Burgemeesters en raad te Groningen verklaren dat Sicke Ottemate Grotegast, voormond, Willem Frericks en Roleff in de Venne in de Rugewaert, voogden van Tyaert Wije Rosema's kleinkind, hebben verkocht aan de ministerse en de gemene zusters van het Olde Convent in Groningen veertien akkers land op de Haer in het kerspel Marum in Vredewolt.

Wy Borgemester ends Raedt in Groningen betuegen mit dessen openen breve dat voir ons sint gekoraen Sicke Ottema op Grote-
gast voermundt Willem Frericks ende Roleff in de Venne up de Ringewaert alle voegeden ende vormunders tot Tyaert Wye Rose-
ma kindes kint ende bekanden samptlick van wegen des kindes'ende sinen erfgenamen dat se hebben vorcoft upgedragen ende overge-
geven den pater ende ministersche ende gemenen Susteren ende oeren nacomelingen des olden Conventes bynnen onser Stadt Gronin-
gen geheten ten geestliken mageden veertyn ackeren landes myt een heem holt ende mit alien tobehoeren als de gelegen sint up
de Hair in Marummer karspel in Vredewolt streckende sick suedwart an Sigers Woldema syt ende nortwert an de monnike
posten dair dat vors. Conventes lant naest by licht up de oester zydt ende des Cloesters van Trimunten lant up de wester zy-
de vry ende quyt erfliken ende ewliken to brueken ende tbesitten ende oeren vryen wyllen dair mede to do ene Oick loven Sicke Wil-
lem ende Roleff vorgen. voir hem ende oeren erfgenamen off voir em alien de vorscr. veertyn ackeren landes mitten heem den
vors. convente ende oeren nacomelingen vry to waren voir alle ansprake voir ene summe geldes de Sicko Willem ende Ro-
leff vorgen. bekanden hem tot behoeff vors. kindes vul ende al is betaelt sunder argelist, dat orkunde wy myt onser Stadt
Segell Gegeven inden iare ons heren dusent vyffhundert e de eenendetwintich dinxdagen na Mertini episcopi inden winter
do Coert Coenrades, Roleff Huynge, Lubbert Clant ende Clawes Scaffer Borgemester weren onser Stadt.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	379
Regestnr.	996
Olim	Arch. Olde Convent, inv.nr. 70, reg. 93. Reg. Feith 1521.2.
Jaar	1521
Datumcode	MpMartin

x

x

Commentaar	Met het stadszegel

x

Materiaal	perkament