Willem des Heren verklaart dat hij heeft verkocht en bij stoklegging overgedragen aan Arnd Hermen Boekerssoen de hofstede in de marke van Ees, geheten Campynge, en anderhalf "spint" aandeel in de marke.

Ic Willem des Heren ic bekenne myt desen openen /breve\ voer my ende my. arfgenamen dat ick hebbe
verkoft stedes vastes kopes ewilic ende arflick Arnde Hermen Boekers soen ende sinen arfgenamen
enen hofstede geheten Campynge gelegen in der marke van Ees ende ander half spynt wardels
myt sinen tobehoer. Ende dese vorscreven hofstede sal ick Willem vorscreven Arnde vorscreven vrij waeren voer
my ende myne arfgenamen ende voer alle de gene de des to rechte komen willen uutgeze[...] heren-
pacht ende kerkenrecht dat sal bliven als dat behoort voer enen summe van gelde de my witlic
ende wal betaelt ys to mynen willen den lesten penninck myt den eersten. Ende van deser vorscreven
hofstede ende wardel heb ic Willem vorscreven voer my ende myne arfgenamen Arnde vorscreven ende sinen
arfgenamen den stock van gelecht ende syn des vorscreven goedes afgegaen als lantrecht ys[...] [...]
dat stocleggen hebben gewest arfachtige buuer in Ees als heer Egbert des Heren koster
to Borger, Johan Egbertes schulte to Borger vorscreven ende Rolof Wiltynge. Ende hiir hebben
an ende over gewenen [sic] als dedynges luede Johan Egbertes ende Rolof Wiltynge vorscreven. In orkunde
so heb ic Willem vorscreven den Johan Egbertes vorscreven gebeden desen breef voer my to bezegelen want
ic selven gheen zegel en bruke so heb ic Johan Egbertes schulte to Borger vorscreven umme bede willen Wil-
mes vorscreven myn zegel an desen breef gehangen int jaer ons heren M CCCC ende LXXIIII des w[...]s-
dages in den Paesschen.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	105
Regestnr.	572
Olim	Arch. Klooster Essen, inv.nr. 2, reg. 66. Reg. Feith 1474.28.
Jaar	1474
Datumcode	EpPasche

x

x

Commentaar	Met het zegel van Johan Egbertes, schout te Borger

x

Materiaal	perkament

x