| Nummer:kla0356 | Datum:18 dec. 1456 | Overlevering:Afschrift | Vindplaats:Kloosterarch., inv.nr. 20, fol. 119r, reg. 356 |
Burgemeesters en raad te Groningen verklaren dat Alijt Kenema en haar zoon Johan Kenema hebben verkocht aan abt Hinrick en het convent van Selwert 9 1/6 roeden veen met toebehoren in Zuutlarer marke in een erf van veertien roeden, waarvan 1 5/6 roede reeds in het bezit van het genoemde convent is en drie roeden in het bezit van Clawes Kenema zijn.
Wij Borgemestere unde Raed in Groningen Betugen mit dessen
openen breve, dat voer ons synt gecomen Alijt Kenema unde Johan Kenema
oer soene samentlike bekennende vor em unde oren erffgenamen, dat sie hebben ver-
cofft opgedragen unde overgegeven den eersamen heren Hinrike abd unde con-
vente van Selwert unde oren nacomelingen tot behoeff des convente neghen
roede veens unde een sesten deel mit al oeren to behoren ghelegen in Zuutlarer
marke in een stucke erves van veertijn roede veens, daer dat convent vorscr.
mede ingelandet is mit twen roeden myn een sestendeel unde Clawes Kenema
mit dre roeden Daer dit vorscr. convent naest by gelandet is an die zuder zijd.
Unde die gheestlike mageden an die noerder zijd vrij und quijt eweliken unde erf-
liken to bruken unde to besitten mit al oeren to behoeren als vorscr. is mit rechte
unde egendoeme oeren vrijen willen daer mede to done. Voer een summe geldes
die Alijt unde Johan vorscr. samentlike becanden dat em vul ende al is betaelt,
mit vorwerden hebben Alijt unde Johan vor em unde oren erffgenamen geloevet
den abdte unde convente vorscr. unde oeren nacomelingen dit vorscr. erve unde veen
to leveren unde to waeren vor alle ansprake dit mit rechte daer op geschien
mach sonder alle argelist. Dat orconde wij mit onser stadzegel gegeven
in den iaer ons heren dusent veerhondert ses unde vijftich des Saterda
ghes na sunte Lucien dach. Doe Henrick Baroldes, Otto Clant, Otto ter Han
zou unde Gosen van Dulck borgemestere waren onser stad.
openen breve, dat voer ons synt gecomen Alijt Kenema unde Johan Kenema
oer soene samentlike bekennende vor em unde oren erffgenamen, dat sie hebben ver-
cofft opgedragen unde overgegeven den eersamen heren Hinrike abd unde con-
vente van Selwert unde oren nacomelingen tot behoeff des convente neghen
roede veens unde een sesten deel mit al oeren to behoren ghelegen in Zuutlarer
marke in een stucke erves van veertijn roede veens, daer dat convent vorscr.
mede ingelandet is mit twen roeden myn een sestendeel unde Clawes Kenema
mit dre roeden Daer dit vorscr. convent naest by gelandet is an die zuder zijd.
Unde die gheestlike mageden an die noerder zijd vrij und quijt eweliken unde erf-
liken to bruken unde to besitten mit al oeren to behoeren als vorscr. is mit rechte
unde egendoeme oeren vrijen willen daer mede to done. Voer een summe geldes
die Alijt unde Johan vorscr. samentlike becanden dat em vul ende al is betaelt,
mit vorwerden hebben Alijt unde Johan vor em unde oren erffgenamen geloevet
den abdte unde convente vorscr. unde oeren nacomelingen dit vorscr. erve unde veen
to leveren unde to waeren vor alle ansprake dit mit rechte daer op geschien
mach sonder alle argelist. Dat orconde wij mit onser stadzegel gegeven
in den iaer ons heren dusent veerhondert ses unde vijftich des Saterda
ghes na sunte Lucien dach. Doe Henrick Baroldes, Otto Clant, Otto ter Han
zou unde Gosen van Dulck borgemestere waren onser stad.
x
| Archief | Groninger Archieven |
|---|---|
| Fonds | Kloosterarch. |
| Toegangsnummer | 172 |
| Inventarisnr. | 20 |
| Fol.nr. | fol. 119r |
| Regestnr. | 356 |
| Olim | Arch. Klooster Selwerd, inv.nr. 1, reg. 161. |
| Jaar | 1456 |
| Datumcode | SpLucie |