Burgemeesters en raad te Gronynghen verklaren dat Yelt Eysema en zijn vrouw Rene hebben verkocht aan Hermen Bennekama een rente, groot 51 gouden rijnse guldens, gaande uit 24 pondematen land onder Burum bij Gherkesbrugghe en genaamd Yesemaworft, uit twaalf pondematen land op het Nijelant, uit acht pondematen land op de Oghen te Burum, begrensd aan de noordzijde door de Eyesmaweg, en uit acht pondematen land bij de kerk van Burum, en verder uit al hun goederen, welke rente afgekocht kan worden binnen vijftien jaar met honderd gouden rijnse guldens.

Wy borghermesteren ende Raid in Gronyghen [sic] betughen myt dessen openen breve dat voir ons syt [sic] ghekomen
Yelt Eysema ende Rene syn echte huusvrouwe ende bekanden voer em ende oeren erffgenamen dat sie hebben vercofft
ende overghedraghen Hermen Bennekema ende synen erffgenamen eenendevyfftich golden rinse gulden iaerliker ende
erffliker renten offte payment dat daer goet voer is voer elliken rynssgulden gherekent als die
rynss gulden in Gronyghen ghelt jaerlix toe betalen tot sunte Meerten inden winter offte schadeloes
ghelt myt bot breven in toe manen offte anders myt wat rechte Hermen vorscreven offte synen erffgenamen dat
best belevet toe boren ende toe manen uut vierentwintich pondemate landes gheleghen toe Burum by
Gherkes brugghe gheheten Yelsema worff ende uut twalff pondemate landes gheleghen op dat nye
lant daer dat convent van Vrouwen cloester an beyden tsyden naest ghelandet synt, bet uut achte ponde
mate landes gheleghen op die Oghen daer Weye toe Burum lant by licht ter swette op die suder
syt ende Eysema wech op de noerder syt, bet uut achte pondemate landes ghelegen ten Burum by die
kercke daer die monike van Ghericks cloester an beyden tsyden naest ghelandent [sic] synt ende voert
uut alle (oer) oer anderen landen ende guederen woe offte waer sie oeck gheleghen synt offte uut een deel
der voerscreven landen ende guederen waer Harmen voerscreven offte syne erffgenamen dat best belevet toe manen
vrij ende quijt erffliken vry daer uut toe waren voer een somme gheldes die Yelt ende Rene vorscreven
bekanden dat en vul ende al is betaelt. Hyr is toe ghespraken dat Yelt ende Rene voerscreven offt oere
erffgenamen desse eenenvyfftich ryns gulden renten moghen weder aff vrij ende quyt copen bynnen vyfftyn
iaren naestkomende wanneer em best belevet myt hondert golden ryns gulden ses rynsgulden renten vorscreven
payments ende dat ander voert dar nae toe rekenen ende altyt mitter vullen renten sonder alle ar-
ghelist. Dat orkunden wy myt onser stadt seghell. Ghegeven in den iaer dusent vierhondert ende
tweendeneghentich des saterdages nae sunte Meertens dach in den winter doe Ghermet Allema, Roleff
Mepssche, Hermen Lewe ende These Iarges borghermesteren weren onser stadt.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	89
Regestnr.	807
Olim	Arch. Klooster Trimunt, inv.nr. 7, reg. 10. Reg. Feith 1492.43.
Jaar	1492
Datumcode	SpMartin

x

x

x

Materiaal	papier

x