Burgemeesters en raad te Groningen verklaren dat Mentit van Norden en zijn vrouw Gerberch hebben verkocht aan Henrik, abt te Selwert, 8 grazen land op de Olde Nee, Yaensummaland genaamd, dat aan de zuidzijde begrensd wordt door het conventsgoed Nijehuesterland.

Wy Borgemestere unde Raed in groningen Betugen mit dessen openen brieve
Dat vor ons synt gecomen Mentit van Norden unde Gerberch sijn echte wijff
samentlike bekennende vor em unde oren erffgenamen Dat sie hebben vercofft opgedra-
ghen unde overgegeven Den eersamen heren Henrike Abd to Selwert unde sijnen
nacomelingen to behoeff des convents Achte graze landes unde een vierndel
van enen graze mit oren to behoeren op die Oldenee offte Yaensumma heert ghe-
hieten Daer des vorscr. land Nyehuester land gehieten naest bilicht
op die zuder zijd Vrij unde quyt eweliken unde erffliken mit allen rechte unde egen-
doeme to bruken unde to besitten vor een summe geldes die Mentit unde Gerberch vorgen.
samentlike becanden dat em vol unde al is betaelt mit vorwerden off dit vorscr.
land myn of meer waer daen vorscr. is dat sal elck den anderen ontvallen off-
te vergueden sonder argelist Dat orconde wij mit onser zegel ghegeven in
den iaer ons heren Dusent veerhondert unde vyftich Des maendages na allen
goedes hilligen dach Doe Henrick Baroldes, Otto ter Hanzou, Gosen van Dulck unde
Johan Rengers van den Poste Borgemestere waren onser Stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 090r
Regestnr.	404
Olim	Arch. Klooster Selwerd, inv.nr. 1, reg. 197.
Jaar	1459
Datumcode	LpOmnSan

x

x

Materiaal	perkament