Burgemeesters en raad te Groenyngen verklaren dat Otto Wybes, burger van Groenyngen, heeft verkocht aan Wolter Gerardi, commandeur van Wijtwart, zijn aandeel in een rente, groot negen emder guldens, gaande uit Peter Entens heerd te Harsens, namelijk drie emder guldens per jaar, overeenkomstig de overeenkomst tussen de commandeur en Otto (14 november 1542) en overeenkomstig de inhoud van de "principael"-akte van 1541,?bezegeld door de gebroeders Bartoldt en Peter Entens.

Wy Borghermestere ende Raedt yn Groenynghen betueghen myt desen openen breve dat vor uns ys ghekomen Otto Wybens unse burger ende
bekande vor hem ende synen arffgenamen dat he hevet vorkofft upghedraghen ende overgegeven den religiosen her Wolter Gerardi com-
menduer tho wytwart oft holder deses breves myt synen willen syn anpart van negen Embder gulden rente ghaende uuth
Peter Entens heerdt tho harsens als Jaerlixs dre Embder gulden rente na luede des scheydebreeffs tusschen den commenduer ende
otten vorg. myt synen vrunden ghemaicket de van vyfftyn embder gulden rente spreket daer sesse Otten vorg. myt synen
adherenten van affghelosset syn, her wolter vorscr. synen vryen willen daer mede tho doen tho laten tho geven alle tydt wair
hem des best belevet sunder enich ynseggen van otten vorscr. offte synen arffgenamen vor ene Summe gheldes de otto vorg. bekande
dat hem vul lende all ys betaelt den laesten pennynck myt den eersten. loefft daer um vor hem ende synen arffgenamen um de
vorg. rente ghene meer ansprake tho doen hebben noch beholden myt ghenen rechten dan her wolter vorscr. offte holder des
breves myt synen willen de vorscr. rente tho manen ende boeren na ynholdt des principael breves de van veer ende twyntich
Embder ghulden Jaerlixs ys sprekende Int Jaer van een ende veertich van Bartoldt ende Peter Entens ghebroederen besegelt
Sunder arghelist dat oerkunde wy myt unser Stadt Seghel Gegeven Inden Jaer unses heren Dusent viffhundert veer
ende veertic hup sunte Margareten avendt do Elth tho Lellens Everdt Mepsche Reynt Albarda ende Albart Jarges Bor-
germestere weren unser Stadt.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	311
Regestnr.	1054
Olim	Arch. Klooster Wijtwerd, inv.nr. 8, reg. 144. Reg. Feith 1544.26.
Jaar	1544
Datumcode	vMargar

x

x

Commentaar	Met het stadszegel

x

Materiaal	perkament