Burgemeesters en raad te Groningen verklaren dat Hindrick Vriess, abt van het convent van Selwert, enerzijds en Johan Wichering, proost te Hummerse, Gozen van den Grave, Herman Coninck en Mentet van Norden, voormond en voogden van Wijbrant, zoon van wijlen Alert Clant, anderzijds, een geschil hebben bijgelegd betreffende 33 grazen land, Yaemsmaland genaamd, in dier voege dat Wijbrant en het genoemde convent elk de helft van het bedoelde land in eigendom zullen hebben en dat het convent een jaarlijkse rente, groot drie rijnse guldens min een "oert", gaande uit Wijbrants helft, zal bezitten, dat het convent dat gedeelte gedurende het lopende jaar mag blijven gebruiken en het gedurende acht jaren daarna in huur mag behouden.

Wij borgemestere unde raed in Groningen betugen mit dessen openen
breve dat vor ons synt gecomen die eersame here meister Hinrick Vriess abd
des convents van Selwert van wegen sijns convents an die ene zijde meister
Johan Wichering provest van Hummerse Gozen van den Grave Herman Coninck
unde Mentet van Norden als vormunt unde voegede tot Wybrant salighen Alert
Clantes zoen van Wybrandes wegen daer Wybrant mede bij tegenwoerdich is
was an die ander zijde unde becanden samentlike dat sie mit vrentscappen en lief-
liken synt ghescheiden unde overdragen van soe danige schelinge als dat con-
vent unde Wybrant vors. hadden off hebben mochten van dre unde dertich grase
landes gehieten Jaemsmaland in manieren hyr na beschreven soe dat Wybrant
vors. sal hebn unde beholden vor em ende sijnen erffgenamen den egendoem der helfte van
die dre ende dertich grase landes vors. daer dat convent vors die ander helfte van
to behoert beholden den convente vors. in Wybrandes vors. helfte des landes
vors. dre rijnsche gulden myn een oert jaerliker rente na inholt oers breefs
den dat convent daer ophevet unde die brukinge van Wybrandes vors. helffte
des landes vors. die dat vorg. convent daer an gehad unde gedaen hebn toe desser tijt
to unde dit jaerlang daer to is doergesecht soe dat Wybrant vors. daer ghene sprake
en sal hebn noch beholden op den abdte unde convente vors. unde dat convent vorg.
sal Wybrants vors. helfte des vors. landes ten dessen jare in die hure beholden
achte jaerlanck vor sulke hure unde gelt als dat convent vors. vor oer helfte des
vors. landes hebn. voeren sonder argelist. Dat orconde wij mit onser
stad secreet gegeven in den jaer ons heren dusent vierhondert vijf ende sestich opp
sunte Bonifacius dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 088v
Regestnr.	475
Olim	Arch. Klooster Selwerd, inv.nr. 1, reg. 235.
Jaar	1465
Datumcode	Bonifa

x

x

Materiaal	perkament