Burgemeesters en raad te Groningen verklaren dat Bruen Westvelingk en diens vrouw Hidde hebben verkocht aan Joest Berendeszoen de kramer 44 roeden land, bedoeld in de hierbij getransfigeerde akte, in welke koop is ingesloten dat Joest zal hebben al het land ten zuiden van deze 44 roeden, dat afkomstig is van wijlen Clawes Thonys.

Wij Borgermeistere ende Raet in Groningen betughen mit dessen openen breve dat voer
ons sint ghekomen Bruen Westuelingk ende Hysse sijn echte huesfrouwe ende be-
kande voer hem ende hoeren erffghenamen dat se hebn verkofft upgedraghen ende over
gegeven Joest Berendes zoene den kremer ende sinen erffghenamen de veerenveertich
roede landes daer de breeff van spreket daer desse breeff doer getogen is vrij
ende quijt erffliken ende eweliken in allen maneren toe manen to bruken ende
to besitten als de selve breef daer aff inholt ende uutwiset daer to sal Joest
vorscreven voer hem ende sinen errgenamen inden selven koep erffliken ende eweliken
hebn ende beholden alsodane land dat up de suuder zijd is gheleghen van de
vorscreven veerenveertich roden uutgekomen van salighen Clawes Thonys
daer schuren ende kamers plegen up to staen so goet ende cleyn als dat
daer gelegen is. Voer een summe geldes de Bruen ende Hesse vorscreven bekande
dat hem vull ende all is betaelt sunder arghelist. Dat orkonde wij
mit onser stad seghel. Gegeven inden jaer ons heren dusent vijffhundert
ende achte des vridaghes voer sunte Margrete do Hermen Lewe
These Jarghes Johan Schaffer ende Werloff Konrades Borgermeistere waren
onser stat

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	434
Regestnr.	948
Olim	Reg. Feith 1470.31.
Jaar	1508
Datumcode	VaMargar

x

x

x

Commentaar	Met het stadszegel

x

Materiaal	perkament