Reymer Oersinghe te Exst verklaart te hebben verkocht en bij stoklegging overgedragen aan de ministerse en de gemene zusters van het Olde Convent in Groningen en aan Willem Wittinck en diens vrouw Hille, medebroeder en -zuster in het convent, een huis met hofstede in de buurschap van Exst in het kerspel Anloe, geheten Wester Meursinghehuys.

Ick Reymer Oersinghe toe Exst bekenne ende betughe myt dessen openee breve voer my ende voer myn eerfgenamen dat ick myt vrien
moet willen ende voerbedachten rypen berade heb vercofft ende opeghedraghen ende overghegeven vry ende quijt ewelike ende eerfliken
draghe op ende gheve over der mynistersche ende den ghemeynen susteren ende oren nacomelinghe des olden conventes byn
nen Groninghen vander derder regulen sancti Ffrancisci ende Willem Wittinck ende Hille syn echte huysvrouwe een mede-
broder ende suster des selven convents voerscr. een huys mytter hoffstede in die buerscap toe Exst inden kerspel van Anloe
ghehieten Wester Moersinghe huys ende strecket sick westwert an Reymers voerscr. bouacker ende noerwert an Egbert
Meyringhe acker ghehieten een navewynne, ende oestwert an Johan Uddinghe bepaelde hoffstede, ende suydwert
an die buere steghe. Welck voerscr. huys my Reymer voerscr. die ministersche ende ghemene sustere ende Willem voerscr.
vul ende al wal betaelt hebben nae mynen willen den lesten penninck mytten eersten ende danck hem goeder betalinghe
ende draghe hem dit voerscr. huys op myt hande ende myt monde ewelick ende eerflick ende horen vrien willen daer
mede toe doen. ende ick Reymer vorscr. love der mynisterschen ende den ghemenen Convents luden ende oren nakomelinge
dit vorscr. huys voer my ende voer myn eerffghenamen vrij to leveren ende toe waren ende rechte waerscap daer van
toe doen ende voer alle aenspraeck ende voer alle die ghene die daer myt rechte op spreken moghen. Ende ick Reymer
voerscr. heb voer my ende voer myne eerffgenamen der mynischerschen ende ghemene convents luden ende oer nacomelinghe ende Willem
vorscr. den stock hyr van ghelacht als een lantrecht is inden lande van Drenthe als voer eerffachtighe buren van
Exst als bynamen ionghe Willem Wittinck Albert Ebinghe ende Hynrick Harwedinghe ende meer goeder lu-
de ghenoch die mede vanden winkop droncken. Ende ick Reymer vorscr. wil dessen koep vorscr. voer my ende myn
eerffgenamen vast ende stantachtich gheholden hebben sonder alle arghelist ende nye vondenisse wtghesproken in een oerkonde
ende tuych der waerheit want ick Reymer vorscr. selven gheen seghel en hebbe soe heb ick ghebeden den Eerbaren
man Hynrick drost inder tyt schulte to Anloe dessen brieff voer my ende voer myn arfghenamen toe beseghelen.
Dat ick Hynrick drost schulte vorscr. om Reymer vorscr. bede gheern ghedaen hebbe, ende heb myn zeghel beneden
an dessen brieff ghehangen Ghegheven inden iaer ons heren dusent vierhundert vierendetnegentich des son-
nendaghes voer sunte Martens dach inden wynter.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	366
Regestnr.	835
Olim	Arch. Olde Convent, inv.nr. 58, reg. 82. Reg. Feith 1494.31.
Jaar	1494
Datumcode	DaMartin

x

x

Commentaar	Met het zegel van Hynrick Drost, schout te Anloo

x

Materiaal	perkament