Jacobus van Runen, vicaris te Gasselte, verklaart dat hij met toestem ming van zijn patroon Henrick van Munster, heer van Runen, en van zijn kerkheer Roloff Quant een landruil heeft aangegaan met het convent van Essen bij Gronyngen en bij stoklegging heeft overgedragen een huis met stede, geheten de Blankeborch en gelegen vr de vicarie, dat vroeger door Ghele Havynge geschonken is, in ruil voor een land in de hof van de vicarie.

Ic Jacobus van Runen vicarius toe Gasselte bekenne ende betuge in dessen openen breve voer my ende myne navol-
ghers vicariis toe Gasselte, dat ic myt gueden berade ende willen myns ende mynes patroens Henricks van
Munster, heer van Runen, ende myns kerckheren heeren Roloffs Quants hebbe aver ghegheven in enen wissel
ende steden erfcoepe den convente van Essen by Gronyngen ghelegen een huss mytter stede ghelegen voer die
vicarie vorscreven gheheten de Blankeborch welke stede in voertyden nae older kunden in de viccarie vorscreven gegeven
was van saligen Ghelen Hanynge wegen ende dat huss heer Johan Scuttorps viccarius in deer tyt to Gasselte van der
viccarien holte daer up ghesat hadde toe behoeff der vicarien vorscreven daer voer sal de vicarie vorscreven weder hebben
toe ewigen tyden ene maet ghelegen ander oester syde der vicarien ende een sticke lands dat mede begraven
is in der vicarien hoff nae inholt eens breves de daer van ghegeven is van den convente vorscreven. Ende ic Jacobus
vorscreven byn dessen huses ende stede vorscreven off gheghaen myt allen rechte ende hebbe den convente vorscreven den stock
daer van ghelecht na lantrechte des lands van Drenthe voer buren van Gasselte als Herman Hovekinghen,
Ludeken Hovinge dedinges lude, heer Gheert cureyt toe Zuetlaren, heer Roloff Quante cureyt toe Gasselte ende
noch meer gueder mans ghenoech. In orkunde der waerheyt ende want dessen wissel vorscreven aldus ghescheen
ende van beyden perten anghenomen is toe holden als vorscreven staet, soe heb ic Jacobus vicarius vorscreven ghebeden deen
ersamen manne Henrick van Munster myn patroen vorscreven dessen breff voer my ende myne navolghers vicariis toe
beseghelen omme ghebreck smyns up dessen tijt. Ende ic Henrick van Munster vorscreven omme beden willen her Jacobus
vorscreven ende want myde wissel mede belevet als een collator, soe heb ic mynen seghel beneden an dessen breff ghehangen. Gegeven
int iaer ons heren dusent vierhondert ende dreentachtentich up sunte Ambrosius dach episcopi et doctoris.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	117
Regestnr.	699
Olim	Arch. Klooster Essen, inv.nr. 6, reg. 87. Reg. Feith 1483.34.
Jaar	1483
Datumcode	Ambros

x

x

Materiaal	perkament

x