Burgemeesters en raad te Groningen verklaren dat Wessel ten Hoerne heeft verkocht aan de ministerse en de gemene zusters van het Olde Convent in Groningen al zijn bezittingen in de stad, op voorwaarden dat hij een lijfrente, groot 22 arnhemse guldens, behoudt, gaande uit zijn woonhuis in de Botteringestrate, en dat hij, als hij niet bij de zusters blijft wonen, elf guldens extra krijgt.

Wy borgermestere ende Raed in Groningen betugen myt dessen openen breve dat voer ons is gekomen Wessel ten Hoerne
ende bekande dat hie voer em ende sine erffgenamen hevet verkofft upgedragen ende overgegegeven den zusters des olden
convents in onser stad tot behoeff des convents vors. All syn guet dat hie hefft bynnen onser stad Groningen het sy repplijc
ende onrepplijc myt sinen borden waer dat oec angelegen is erffliken ende ewliken vry ende quyt to bruken ende to be-
sitten voer ene summe geldes die Wessel vorgen, bekande dat em vull ende all is betaelt. Hiir is togesproken
dat Wessel vors, sal beholden inden huuse gelegen in Botteringestrate daer hie in plach te wonen also lange
als hie levet ende niet langer tweendetwintich arnemsen gulden lijffrenten teyn onser stad vlegers voer datum desbreeffs
gemuntet offte payment dat daer guet voer is voer elken gulden gerekent. Ende weert sake dat Wessel vors. wolde van
den zusters vors. varen ende niet langer myt em woenen alsdan sal hie totter vors. summe jairlix beholden uut den
vors huuse noch Elven arnemsen gulden vors. payments syn leventlang ende niet langer jaerlix desse vors. lijffrenten
to boren alze stad recht is sunder argelist. Dat Orkonde wy myt onser stad zegel. Ghegeven inden jaer ons heren dusent
vierhundert vyffendetseventich up sunte Anthoniusdach doe Gosen van Dulk, Johan Rengers vanden Poste, Alert
Clant ende Sweder Kater borgermestere waeren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	334
Regestnr.	583
Olim	Arch. Olde Convent, inv.nr. 7, reg. 53. Reg. Feith 1475.2.
Jaar	1475
Datumcode	Antoni

x

x

Commentaar	Met het stadszegel

x

Materiaal	perkament