Prior en convent te Apel gaan een overeenkomst aan met Menne Hoissinck, Jacob Trenningh, Elzo ter Walslage, Kerstken ter Wyssche, Johan Schwingh, Ayken Warningh, Hysken ter Borch, Albert Sickens, Haye Wazekens en Johan Veltman, gemene buren van Lauwede, over het zetten der scheidpalen tusschen de goederen van het klooster te ter Apel en de mark van de gemeene buren van Lauwede.

..... Toe weten dat In den Jare onsses heren dusent vierhondert und Soevenundtzoven-
tich des ersten dages na Nyeniares daghe hebben de Ghestlike broder Hinrick van den Berghe prior
tho Apell van wegen des Conventes vorscr. unde de Ghemene Bure van Lauwede ene frunt-
like Scedinge ghedaen des grondes landes unde holtes tusschen des Cloisters gronde und Lauwerder marcke
vorscr. und een paell up den Broyll alsoe voirt gesat, waer to men noch twe pale setten solde up beyden eenden des Scholten slotes und dat dan also up beyden zyden bebreven Welcke vorder
. bepassinge und maken der breven als ene wyle versinnet is hebben beyde parthen anghe-mercket strefflicheit der teghenwordiger tydt der pestilencien waer omme hebben de
selven broder Hinrick
. prior und Convent toe Apell vorscr. up de ene, und Hisko ter Borch Meyme Hoytzingh
Jacob Trenningh Elzo ter Walslagen Kerstken ter Wyssche, welke drenaist oec weren van
den Twalff
. gesworen des landes van Westerwolde, dair to Ayken Warnnyngh Johan Schuringh Albert Sickens Hayo Wazekens und Johan Veltman up de anderen zyde In den Jare onsses heren
dusent vierhondert vierende Tachtentich up dach Sancti Remigii Confessoris de vorscr. schedinge myt malckanderen fruntliken verdragende belevet und In maneren nabescr. als
oec voer
bededinget was nu upt hye toe ewigen tyden to holden gesloten und anghenomen hebben.
Enen pael salmen setten upt eynde des Schulten slotes by der Ae und enen paell upt
eynde
.des sulven slotes In den broke van welken paell upt eynde des slotes vorscr. in den
broke staende lijnrecht uth up den pale up den Broyll staende und voert upwert de Ryte
de Broyll
. Ae geheiten toe volghen went teghen Olbades hole up der Hanentanghen staende, up welke Haele oec een paell steet de des Cloisters grondt vorscr. unde der buren van Langhen
grondt scedende is, dyt so vorscr. is bynnen der dreen palen up des Schulten sloit unde Broyll staende und voirt upwert de Ryte de BroyllAe geheiten tovolghende went teghen
Olbades hole vorscr. als belegen is In lande sande watere holte torve myt aller ander gelegenheit unde nutticheit sall toe ewighen tijden hebben und rosteliken besitten unde
holden gelyck eyghen erffachtich vry dorslachtich hoifftguet prior und Convent vorscr. und ere nakomelinghe und all eren willen und orbar mede doen buten buren vorscr. eren erffgenamen
offte yummant anders van erer weghen upspraken besperinghen eder ovelen moit Und wat buten paelen und Ryte vorscr. gelegen is In lande sande holte torve und ander
nutticheit sullen hebben und ter erfftaele besitten rosteliken toe ewigen tyden bure
van Lauwede und ere erffgenamen vorscr. gelyck eren eyghenen erffachtigen vry dor-slachtighen gude buten
upspreken besperingen eder ovelen moit prioris und Conventus vorscr. offte yummant
anders van erer weghen, Welcke twe paelen up beyden eynden Schulten slotes gesat hebben up
dach Sancti Remigii confessoris Gereonis et Victoris In den Jare onsses heren dusent vierhondert vierende Tachtentich in teghenwordigheit prioris und Conventus vorscr.
Meyme Hoyssingh
Jacob Trenningh Elzo etr Walslagen Ayken Warmingh Johan Schuringh Albert Sickens Hayo Wazekens myt Consente Kerstkens ter Wyssche und Johan Veltmans Ende Hisken
end hadde dair by nummant geschicket want he up dach des verdrages als Sancti Remigii beleveden und tostont In teghenwordicheit des Erb. heren Gherdes kerckhere
to Roiswinkell und Johan Edens unde der Sementliken anderen buren van Lauweden dat de Buren vorscr. buten syner teghenwordicheit de pale vorscr. up steden vorscr. up
richten
mochten unde setten welcke twe pale up beyden eynden des Scholten slotes sollen holden
in wesen toe ewigen tyden prior und Convent vorscr. de vernyen In teghenwordicheit
mochten unde setten welcke twe pale up beyden eynden des Scholten slotes sollen holden
in wesen toe ewigen tyden prior und Convent vorsr. und als de paele vergaen sollen
prior und Convent vorscr. de vernyen In teghenwordicheit twyer buren van Lauwede Ende
ere erffgenamen sollen In wesen holden den pale up den Broyle staende und als
de verghaet vernyen In tegenwordicheit des prioris in der tyt to Apell vorscr. und
dyt all sonder Argelyst. Alle puncten vorscr. und een ytlick bysonder bekennen wy prior unde
Convent tho Apell vorscr. und wy Meyme Hoyssingh Jacob Trenningh Elzo ter Walslagen Kerstken ter Wyssche Johan Schuringh Ayken Warnnyngh Hisken ter Borch Albert Sickens
Hayo Wazekens Johan Veltman bure vorscr. ware to wesen und loven vor onss und onssen nakomelingen und erffgenamen to ewigen tyden stede vaste und onverbroken toe holden
Und wy
beyde parthen prior und Convent und Sementlike bure van Lauweden vorscr. hebben des
to merer vestenisse und orkonde der warheit gebeden demen Ersamen heren Gherde kerc-here to
Roiswinkell und van keyserliker macht notarius dossen breeff to besegelen. Welck Ic Gherardus Curatus vorscr. omme bede willen beyder parthen und want ic hyr mede an und over
gewest byn und alle Articulen so vorscr. is waere synt bekenne my gherne ghedaen to hebben Und want dosser breve twe is ghelyck ludende der een ytlick parthe en sall hebben
Soe heb ic myn Segell beneden an beyden breven wytliken gehangen unde enen ytliken parthen enen gedaen. Datum Anno domini M CCCC LXXXIIII des Sondagen omnium Sanctorum.
Kta061a

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	0001
Fol.nr.	fol. 021r
Regestnr.	61
Jaar	1484
Datumcode	OmnSan

x

x

Commentaar	van 1489 juli 4 (Zie no.78) (Afkomstig uit ‘Farmsum’