| Nummer:kta060 | Datum:29 sept. 1484 | Overlevering: | Vindplaats:Klooster Ter Apel, inv.nr. 1, fol. 020v, reg. 60 |
Hinricus Beckers en Hermannus Waterman, curate te Hazelunne en Reden en Dodeke Schade, knape, oorkonden, dat zij als testamentarii van wijlen Johannes Rolevinck, krachtens deszelfs testament hebben ‘overwijset’ den heer Hinrucus van den Berghe, prior, ten behoeve van het klooster ter Apel twee brieven ‘sprekende up zeliger Wilbrand Schaede selige dechtenisse’ enz, (Zie no. 3 en 5) voor welk legaat prior en convent jaarlijks eenige zielmissen moeten lezen.
Een wylbreeff daer up der vorscr.
Wy Hinricus Beckers und Hermannus Watrum Curate toe
Hazelunne und Reden und Dedeke Schade knape doe konde
und bekennen in dossen openen besegelden breve vor alsweme dat
wy myt guden vryen willen eendrechtighen als testamen
tarii seligen Johannis Rolevinck milder gedechtnisse na begerten
unde willen des sulven Johannis in synen leesten und synes testa
mentes, hebben overgewyset gegeven und laten overwysen
gheven unde wysen laten in krafft dossen breves demen wer
dighen ende erbaren heren Henrike van demen Berge priori toe
. Apell toe behoiff orbar unde nutte des Conventen unde
Cloisters Apell vorscr. twe breve spreken up zeligen Wilbrand
Schaeden seliger dechtnisse de ene holden up XLVIII philippus
schilde ende de ander up VIII golden rynse gulden dat allet
myt eren inholde claerliken uuitwisende und synnen
der selven breven alynghes uuitgegaen und hebben
daer up verteghen myt hande ende munde toe behoiff
des vorscr. Conventen ende prioris also dat de sulve prior unde
syne nakomelingen de sulven breve to behoiff des vorgen. Conventen
sollen ende mogen hebben beholden unde gebruken toe oren egenen
besten, de toe gheven keren laten ende weenden ende daer
mede doen allent dat gene seligen Johannis vorgen. by synen
levende vor ende wy na als testamentarii gedaen mochten
hebben, voor welke breve de selve prior und Convent
jarlikes alle iare toe ewigen tyden ene memorie des avendes
myt vigilien ende des morghens myt sielmissen toe singende
off toe lezende holden ende een oick in eer register der
doden scriven .olden voer eem tobiddende als dat in oeren
cloester ghewoentlick is ende loven oc vorder den selven prior
ende synen nakoemlingen ende deme Convente sodane breve
vorgen. als testamentarii vorscr. toe warende ende toestane
vor alle des des toe rechte komen willen waer em des
noit is ende behoiff sonder alle Arghelyst ende des
to tuge In des to tuchnissen der waerheit hebben
wy Hinricus ende Hermennus Curati unde Dedeke knape vorscr.
onse Segelen wytliken ende ...tliken beneden an dossen
breeff gehangen Datum Anno LXXXIIII ipso die Miachaelis.
Kta060
Wy Hinricus Beckers und Hermannus Watrum Curate toe
Hazelunne und Reden und Dedeke Schade knape doe konde
und bekennen in dossen openen besegelden breve vor alsweme dat
wy myt guden vryen willen eendrechtighen als testamen
tarii seligen Johannis Rolevinck milder gedechtnisse na begerten
unde willen des sulven Johannis in synen leesten und synes testa
mentes, hebben overgewyset gegeven und laten overwysen
gheven unde wysen laten in krafft dossen breves demen wer
dighen ende erbaren heren Henrike van demen Berge priori toe
. Apell toe behoiff orbar unde nutte des Conventen unde
Cloisters Apell vorscr. twe breve spreken up zeligen Wilbrand
Schaeden seliger dechtnisse de ene holden up XLVIII philippus
schilde ende de ander up VIII golden rynse gulden dat allet
myt eren inholde claerliken uuitwisende und synnen
der selven breven alynghes uuitgegaen und hebben
daer up verteghen myt hande ende munde toe behoiff
des vorscr. Conventen ende prioris also dat de sulve prior unde
syne nakomelingen de sulven breve to behoiff des vorgen. Conventen
sollen ende mogen hebben beholden unde gebruken toe oren egenen
besten, de toe gheven keren laten ende weenden ende daer
mede doen allent dat gene seligen Johannis vorgen. by synen
levende vor ende wy na als testamentarii gedaen mochten
hebben, voor welke breve de selve prior und Convent
jarlikes alle iare toe ewigen tyden ene memorie des avendes
myt vigilien ende des morghens myt sielmissen toe singende
off toe lezende holden ende een oick in eer register der
doden scriven .olden voer eem tobiddende als dat in oeren
cloester ghewoentlick is ende loven oc vorder den selven prior
ende synen nakoemlingen ende deme Convente sodane breve
vorgen. als testamentarii vorscr. toe warende ende toestane
vor alle des des toe rechte komen willen waer em des
noit is ende behoiff sonder alle Arghelyst ende des
to tuge In des to tuchnissen der waerheit hebben
wy Hinricus ende Hermennus Curati unde Dedeke knape vorscr.
onse Segelen wytliken ende ...tliken beneden an dossen
breeff gehangen Datum Anno LXXXIIII ipso die Miachaelis.
Kta060
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 1 |
| Fol.nr. | fol. 020v |
| Regestnr. | 60 |
| Jaar | 1484 |
| Datumcode | Michae |