Hille, weduwe van Aylke te Horne, en Etzeko met zijn broers en zusters, de erfgenamen van Aylko, woonachtig te Eenrum, verklaren verkocht te hebben aan het convent te Wijtwert vier forlingen land, aldaar gelegen, welk land aan Rentko, broeder te Wijtwert, is verpand.

Wy Hille salige Aylken ter Horne wyff gheleden ende Etzeko myt synen susters ende broders Ayllens voersc. erffgenamen karspel
lude to Eenrum bekennen ende betugen my dessen openen breve dat wy hebben voer ons ende onsen erffgenamen vercofft op
dragen overgeven ende quytschelden vier voerlynge landes dat convent to Wytwert welck lant ghelegen is inden
karspel to Eenrum ende onder gheset was broer Rentko broder to Wytwert ende heefft dit voersc. lant op gheboden
eens anderwerff ende derdewerff in Wybolt Lewen vry reddie recht to Eenrum ende dat convent vorsc. is daer myt vrien
rechte in bestedet welck lant vorsc. synt die naeste swettenoten Lyuppe Wybout zoen op die oester syd Tyaert Dreeussma
op die wester syd Render Bolen zoen Claesma to die suder end ende een wech to die noerder end voer ene summe gheldes die
ons Hille ende Etzeko vorsc. wel betaelt is van dat convent voersc. den laesten pennynck myt den eersten waer omme
wy Hille ende Etzeko vorsc. quytschelden overgeven ende op dragen dit lant vorsc. dat convent vorsc. vry ende quyt ti bruken to
besitten to wisselen to versetten to vercopen ende wynen vrien willen daer mede to done sunder alle argelyst ende nye vonden die
dessen breeff hynderen mgen aff gheseget hier hebben an ende overghewesen Wibeko Betama ende Claeussma wedmans
to Eenrum wedmans wyse to gheropen ende ghebeden in Een Oerkonde desser waerheyt So hebben wy Hille ende
ende Etzeko voersc. ghebeden onsen kerckhere meister Albert Rotidens dessen breff voer ons ende over ons to bezegelen
Ende ick Meister Albert vorsc. hebbe myn zeghel om myn karspelluden voersc. bede willen beneden an dessen breeff ghe-
hangen Domen screeff dusent vierhundert ende enentsestich des vridages naest voer Iudica inder vasten etc.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	255
Regestnr.	426
Olim	Arch. Klooster Wijtwerd, inv.nr. 6, reg. 79. Reg. Feith 1461.27.
Jaar	1461
Datumcode	VaJudica

x

x

Commentaar	Met het zegel van meester Albert Rotidens, kerkheer te Eenrum

x

Materiaal	perkament