Elzebe Dillinghe verkoopt aan Johan Scuttorp, vicaris te Coevorden, een hofstede te Gasselte.

Ic Elzebe Dillinghe bekenne ende betuge in dessen oepenen breve vor my ende vor myne erfgenamen ende by rade
miinre erfgenamen hebbe verkoft ende verkope stedes erfkopes erflijc ende ummermeer her Johan Scuttorp
vicarius tot Covorden ende sinen erfgenamen ene cleyne hoefstede gheleghen inder merke ende buerscop van
Gasselte an de ene siit van eenre hoefstede de to hoert des Hundes volke to Gheten an de ander siit
lijcht een gaerde de to behoert der kerken van Gasselte vor ene summe van ghelde de my wiitliic
wal ende al tot mynen willen betaelt is. Ende ic Elzebe vorscreven sal ende wil her Johan vorscreven ende synen
erfgenamen van desser vorscreven stede rechte waerscop van doen tot allen tyden vor my ende vor myne
erfgenamen ende vor al de ghene de des to rechte komen willen. Hiir weren an ende over als deghedin-
ghes ende winkopes lude Wilm ende Lambert Dillinge, Elzeben kinder vorscreven ende anders gueder
lude ghenoch. Al argheliist uyt ghesproken. In orkunde ende een tuech der waerheit so heb ic
Elzebe vorscreven ghebeden heren Frederic Suringe cureit tot Oderen desen breef vor my to bezeghe
len. Ende ic Fredericus cureit vorscreven umme bede willen Elzeben vorscreven soe heb ic miin seghel an desen
breef ghehanghen. Ghegheven int jaer ons M^o CCCC^o ende XL up sunte Silvesters dach de pawes.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	117
Regestnr.	200
Olim	Arch. Klooster Essen, inv.nr. 16, reg. 34. Reg. Feith 1440.12.
Jaar	1440
Datumcode	Silves

x

x

Commentaar	Met het zegel van Frederic Suringe, pastoor te Odoorn

x

Materiaal	perkament

x