Syabbo Synkama en Elke, echtelieden te Warffum, verklaren verkocht te hebben en over te dragen aan Johan Wobbekens en Griete, echtelieden te Groningen, vier jukken land in Ranumerhamrik.

Kondich unde openbaer seed allen guden luden die dessen breeff soelen sien
offte horen lezen Dat wy Syabbo Synkama unde Elke echte lude woenende to
Worphum hebben vercofft Johan Wobbekens unde Griete echte lude wonende to Gro-
ningen veer iucke landes liggende in Raner hemmerick Daer Harderick to
Santvorde is gelegen op die oester zijde teer zwette unde Syko Syenssama is lig-
gende op die wester zijde unde op dat noerd einde to der zwette Daer een mene
wech op dat zude einde is liggende Voer een summe geldes die ons Siabbo unde Elke vorscr.
vull ende all is betaelt Die eerste pennick (sic) mitten lesten van Iohan unde Grieten vorscr.
waer om soe gheve ick Syabbo unde Elke vorscr. vor ons unde onsen erffgenamen Johan unde
Griete unde oer erffgenamen desse vorscr. veer iucke landes over vrij unde veerdich to bruken
to setten unde to vercopen vor alle die daer mit rechte mogen opp spreken alle argelist
unde nije vonde uutgeseghet Hyr hebben bij an unde overgewezen Als Ubbo Hankama
unde Menne Henricks zoen wedmans to Werphum wedmans wijze hijr to geropen
unde geropen unde gebeden ende om die mere vestenisse wente ick Syabbe vorscr. self gheen
zegel en bruke Soe hebben wij gebeden heren heer Wabben onsen cureet to Werphum
dessen breeff vor ons unde over ons to bezegelen unde ick Wabbodus cureet vorscr.
heb myn zegel beneden an dessen breeff gehangen om Syabbens unde Elkens vorscr.
bede wille gegeven int jaer ons heren dusent veerhondert unde ses unde veertich
opp sunte Clemens dach in den winter.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 104r
Regestnr.	234
Olim	Arch. Klooster Selwerd, inv.nr. 1, reg. 76.
Jaar	1446
Datumcode	Clemen

x

x

Materiaal	perkament