Rutger van Huyswerden, rentmeester te Covorden, oorkondt te hebben verkocht en bij stoklegging overgedragen aan Jan Munter, commandeur te Wijthwart, tien roeden veen, elke roede veertien voet breed, gelegen in Suytlaren in de marke van Mydlaren, die genoemde Rutger gekocht heeft van Egbert Hannekens en diens zoon Eyteke, welk veen bezwaard is met een jaarlijkse rente, groot negen guldens, welke rente afgekocht kan worden met vijftig arnhemse guldens.

Ic Ruger van Huyswerden inder tijt Rentmeyster tot Covorden kenne ende tuge voir my ende myne Erfg. dat ic vercofft hebbe
vastes stedes erffcopes erfflic ewelic ende ummermeer den Eersamen heren Jan Munter Commenduer des hiligen huses to Wythwart
ordinis sancti Johannis baptiste Jherosolimitani ende synen nakomelingen daer selves tijn Rden veens myt synen tobehoren elk rode vijrtijtn voet
breet Alsoe ic die gecofft hebbe van Egbert Hannekens ende Eyteken synen soen gelegen inden kerspell van Suytlaren ende inder Marken
van Mydlaren gelijc die Eerffcopes breff van Egbert ende sinen soen dat inholt ende begrepen hevet den Herman Bockens sculte
van Suytlaren dair van besegelt hevet ende na een scheydes breff van beseg. is tusscen den buren van Mydlaren ende Rutger
voirsc. denJan Rengers hoefftding ten Poste ende heer Gerd Boldewijn Cureyt to Suytlaren besegelt hebben oec inholt ende
begrepen hevet die welke breve ic heren Jan Munter mede overgegeven ende to guede geschulden hebbe to behoeff her Jans ende
sinen nakomelingen om een somme gelts die my guetlic voll ende all wall betalt is van her Jan voirsc. den lesten penninc myt
den eersten beholdelic my Rutger voirsc. off mynen Eerfg. uut desen voirsc. tijn Roden veens alle jaer negen aern. gulden
vijftijn kuervoirden gulden voir datum des bre[...] [...]muntet off payment voir die weerde to betalen alle jaer my off mynen Erffg.
opp sunte Peters dach ad Cathedram off bynnen vijrtijndag. dair na onbegrepen welke voirsc. negen arn. gulden des jairs die Commen-
duer voirsc. off syne nakomelingen all wege jaerlix aff loesen mogen wanneer hem des genoget myt vijfftich arm. gulden drie
gulden Renthe Ende ic Rutger voirsc. loene voir my ende mijn Erffg. heren Jan ende sinen nakomelingen dit voirsc. vene to waren
ende Rechte waerscap dair van to doen to lantrechte voir all die gene die dair myt Rechte op spreken mogen ende heb hem
van desen vene den stock gelecht als lantrecht is Inden lande van Drenthe voir den buren van Mydlaren na bescreven Als
myt namen Her Sicke Havekenge preyster Jan Hoytinge Lubbert Heemsinge inder tijt sculte to Suydlaren ende meer gueder lude
genoch In een tuych der waerheit soe heb ic Rutgher voirsc. voir my ende mijn Erffg. mijn segell beneden an desen breff
gehangen ende omme die mere vestenysse willen soe heb ic gebeden die Eersamen heren Gerijt Boldewijn Cureit to Suetlaren
ende Sybrant Ulffers praeffst to Groethusen desen brieff aver my to besegelen ende wij Gerardus ende Sybrant voirsc. om
beden willen Rutgers voirsc. hebben onse segele mede an desen brieff gehangen Gegeven in jair ons heren dusent vierhun-
dert ende achtendetsestich op sunte Peters avent ad Cathedram.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	267
Regestnr.	506
Olim	Arch. Klooster Wijtwerd, inv.nr. 21, reg. 86. Reg. Feith 1468.28.
Jaar	1468
Datumcode	vCatPet

x

x

Commentaar	Met de zegels van Rutger van Huyswerden, Geryt Boldewijn, pastoor te Zuidlaren, en Sybrant Ulffers, proost te Groothuizen

x

Materiaal	perkament