Willem Ubbena, ambtman van het gericht van Selwart, oorkondt dat heer Franciscus Gendringe, keldermeester van Essen, enerzijds en Lubbert Bunninge, Hinrick Knotte, Johan Knotte, Johan Abbringe, Johan Wolderinge en Johan Rotgers, gevolmachtigden van de gemene buren van Haren, anderzijds, een minnelijke schikking hebben getroffen over een sloot en afwatering, lopende van de Essernijenschutensloet tot de noordzijde van de "noerderboem", waarbij wordt bepaald dat het convent en de buren gezamelijk de sloot zullen onderhouden, overeenkomstig de bepalingen van de akte van 17 juli 1484.

Willem Ubbena amptman inder tydt des gherichtes van Selwart bekenne ende betuge myt desen openen breve dat voer
my sinnen gecomen de weerdige unde religiose heer Ffranciscus Gendringe kelner tho Essen an de ene syde Lubbart Buninge, Hinrick
Knotte, Johan Knotte, Johan Abbringe, Johan Woldringe ende Johan Rotgers als vulmachtigen van wegen den gemenen buren
to Haren ter ander syden ende bekanden de kelner van wegen des convents tho Essen ende horen naecomelingen ende Lubbart
Buninge, Hinrick Knotte, Johan Knotte, Johan Abbringe, Johan Woldringe ende Johan Rotgers van wegen der buren van
Haren ende horen arffgenamen ende nacomelingen dat sie tot achtervolch van des erbaren Raedes guede wille ende meninge
(de wyle sye van het recht ter vrundtschap gewesen) liefflicken mit malckanderen sinnen verdragen als van den sloet ende
uutwateringe streckende van den Esser nyen schutensloet nae den noerder sydt van den noerder boem daer segell
unde breve in dato dusent vierhondert vierundetachtentich des saterdages na sunte Margreten dach virginis van vermelden
welcker sloet ende uutwateringe de kelner vorscreven versochte nyes upgegraven ende gerodet ende gerumet solde worden
na vermelt den vorscreven versegelden breeff daer de buren van Haren vorscreven onwillich to weren daerup nu tuschen
beyden is verdragen ende by beyder parten beleven gesloten dat het convent van Essen ende de buren van Haren solen ende
willen nu voertan ten ewigen dagen den vorscreven sloet ende uutwateringe van den nyen schutensloet hen nae den noer-
der sydt van den noerder boem to gelyke graven, roden ende rumen sovaeke als des van noden sall syn also
to verstane dat de buren van Haren ende horen nacomelingen solen holden den suderste helfte van den vorscreven
sloet ende solen den selvygen nu voer dytmael nyes graven ende de eerde up ene sydt to weten up den we-
ster sydt uutwarpen ende voertan ten ewigen dagen graven, roden ende rumen inde wyte ende diepte ende in
aller gestalt soe als dat convent van essen hoer helfte to weten de noerder sydt vanden vorscreven sloet gra-
ven, roden ende rumen mogen ende daermede sall de vorscreven schelinge van de upgraving ende uutwateringe des
vorscreven sloets ten ewygen dagen gescheyden ende gesleten syn ende sall de vorscreven olde breeff in dato als vorscreven hier
mede ongekrencket syn ende sall in allen puncten desen niet beroerende wesen ende blyven inder macht
sonder argelist. Dat oerkunde ick Willem Ubbena amptman voergemelt myt myn segel witlicken
beneden an desen breeff ghehangen. Ghegeven int jaer onses heren dusent vyffhondert twe undetsoventich
den soven undetwintichsten dach junij.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	162
Regestnr.	1109
Olim	Arch. Klooster Essen, inv.nr. 17, reg. 132. Reg. Feith 1572.106.
Jaar	1572
Datumcode	2706

x

x

x

Materiaal	perkament

x