Bewo Mensma, kerkheer te Godlynsen, oorkondt dat hij het convent van Oldencloester bij den Damme kwijtscheldt het van hem geleende geld, dankt voor de opneming van zijn dochter Anna in het convent en het klooster legateert zestien deimten land in Scharmer hamrik aan de Olde Ee, een rente, groot een gouden rijnse gulden, gaande uit zijn huis en heerd in de Rijpp, en een rente, groot zeven arnhemse guldens, gaande uit een venne op de Olde Dijck te Godlynsen.

In nomine domini amen Ic magister Bewo Mensraa kerckheer toe Godlijnsen
bekennen myt desen openen breve dat ic quy't scelde unde quytancien
gave den Convento toe den Olden cloester by den Damme anders ghe-
heten Ffeldwert alsoe daene geelt als den convente vorscr. geleent unde
mach geleent hebn voer datum deses breves unde dancke den convente
vorscr. ghoeder betalijnge Ende mede omme waldaeden se by unde an my
bewesen hebn want de vorscr. Convents luden myn dochter Anna
pur omme godes willen ende inede om mynre bede willen anghenoe-
men hebn unde professijt hebn unde ghemelt nae hoere regulen als
dat gheboert dat wal toe bchoert danckberheit unde noch altijt
voert an dancber wesen wil myt vlite nyet allene in mynen leven
meer oeck nae mynen dode myt mynen testamente by namen dat
dyt vorscr. convent van magister Bewen vorscr. verbetert sal wesen
omme dat se god voer my bidden sollen zesteyn deymeten landes gelegen
in Scharmer hammerick streckende up de Olde Ee nae in holt eens breves
unde besegelden koep breves unde bet sal dat convent vorscr. hebben enen
golden rynsgulden uut myn heert ende lande in den Rijpp geleghen
ewentlike ende erffliken weIke gulden vorscr. men nummer en sal off kopen
unde daer sollen dat convent vorscr. voer beplichtet wesen de memorie
toe holden als my god de here van desen eerden geeschet hevet myt ziel
miesen unde myt vigilyon. unde myt desen vorscr. gulden salmen mede kopen
hariborger bier daer men mede den convents luden recreren sal myn gracien
unde wan se dat alsoe nyet en holden sollen se den gulden dat iaer mysten
Item bet soe gheve ic myn dochter Anna zoven arens gulden renten uut ener
vennen van zoven grasen nae uut wijsen enes breves toe Godlijnsen
gelegen up de Olde diick daer Anna vorscr. nae mynen dode hoer noet-
drufte van hebben sal by alsoe dat hoer moder dat boren sal unde mytter
tyt als Anna vorscr. dat behovet geven sal wert oeck sake dat myn
dochter Anna voer oer moder storve soe sal Styne de VII arens gulden vorccr.
ghebruken hoer levent lanck ende nae oren dode weder komen toe den
convete vorscr. unde noch dencke is den convante meer toe geven van mynen
tylber gueden unde juwelen dat dan myn rechte laeste willen unde
testamente wal uut wijsen sal daer mede sollen de convents luden
aff ghesceyden wesen van der arffnijsse mynre goderen In eenre
orkunde mere waerheiden heb ic mester Bewo vorscr. myn
zegel ghehanghen beneden an desen breff Inden iaere ons heren
dusent unde vijff hundert unde achtyne up sunte Pancracius avent.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	2
Fol.nr.	fol. 38r
Regestnr.	979
Olim	Losse kloosterstukken, inv.nr. 1, reg. 93. Reg. Feith 1518.13.
Jaar	1518
Datumcode	vPancra

x

x

x

Materiaal	perkament