Burgemeesters en raad te Groningen verklaren dat Ghermen Reynkes heeft overgedragen aan abt Johannes en het convent te Thesinge een jaarlijkse rente, groot zes gouden guldens, gaande uit zijn deel van een huis en hofstede aan de westzijde van de Ebdingestrate, aan de zuidzijde begrensd door het conventshuis van Rottum, alsmede uit al zijn goederen binnen en buiten Groningen gelegen.

Wy borgermestere ende Raed in Groningen betugen myt dessen openen breve dat voer ons is gekomen Ghermen Reynkenssoen
ende bekande voer em ende sine erffgenamen dat hie hevet gesat upgedragen ende overgegeven den Ersamen heren Johanne Abt
ende convente to Thesingen ses golden rinssche gulden offte payment dat daer guet voer is jerliker ende Erffliker
renten jaerlix to boren alze stadrecht is uut Garmens part huuses mytter hofsteden ende alle sinen tobehoren gelegen
ande westerzyde in Ebdinge strate daer des convents huus van Rottum naest by licht ande zuuder zyd ende Clawes Hopen-
binders huus ande norderzyd Ende voert uut alle Garmens vors. andere guedere bynnen ende buten Groningen oick waer
de gelegen sint ende den Abte ende convente vorgen. des best genoget to manen ende to boren Ende Garmen vors. lovet voer em
ende sine erffgenamen desse vors. rente te waren den Abte ende convente vors. uut den vors. huuse ende guede Als voer sodane
hundert rinssche gulden alze Garmen vors. den vors. convente schuldich was. Hiir is togesproken dat Garmen vors. offte
sine erffgenamen desse vors. ses rinssche gulden rente mogen weder vry ende quyt lossen tot allen tyden wanneer em des ge-
noget myt hundert rinssche gulden Offte myt vyfftich rinssche gulden drie rinssche gulden rente vors. payment
sunder argelist. Dat Orkonde wy myt onser stad zegell. Ghegeven inden jaer ons heren dusent vierhundert soven
endetsestich des donredages na sunte Mathias dach apostoli, doe Henric Baroldes, Johan Potter, Gosen van
Duelck ende Dirick Scaffer borgermestere waeren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	11
Regestnr.	499
Olim	Losse kloosterstukken, inv.nr. 6, reg. 24. Reg. Feith 1467.2.
Jaar	1467
Datumcode	JpMatthi

x

x

Commentaar	Met het stadszegel

x

Materiaal	perkament