Burgemeesters en raad te Groningen verklaren dat Johan van der Voerd, de riemslager, heeft verklaard dat Egbert Maes ten behoeve van Johannes Vynenest van Statijn een rente bezit, groot twaalf arnhemse guldens, gaande uit een huis met hofstede waarvan Johan de riemslager de helft van genoemde Egbert heeft gekocht, gelegen aan de noordzijde in de Aerijpp, begrensd aan de westzijde door een gang, welke rente te allen tijde kan worden afgekocht met honderd rijnse guldens.

Wy Borgemestere ende Raed in Groningen Betugen mit dessen openen breve
Dat vor ons is gecomen Johan van der Voerd die reemslager ende becande vor
em ende sijn erffgenamen Dat Egbert Maes hevet ende beholdet tot behoeff Johannes
Vynenest van Statijn twaleff arnems gulden iaerliker ende erffliker renten Tyn
onser stad vliegers vor datum desses breves gemuntet offt payment dat daer guet
vor is vor elcken gulden gerekent Jaerlix to boeren als stadrecht is In ende uuten
huse mitter hoffstede ende wyn toe behoren Daer aff Johan Reemslager die helf-
te van Egbert vorscr. gecofft hevet ende een achtendiel gelegen andie noerder
zijde in der Ae rypp Daer Johan Kanters swagers huus naest by licht an
die oester zijde Daer een ganck en tusschen licht ende Johan Kanters lutteke huus
an die wester zijde vry ende quyt Hyr is toegesproken Dat Johan Reemslager
off syn erffgenamen Desse vorscr. rente moegen aff vry ende quyt copen wanneer
em des genoeget mit hondert gulden Ses gulden rente vorscr. payments sonder
argelist Hyr is mede bevorwardet weert sake dat Johannes ende syn hues
vrouwe Lamme bynnen twe iaren na Datum des breves toe Groningen que-
men ende den coepp niet believen wolden van den huse ende hoffstede vorscr. soe sol
den desse vorwarden ende coepp doot ende niet wesen ende anders niet sonder argelist
Dat orkonde wy mit onser stadzegel Gegeven in den iaer ons heren Dusent
veerhondert negen ende vijfftich Des dinxdages vor nativitatis Marie Doe Hen-
rick Baroldes Otto ter Hanzou Gosen van Dulck ende Johan Rengers vanden
Poste Borgemestere waren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 056v
Regestnr.	403
Olim	Arch. Klooster Selwerd, inv.nr. 1, reg. 196.
Jaar	1459
Datumcode	MaNatMar

x

x

x

Materiaal	perkament