Johannes Wighering, decretorum doctor en proost te Hummerke, Julianus, proost te Usquard en pastoor te Bedum, Antonius, persona te Bafflo, en Evert Sicking, proost te Loppersum, verklaren dat Poppeke Herathama, hoofdeling te Eenrum, heeft overgedragen aan abt Hinrick en het klooster te Selwert zijn recht op de helft van de tienden in Halvenampte, Oppgae en Binnendijck, die zijn voorvaderen op Herathamaheerd hebben ontvangen van de abdis van Overwater te Munster, en dat genoemde Roleff van Ummen om wille van zijn zwager Poppeke eveneens afstand doet van zijn rechten op deze tienden ten behoeve van genoemde abt en klooster, welke verklaring hij met zijn zegel bekrachtigt.

Wij Johannes Wichering decretorum doctor
provest toe Hummerke, Julianus provest to Usquard cureet to Bedum,
Antonius persoen to Bafflo unde Evert Sicking provest to Loppersum doen
condich allen luden ende bekennen unde betugen in desen openen breve
dat in tegenwoerdicheit Roeleves van Ummen unde Syerd Gemmens to
Zuudwolde vor ons quam Poppeke Herathama hoeffling to Eenrum, unde
becande dat he mit vrien willen had overgegeven unde toe gestaen unde noch
teghenwoerdich to stont vor em unde synen erffgenamen meister Hinrick
abd, die oeck tegenwoerdich was, unde sijn cloester to Selwert alle sijn recht
unde egendoem dat Poppeko vorscr. hadde off gehad mochte hebn to der
helfter der decime offte der tynde gelegen in den Halven Ampte in
denn Oppgae unde binnendijck, die wandage Poppken vorvaders op Heratha-
maheerd hadn beleent unde ontfangen van der abdissen Overwater
binnen Munster, den vorscr. abd die vorgen. helfte der decime to belenen
van der abdissen vorscr. to ontfangen unde to broken to des abdtes unde
syne cloesters behoeff vorscr. unde orer nacomelingen sonder behinderinge.
of wederseggen Poppkens vorscr. off sjjnre erffgenamen tot ewigen dagen
Des soe antworde Roleff van Ummen vorscr. opp Poppeken woerde unde seechde: Ick
heb aldus lange teghen gewest den abd unde convent van Zelwert van der vorscr.
tynde off decime unde hadde gheerne behindert to boeren om Poppekens wil-
len mijns zwagers, unde want Poppeko den abd unde sijn cloester to Zelwert
sijn recht hevet overgegeven unde hevet to gestaen als hie selven bekent.
Soe heb ick my daer die bet ontheffen unde to lijden unde stae ick to unde gheve
over den abd unde sijn cloester alle myn ansprake unde recht dat ick hebbe
offte gehad mochte hebn to der tynde unde decime vorgen. van myns selves
wegen off van Poppeken wegen. Des vorscr. belijnge is gheschien in al-
len artikulen als vorscr. is in sunte Walburgis kerke binnen Groninghen
int iaer ons heren dusent vierhondert een unde vijftich des naesten da-
ghes na sunte Marien Magdalenen daghe. In orconde heb wij Johannes Wige
rinck proevest, Julianus provest, Antonius persona unde Everd Sickinge
provest vorscr., want ons die abd vorgen. daer to geeyschet hevet unde oeck
om Roeleves bede wille vorscr., onze zegelen an dessen breef gehangen. Ende
iok Roelef van Ummen, want dese belynge unde alle artikulen alsoe ghe-
schiet synt als vorscr. is, soe gelove ick vor mij unde mijne erffgenamen van Pop-
peken wegen unde sijnen erffgenamen den abd unde syn cloester to Selwert
ende oren nacomlingen dessen vorscr. tynde off decime niet to behinderen offte
to bestraffen off yemant van mijnre wegen to ghenen tijden sonder alle
argelist, ende doe soe heb ick Roleff in een tuechnisse unde orconde myn ze-
gel mede beneden an dessen breeff gehangen.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 125v
Regestnr.	286
Olim	Arch. Klooster Selwerd, inv.nr. 1, reg. 115.
Jaar	1451
Datumcode	cMarMag

x

x

Materiaal	perkament