Albert Prandynge en Roleff Wyltynge verklaren dat zij bemiddeld hebben tussen Johan Egberdes, schout te Borger, en Steven van Ees, waarbij als vaststaand is uitgemaakt dat Steven aan Johan heeft verkocht en bij stoklegging overgedragen een vierendeel waardeel en een achtendeel, gelegen in de marke van Ees, welk land Johan vrij mag gebruiken, uitgezonderd de "schultroggen", terwijl enige bestaande rechten daarop blijven rusten.

Ic Albert Prandynge, Roleff Wyltynge bekennen eenpartlike myt dessen apenen breve dat wy hebben gededinget steder vaster dedynge tusschen
Iohan Egberdes schulte to Borger ande ene syt ende Steven van Ees den God ghenadige ande ander syt. So hebbe wy gededynget dat Steven van Ees
vorscreven hefft verkofft stedes vastes erffkopes ewlick ende arflick Johan Egbertes vorscreven een verendeel wardels ende een achtendeel. Ende dit vorscreven wardell
sal Johan Egberts vorscreven vry hebben ende bruken dat to holte ende to velde ackerholt busch als dat gelegen is inder marke van Ees ende in vor-
warden so sal Johan Egberts dyt vorscreven wardel vry hebben sunder yenigerleije pacht de daer op komen mach sunder al argelist uutgesecht den schult
roggen den sal Johan Egberts vorscreven betalen /na belope\ des wardels. Ende myt vorwarden sal Johan Egberts vor-screven dit vorscreven wardel ende all wat gude
dat he daer aff hevet vry hebben. Ende de precarie ons heren van Uutrecht ende dat kerken recht sall blyven op Helyngen hoff ende op Makyngenhof
ende op den Suethoff ende op alle den lande ende erve dat to Makyngen guede ende Helyngen gude hort. Ende van dessen vorscreven wardel hefft Steven vorscreven Johan
Egberts vorscreven den stock daer van gelecht vor buren to Ees als lantrecht is. Overt stocleggen hebben geweest arfachtige buer van Ees Albert Pran-
dynge, Roleff Wiltynge ende anders guder lude genoech. Alle nye vonde de men dessen breeff to hynder mach dichten hyr uut gesproken als schoryn-
ge sbreves, quessynge des segel ende al argeliste hyr uut genomen. In oirkunde der warheit so heb ic Roleff vorscreven gebeden Albert Prandynge
dessen breeff vor my to bezegelen want /ic\ selven geen segell en bruke. Ende ic Albert om bede willen Roleves want ic dit selven mede heb gededynget
heb myn segel bneden [sic] an dessen breeff gehangen inden jaer ons heren duzent veerhundert ende veerendeseventich op sunte Margareten avent etcetera.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	99
Regestnr.	577
Olim	Arch. Klooster Essen, inv.nr. 2, reg. 67. Reg. Feith . 1474.29.
Jaar	1474
Datumcode	vMargar
Datumcode	vMargar

x

x

Commentaar	Met het zegel van Albert Prandynge

x

Materiaal	perkament

x