Roloff Wiltinge verklaart dat hij heeft verkocht en bij stoklegging overgedragen aan Johannes Visscher een akker land in de marke en op de es van Ees, geheten de Dallacker, en verder zijn deel van het hooiland in de marke van Borgher, geheten de Diepenham.

Ic Roloff Wiltinge bekenne ende tuge myt desen apenen breve voir my ende voir myne erffgenamen dat ic vercofft
hebbe in enen steden vasten erffkoepp erfflick ende ewe-lick Johanne Vischer ende synen erffgenamen om ene summe gelts die
my tot mynen willen voll ende all wall betalt is enen acker lands gelegen inder marke ende opp den essche tot Ees
gehieten die Dall acker als die opp ende neder gelegen is daer andie ene syd naest gelandet is Henrick Wiltinge ende
andie ander sydt Makinge guet. Ende voirt all alsulk hoeylant als ic nu ter tyt hebbe gehat inder marke van
Borgher nemlike myn deill vanden hoeylande gehieten die Diepenham ende die anderen swade tegen Henrick
Wiltinge als dese acker ende hoeylandt gelegen synt myt hoeren toebehoeren die ic hem love te waren ende rechte
waerscapp te doen voir my ende voir myne erfgenamen ende voir alle die ghene die daer myt rechte opp spreken moigen
Ende ic Roloff voirscreven hebbe Johanne Vischer vorscre-ven den stock daer van gelacht als lantrecht is inden lande van
Drenthe. Daer an ende over weren alse buer toe Ees her Egbert des heren priester ende Johan Egbertsoen alse buer
toe Borgher, Johan Egbertsoen vorscreven ende Herman Boltinge ende meer gueder lude genoech, sonder all argelist. In een
tuech der waerheit so hebbe ic Roloff Wiltinge vorscreven gebeden Johan Egbertsoen vorscreven inder tyt sculte toe
Borgher desen brieff voir my to besegelen, want ic selven ghien segell en gebruke. Ende ic Johan Egbertsoen
sculte voirscreven hebbe omme bede willen Rolofs voirscreven myn segell beneden an desen brieff gehangen. Gegeven
inden jaer onss heren dusent vierhondert een ende tseventich opp sancte Andreas avent Apostoli.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	98
Regestnr.	542
Olim	Arch. Klooster Essen, inv.nr. 2, reg. 63. Reg. Feith 1471.25.
Jaar	1471
Datumcode	vAndree

x

x

x

Commentaar	Met het zegel van Johan Egberts

x

Materiaal	perkament

x

Commentaar	er bevindt zich in de plica een tweede zegelsnede.

x