Egbert Hannekens en zijn vrouw Menne verklaren dat zij hebben verkocht en bij stoklegging overgedragen aan het convent van Essen een jaarlijkse rente, groot drie mudden rogge, gaande uit hun land te Crepeswolde, onder de voorwaarden die in de getransfigeerde akte (kla0679) beschreven staan.

Ick Egbert Hannikens ende Menne myn echte huesvrouwe bekennen ende betughen mit dessen openen breve voer uns
ende unsen erffgenamen dat wy mit enen vryen wille ende wal beraden moede hebben vercofft ende verkopen overmits dessen
breve ewelike ende erfflike den convente van Essen ende oeren nakomelingen dree stede mudde roggen rente jaerlix te boeren
uut all unsen lande ende hofstede daer wy nu tertyt ynne woenachtich sint toe Crepeswolde gheleghen tusschen des vorscreven
convents lande an beiden siden voer een summe gheldes die uns vull ende all wall is betaelt vanden vorscreven convente tot unsen
willen. Ende hebben hen daer van den stock ghelecht als lantrecht is inden gherichte van Zelwert voer buer toe Crepess-
wolde die daer mede an ende over weren indes vorscreven convents hove int hues als namentlike Alert Oems, Henricus
die Brabander, Zicke Jungessoen, Zicke Julikens, Oem Eggens, Peter Henrix Brabanders zoen, Zicke Everdeszoen
ende Reynoldus Alerts Oems zoen ende anders gueder lude ghenoech. Hyr is mede toeghesproken ende believet an beiden
siden dat desse vorscreven rente van dree mudde roggen sall staen ende verstaen up dit vorscreven lant na allen manieren ende
forme als staet ende verstaet die rente daer die brieff van sprect ende roert daer desse brieff mit een transfix is
doerghetoghen sunder yenich arghelist ende nyevunde. In orkunde der waerheit soe hebben wy Egbert ende Menne
vorscreven want wy selven gheen zeghell en hebben noch ghebruken ghebeden den eerbaren man her Syard kerckheer
toe Vulvesberghe dessen brieff voer uns te bezeghelen. Dat ick Syardus vorscreven gheerne ghedaen hebbe umme
bede beiden partes wille ende hebbe myn zeghel an dessen brieff ghehangen inden jaer uns heren dusent
vierhundert ende vierendetachtentich up sunte Marcus avent ewangeliste in die octave van paesschen.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	182
Regestnr.	714
Olim	Arch. Klooster Essen, inv.nr. 9, reg. 93.
Jaar	1484
Datumcode	vMarci

x

x

x

x

Materiaal	perkament

x