Poppko, pastoor te Holwierde, verklaart dat zijn parochianen Hayko Renekes en Tayko, echtelieden, hebben verkocht aan Johan Grave, abt, en de abdij te Feldwerd 4½ grazen land in Losdorperhamrik.

Heer Poppko kercheer toe Hollwert bekenne ende betughe
myt desen ieghenwoerdighen breve dat voer my synt gekomen
Hayko Renekes ende Wyake echte lude myn kerspels lude belyden
ende bekanden voer em ende oren erffgenamen dat se hadden verkoeft den
Eersamen Johanne Graven abt ende den ghemenen convents luden toe
Olden cloester vifte halff gras landes liggende in Lesdorper
hammerick in ener vennen van ses grasen daer des cloesters lant
licht by toe der zwetten an de oester zijde ende suderen ende de wech
an de norderen syde ende ende (sic) voer een summe geldes de Hayko
ende Tyake bekenden dat hem wal is betaelt van den eersamen
Johanne Grave Abt ende convents luden vorscr. waer omme geven
se over den vorscr. abte ende convente ende oren nacomelinghen dat
vorscr. lant myt synen toe behoer ende dijken vry ende verdich to bruken
ewelick ende erfflick sunder alle argelijst ende nije vunde de dessen
breff hijnderen moghen In oerkunde der waerheit heb ic heer
Popeko vorscr. myn zegel an dessen breff ghehangen Inden jaer ons
heren dusent vierhundert ende soven en soventich up sunte
Gregrorius dach inder vaesten.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	2
Fol.nr.	fol. 46r
Regestnr.	612
Olim	Losse kloosterstukken, inv.nr. 1, reg. 38.
Jaar	1477
Datumcode	Gregor

x

x

Materiaal	perkament