Arent Campinge en zijn vrouw Hermen verklaren te hebben verkocht en bij stoklegging overgedragen aan het convent van Essen hun beide huizen en hoven, geheten Campinge en Huddinge, en verder al hun goederen in het kerspel van Borgher en in de marke van Ees.

Wy Arent Campinge ende Hermen myn echte huesfrouwe kennen ende tughen myt desen openen breve
voer ons ende voer onse erffgenamen dat wy myt gueden vryen willen ende voer bedachten rade vercofft
hebben stedes vastes erffcopes erfflickk ende ewelic den convente van Essen ende oren nakomelingen
beyde onse huse ende hove gheheten Campinge ende Huddinge ende voert al onse erffnisse ende guet tilber
ende ontilber boulant hoeylant myt topp myt twige myt dre spint werldes, toe holte ende toe velde
toe heyde ende toe weyde ende myt alle synen tobehoren als wy op dach datum des breeffs hebben in den
kerspel van Borgher ende inden marck van Ees om ene summe geldes die ons tot onsen willen voll
ende all wal betaelt is die leste pennynck mytden eersten welke huse ende hove, lant, sant, wardell ende all
unse guet tilber ende ontilber ghelyc vorscreven is wy Arent ende Hermen echte lude vorscreven opgedragen ende
overghegheven hebben dragen op ende gheven over myt desen selven breve myt handen ende myt monde
rechtevoert off staende ende uutgaende tot behoeff des convents vorscreven soe dat wi noch onse erfgenamen
daer nyet meer anbeholden noch wachtende en sullen wesen. Ende loven hen dat erffliken toe waren
ende rechte warscap te doen voer ons ende onse erffgenamen ende voer alle die ghene die daer myt rechte
op spreken moeghen. Ende des hebben wy Arent ende hermen vorscreven beyde samen ende ick Arent sunderlinge
als een recht ghekoren momber mynre huusfrouwen vorscreven myt oren willen den stock daer van ghelecht
als lantrecht is inden lande van Drenthe voer den bueren van Ees als Hermen Gibbekinge, Wermbolt
ten Bronynger daer oec an ende over weren als dedinxlude den erber man Reynalt Mepsche ende Geert
Ghermynge Arends vorscreven broder ende meer gueder lude ghenoch sonder all argelist. In een tuech der
waerheit soe hebben wy Arent ende hermen voerscreven ghebeden den erber man Reynalt Mepschen vorscreven
desen breeff voer ons toe besegelen. Ende ic Reynalt vorscreven omme bede willen Arends ende Hermens vorscreven
soe hebbe ic myn segell witliken beneden an desen breeff ghehangen. Ghegeven in den jaer onses
heren dusent viff hundert des vridaghes vor sunte Johans baptisten in den somer.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	105
Regestnr.	879
Olim	Arch. Klooster Essen, inv.nr. 2, reg. 111. Reg. Feith 1500.30.
Jaar	1500
Datumcode	VaNatJoh

x

x

Commentaar	Met het zegel van Reynolt Mepsche

x

Materiaal	perkament

x