Burgemeesters en raad te Groeninghen verklaren dat Albert Schomaker en diens vrouw Ghese hebben verkocht aan abt Henrick en het convent te Selwert de 4 1/2 grazen land, bedoeld in de hierbij getransfigeerde akte.

Wy borghemeystere ende Raed in Groeninghen betughen myt desen openen
breve dat voer ons synt ghecomen Albert Schomaker ende Ghese sijn echte huus-
vrouwe ende becande voer hem ende horen erfghenamen dat sie hebn vercoft op ghedragen
ende overghegheven den eersamen heren meyster Henrick Abt ende convente toe Sel-
wert die vyfte half gras landes daer die brief van spreket daer dese brief doer toe-
ghen is vry ende quyt eweliken ende erfliken toe bruken ende toe besitten in allen ma-
nieren daer als die selve brief daer af inholt ende uutwiset voer een summe gheldes
die Albert ende Ghese vorscr. becanden dat hem vol ende al is betaelt sonder arghelist
dat orkunde vy myt onse stad oeghel Ghegeven int iaer ons heren dusent vierhon-
dert ende neghenentsoeventich op Sunte Valentinus avent doe Evert Hubbeldinck,
Sweer Kater, Jacob Grovens ende Rolef Mepsche borghermeystere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 001r
Regestnr.	639
Olim	Arch. Klooster Selwerd, inv.nr. 1, reg. 324.
Jaar	1479
Datumcode	vValent

x

x

x

Materiaal	perkament