Everhardus, pastoor te Crepeswolde, verklaart dat Ghese Hibelen het door haar overleden man en haarzelf opgemaakte testament, waarbij aan het convent van Essen was vermaakt twee roeden veen, gelegen tussen Berghe en Woelt, en zes akkers land te Kolham, heeft aangevuld, in dier voege dat zij thans bij stoklegging heeft overgedragen aan het convent driekwart van Tiecenmaed, een akker land, strekkende van de Woeltwech tot de Borch, grenzende ten noorden aan Zelwerderlant, en twee grazen land aan de oostzijde van de Grovewal, onder voorwaarde van vruchtgebruik gedurende haar leven.

Ick Everhardus Cureit toe Crepeswolde bekenne ende tughe in dessen openen breve dat voer my is ge-
komen Ghese Hibelen ende bekande voer hoer ende voer oer erfgenamen dat selighe Hibele oer echte man ende zie hadden
in voertiden mit gueden berade ende mit vryen willen ghegheven voer salicheit hoerre sielen ende vrende sielen ten
rechten testamente bi ghesunden live den cloestere ende convente van Essen bi Groningen van sunte Bernards orden twe roede
breet opgaende veens ghelegen tusschen Berghe ende Woelt an die zuetsyt des vorscreven convents veenlant
ende daer toe ses ackerlands mit sinen toe behoer als dat ghelegen is toe Kolham daer Wilhelmus Hyddinc
op die westersyt bi ghelegen is ende dat klofland an die oestersyt erflike ende ewelike dat toe ghebruken ende
toe besitten. Daer na soe hevet desse selve Ghese dit vorscreven testament verbetert ende hevet daer toe den vor-screven
cloestere ende convente ghegheven die dreedeel van Tiecenmaed. Item, een ackerlands streckende vanden Woeltwech
an die borch ghelegen tusschen Zelwerderlant op die noertsyt ende Egge Abelen Bertens op die zuetsyt.
Item, noch twe grase lands ghelegen bi die oestersyt opter Groven wal daer opter oestersyt Oeme ende Herman
Iacobs is gheleghen. Mit vorworden dat Ghese vorscreven mach desse twe grase vorscreven onbesproken ghebruken
toe hoeren live ende niet langer. Des heft Ghese vorscreven den convente vorscreven van alle desen lande vorscreven toe samen
den stoc daer van ghelecht ende is des uutghegaen ende overghegheven ende ofghestaen mit hande ende mit munde
erflike ende ewelike, alsoe dattet den convente vorscreven stede ende vast sal wesen ende bliven toe lantrechte ende toe allen
rechte. Daer desse overghevinge, ofstal ende stoclegginge geschede daer weren an ende over Oeme Ebelens,
Lippe Ebbens, Lambert Ghelens, Heyne Oemens, Johan Gerberts, Rolof Bennens, Ate Enekens, Herman Reyners,
Henric Lippens ende Egbert Sickens. In oorkunde der waerheit, want dit testament aldus als vorscreven is gheschien is
zoe heb ic Everhardus cureit vorscreven om bede willen Ghesen vorscreven mynen zeghel an dessen brief ghehangen
inden jaer ons heren dusent vierhundert ende vierendevyftich des saterdaghes voer Circumdederunt.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	138
Regestnr.	308
Olim	Arch. Klooster Essen, inv.nr. 9, reg. 44. Reg. Feith 1454.16.
Jaar	1454
Datumcode	SaCircum

x

x

Commentaar	Met het zegel van Everhardus

x

Materiaal	perkament

x