Burgemeesters en raad te Groningen verklaren dat Eysen Bewensoen, anders genaamd Eyse Mensema, heeft overgedragen aan abt Henrick en het convent te Selwert tien grazen land, bedoeld in de hierbij getransfigeerde akte, in ruil voor tien grazen land te Suutwolde.

Wy Borgemestere unde Raed in Groningen Betugen mit desen openen
breve Dat vor ons is gecomen Eysen Bewen soen anders gehieten Eyse Men-
sema unde becande vor em unde sijnen erffgenamen Dat hie hevet een erffwissel ge-
daen van den lande na manieren hyr na beschreven mitten eersamen heren
Meister Henrick Abd to Selwert so dat Eise vorscr. dracht op unde gavet over
Den Abdte unde convente vorscr. unde oren nacomelingen Die tyn grase landes daer die
breeff van spreket daer desse breeff dor getoghen is vrij unde quijt eweliken unde
erffliken mit allen rechte unde egendoeme to bruken unde to besitten in allen ma-
nieren Als die selve breeff daer aff inholdet unde uutwijset unde lovet dat toe wa-
ren in allen manieren als vorscr. is Vor soe dane tyn grase landes in den kerspel van
Suutwolde gelegen Daer des vorscr. conventes land naest bi lecht op die zuder zijd
Ghermet unde Mene Allema land gebroeders op die noerder zijd Die die Abd unde dat
convent vorscr. Eysen vorgen. weder overgegeven hebben erffliken unde eweliken son-
der argelist Dat orconde wij mit onser stad zegel gegeven in den iaer ons heren
Dusent veerhondert een unde sestich Des donredages na paeschachten Doe Hen-
rick Kater, Gosen van den Grave, Derck Scaffer unde Iohan Tedema Borgemestere
waren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 088r
Regestnr.	429
Olim	Arch. Klooster Selwerd, inv.nr. 1, reg. 213.
Jaar	1461
Datumcode	JpQuaMod

x

x

x

Materiaal	perkament