divina providentia pape quarti
anno decimo in mei notarii publici testiumque infrascriptorum ad hoc vocatorum et rogatorum praesencia propter hoc personaliter constitutus
venerabilis et religiosus vir dominus Dyurardus abbas conventus in Bure ordinis sancti Benedicti monasteriensis diocesis sponte et publice
recognovit se et dictum suum conventum pro utilitate et necessitate eiusdem conventus libere vendidisse et resignasse ac libere vendidit
et resignavit venerabili et religiose domine Hille abbatisse, domino Reynero priori et toto conventui in Essen quatuor agros praediorum cum
dimidio cum omnibus suis attinenciis vulgariter dictos Mynsetland situatos in Colham ubi praedia puerorum Remkonis Ypama
proxime sunt sita a parte occidentali et praedia dicta Gaykamaland a parte orientali cum omni jure et proprietate eorundem in perpetuum
tenendis et possidendis pro quadam pecuniarum summa ibidem realiter numerata tradita et soluta ac ad opus et utilita-tem conventus praedicti
in Bure ut praefatus abbas asseruit expendenda atque convertenda. Quos quidem agros dictus abbas nomine sui conventus ut fatebatur
abbatisse et conventui in Essen de evictione dictorum agrorum defendere et tueri promisit omnibus fraude et dolo penitus hinc exclusis.
Super quibus omnibus et singulis dominus Reynerus prior praedictus nomine sui conventus sibi a me notario publico instrumentum publicum fieri
requisivit. Acta fuerunt hec in Groningen in domo habitacionis Johannis de Aken sub anno, indictione, mensis die, hora et
pontificatu quibus praesentibus discretis viris Gherardo Brant et Henrico de Make opidanis in Groningen Traiectensis diocesis
testibus ad praemissa vocatis specialiter et rogatis.
Et ego Ghisebertus Visscher de Ummen traiectensis diocesis publicus imperiali auctoritate ac
ordinaria admissione notarius approbatus praemissis vendicionis et resignacionis omnibusque aliis
et singulis praedictis dum sic ut praemittitur agerentur et fierent una cum praenominatis testibus praesens interfui
eaque sic fieri vidi et audivi. Ideo hoc praesens publicum instrumentum manu mea propria scriptum exinde
confeci, subscripsi et in hanc publicam formam redegi signoque et nomine meis solitis et consuetis
signavi rogatus et in testimonium praemissorum omnium requisitus.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	137
Regestnr.	196
Olim	Arch. Klooster Essen, inv.nr. 9, reg. 33. Reg. Feith 1440.11.
Jaar	1440
Datumcode	0704

x

x

Materiaal	perkament

x