Arent Campynge, Boele Husynge en Herman Wiltynge verklaren dat zij hebben bemiddeld tussen Johan Husynghe, nu geheten Johan Helynghe, en Lambert Husynghe, in dier voege dat Johan zal krijgen Helynghehues en Hermynhehofstede, benevens een jaarlijkse rente, groot twee mudden rogge, gaande uit Olde Wiltyngheguet te Ees, en dat Lambert zal krijgen Husynghehues, gelegen op Nije Husyngestede, benevens een jaarlijkse rente, groot drie mudden rogge, gaande uit Olde Wiltyngeguet, waarbij nog enige bepalingen omtrent het erfrecht worden gemaakt.

Wy Arent Campynge, Boele Husynge, Herman Wiltynge maken kundych allen luden de dessen
breeff sullen seen off horen lezen dat wy hebben gededynget steder vaster dedynge entusschen Johan Husyn-
ghe nu anders geheten Johan Helynge ande ene syt ende Lambert Husynge syn broder ande ander syt also
hebb wy gededynget dat Johan ende Hille ende oer erfgenamen solen hebben Helynge hues ende hoff ende daer to Hermynge
hofstede so guet ende so quaet als he ys mytter schuren, kerkenrecht, heren pacht ende daer entendes so sall
Johan vorscreven hebben myt synen erfgenamen twe de snodeste mudde roggen jarlix over Olde Wiltynge guet ende arve
so als dat gelegen is bynnen Ees. Ende in vorwarden als Grete oer twyer moder neet en is so sall Johan
vorscreven dat bedde hebben so guet ende quaet als dat is ende als se dat bruket. En hyr entegens so sall
Lambert Husynge Johans broder vorscreven hebben Husynge hues, hoff ende tymmer so als dat steet op Nye
Husynger stede ende de Woert achter Olde Wiltyngen hove ende daer to dre de beste mudde de se oec mande
hadden myt malkanderen over Olde Wiltynge guet ende arve vorscreven. Mer Grete oer moder vorscreven sall
bruken dat ene mudde so (s) lange als se levet ende na oeren leven so sal Grete vorscreven arven dat mudde vorscreven
op Lambert ende syne erfgenamen ende neet op Johan off syne erfgenamen. Ende dar to so sal Lambert bruken verarven de
bome opp der suetsyt hen totter stegen op syne erfgenamen ende nakomelynge ende neet op de Johans. Ende de
twe mudde verscreven sal Johan vorscreven op boren des vrymarkedes ende Lambert mytter moder de oer des meyes.
Ende Johan vorscreven sall hebben ene ploch ende so sall Jan vorscreven gene meer ansprake hebben op de anderen ploge
ende ene zende ende oeck gene meer to genen tyden. Hyr solen se mede gesceyden wezen in allen tyden vanden punte
vorscreven. In orkunde so hebb wy dedynges lude als Arent, Bole, Herman vorscreven eenpartlike gebeden deb ersa-
men Albert Prandynge dyt vor ons to bezegelen want wy selven geen segel en bruken. Ende so hebb ick
Albert vorscreven om bede willen desser guder mans myn segell an dessen breeff gehangen inden jar onss
heren dusent veerhundert ende negentachtentich des hilligen cruces dach na mey.
Tymanus Heren presbiter subscripsit.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	113
Regestnr.	769
Olim	Arch. Klooster Essen, inv.nr. 2, reg. 100. Reg. Feith 1489.28.
Jaar	1489
Datumcode	InvCru

x

x

x

Materiaal	perkament

x