Anthonis, persona personatus in Bafftlo, oorkondt dat hij met Henricus, abt in Syloe, in deze optredend in naam van zijn zoon Rodolphus Huesman, scholaris, een overeenkomst heeft gesloten aangaande de door Walravius, elect en confirmaat van Munster, geschonken hof te Bafftlo, waarbij bepaald wordt dat bij eerder overlijden van Rodolphus abt Henricus in diens rechten zal treden en dat bij vooroverlijden van Anthonius diens broer Engelbertus zijn rechten zal verkrijgen.

Anthonius persona personatus in Bafftlo notum facimus universis et sin-
gulis per praesentes publice protestandum Quod super curti in Bafftlo per venerabilem dominum Henricum Ab-
batem in Syloe ordinis sancti Benedicti pro Rodolpho Huesman Scholari de Baflo Iuvene
suo et per nos pro persona nostra ad vitam utriusque nostrum eque pertim possedenda A reverendo
domino Walramo electo et confirmato monasteriensi impetrata seu inpensionata secundum tenorem
collationis eiusdem nobis facte et per nos obtente. Nos Anthonius cum eodem domino Abbate nomine
dicti Rodolphi super usu eiusdem curtis seu redditum ex ea provenientium in omnem eventum
futurum certam inivimus concordanciam pactum et conventionem inviolabiliter observandas sub
hac videlicet forma In casu si contigerit praefatum Rodolphum decedere ab hac vita ante nos
Anthonium praefatum quod ex tunc praefatus dominus Henricus Abbas erit equalis in perceptione
fructuum et reddituum dicte Curtis et in solucione annue pensionis una nobiscum
quousque nos Anthonius et Henricus abbas simul permanserimus in humanis pari
passu et eo modo quo predictus Rodolphus pro nunc est et fuerit quam diu vivit et vixerit
in humanis omni dolo et fraude penitus seclusis Viceversa si contigerit nos Anthonium
decedere ab hac luce Rodolpho superstite ex tunc idem Rodolphus Engelbertum fratrem
nostrum germanum a consimili perceptione reddituum non secludet pro ut in litteris desuper confectis
plenius continetur. Acta fuerunt hec in Groeningen praesentibus ibidem honestis viris Martino
Hopenbynder Ludolpho Meyerinck et Sijckone sartore In Bafftlo vitrico dicti
Rodolphi testibus ad praemissa vocatis specialiter et rogatis In robur et fidem praemissorum praesen-
tes litteras propria manu scriptas sigilli nostri fecimus appensione muniri. Datum anno domini
millesimo quadringentesimo quinquagesimo quarto ipso die Severini episcopi et confessoris.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 014r
Regestnr.	321
Olim	Arch. Klooster Selwerd, inv.nr. 1, reg. 137.
Jaar	1454
Datumcode	Severi

x

x

Materiaal	perkament