Peter Roede en zijn vrouw Teyda, woonachtig te Wynsum, verklaren te hebben verkocht aan abt Marsilius en zijn convent van Selwert een juk land in Baffelder hamrik, begrensd aan de noord- en zuidzijde door de gemene weg, welke verklaring bezegeld wordt door Albert Vrese, persona en kerkheer te Bafftlo.

Wjy Peter Roede ende Teyda echte lude wonende in den karspel toe
Wynsum bekennen ende betughen myt dessen openen breve dat wy vercopen ende
hebn vercofft voer ons ende onsen erffgenamen den eersamen heren Marsilio
abt ende sijnen convente van Selwert toe behoef des conventes ende oren naecome-
lingen een Juck landes gheleghen in Baffelder hanmerick daer dat convent
voerscr. naest ghelandet is op die wester zijde ende Sijke Sohroder op die oester-
zyde ende op beyde eynden als zuder ende noerder een ghemeen ween voer een somme
van ghelde die ons vol ende al betaelt is den iersten penninck mytten lesten Waer-
om wy Peter ende Teyda vorscr. dat voerscr. land den abte ende den convente over ge-
geven voer ons ende onsen erfgenamen vry ende veerdich toe bruken ende toe vercopen
toe verwisselen ende oren vrien willen daer mede toe doen sonder arghelist In orkunde
der waerheit want wy selven gheen zegel en gebruken soe hebbe wy ghebeden
den eersamen heren Meyster Albert Vrese persoen ende kercheer toe Baftlo desen brief
voer ons toe beseghelen des iok meyster Albert voerscr. ghedaen hebbe om Peters
ende Teyda bede wille want dat voerscr. land in mynen kerspel gheleghen is Int
by wesen der weddemanne toe Bafftlo alse Syko Schroder ende Rolef Cock wedmans
wijse hijr toe gheropen ende ghebeden Ghegeven int iaer ons heren duusent vierhon-
dert neghen entachtentych [doorgestreept: tneghentich] des vrydaghes nae Sunte Johannes voer die latijn-
sche poerte.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 011v
Regestnr.	770
Olim	Arch. Klooster Selwerd, inv.nr. 1, reg. 377.
Jaar	1489
Datumcode	VpJohaPL

x

x

Materiaal	perkament