| Nummer:kta204 | Datum:27 jan. 1537 | Overlevering: | Vindplaats:Klooster Ter Apel, inv.nr. 1, fol. 091v, reg. 204 |
Melchior van Hede, knape on gedeputeerd richter, van wege zijn zoon Wermolt, richter te Duthe, oorkondt, dat Johan Schaede te Dorpen en Gebbeken zijne huisvrouw hebben verkocht aan het klooster ter Apel een stuk roggen land op Dorperesch.
Copia de terra circa Dorpen a Johan Schaerde.
Ick Melchior van Hede knape yn der tydt een gedeputiert richter
wegen myn sons Wermolt van Hee eyn gesworen richter tho Duthe
van Benese des hoichwerdigen in god hochvermogenden fursten unde
heren heren Frans confirmerten der Styffte Munster unde
Osenburge Administrator tho Mynden etc. myns gendeigen
lyven heren, doen kunde tuge unde bekenne openbaer in unde
overmyts dussen openen besegelden breve dat vor my up dach
data dusses breves yn eyn open geheget gerichte dar ick
stede unde stoll des gerichtes myt mynen koernoeten unde
umbstenderen hier naebeschreven besetten unde becledet hadde
unde myt ordelen bewaert so gerichts recht unde to dusser
naebeschreven sake sunderlynx geheget wort erschenen
unde gekomen is Johan Scharde tho Dorpen myt Gebbeken
synen eeliken huesfrouwe unde bekanden vor sick unde oer rechten
erven geboren unde ungeboren dat sy myt walbekanden unde
vorbedachten synne unbedwungen van yemande rechtlichen
unde redeliken in enen rechten steden ewygen vasten erfflichen
kope hadden verkofft unde verkofften al daer vor my yn
den solven gerichte unde leiten up so sy van rechte solden
beide myt hande ende myt munde yn eyne erfflike unde
vredesame ewyge upborenne hebbenne brukenne besittene weren
eerfflick eigenne heren Geert van Hasselt priori unde heren
Lubbert van Alten procurator voert demen gemeynen convent
to Apell unde oren rechten naekomelyngen een stucke roggen
landes up Dorper esch geheten die Hoebreiden dat sy yn toppe
yn twyge in holte yn heide yn water yn weyde myt
wegen stegen straten uthfaer myt ynfaert myt aller selachter
nuth so, dat yn der marke Dorpen kerspell Stonnebyls
unde gerichte Duthe belegen is nychts dar van uthgescheiden
unde weren des alynges deger unde all uthgegaen unde deden
daer gensliche vertichnysse up so ennde myt rechte to gefun-
den wort Also dat dye vorscr. Iohan Scharde Gebbe syn
echte huesfrouwe oer erven geboren off ungeboren off iemand van
oren wegen nu noch nummermeer na dat dussen breves
nynerleye rechticheit noch geistlyche eder wertliche anspro
ke an dat vorscr. stuke roggen landes mer hebben doen
sollen offt wachtene wesen to ewygen tyden unde dit is
gescyn vor ene seker summa van gelde als nemptlick
vor veertich emder gulden dar Johan Scharde yaerlix
twe emder gulden voer plach tho geven na uthwysyngen
eyns bezegelden breffs angesyen hee die pensie
iairlix nycht hefft betaelt. So hefft hie soedane
lant vor demen hovetstoel sampt versettene renthe
erfflick verkofft woe verscr. welker verscr. summa van
pennyngen Johan Scharde sick bekande em deger all
unde wael yn syn frys secker beholt unbekumeert
to wyllen vernoeget unde betaelt weren van deinen
ptiot unde procurator voert van deinen gemeynen convent
to Apell wo vorscr. unde lovede em hyr up beyde
myt hande unde myt munde yn gerichte hantastenne
des vorscr. kopes tstaen bekant tsyne unde gude
vullenkomene stede ewyge vaste warscap alle yaer unveriaert doende
vor sick syne erven geboren off ungeboren unde vort voer alle dye
gene de des to rechte komen wyllen up allen steden in allen gerich
ten waer wanneer myt weme unde soe waeken demen verscreven
convents broderen tho Apell des noet unde behoff is buthen eren
schaden ine yenigerhanden yndracht offte beholp des ghestelyken
eder wertlichen gerichts (hier myt dye sette breff gecancelliert)
dyt allent sunder allea argelist want daer soedaene koep ver
tichnisse unde uplatynge sulcker erffguderen voer my Melchior
van Heide richter verscr. in eynen hegeden gerichte unbesproken
geschyen is daer myt my an unde over weren koernoeten
des gerichts Werneke Smyt unde Roleff Vrone ummestenders
Hermen snyder unde Goeke Dollynck thee unde meer guder lude
genoech de dyt gerichte mede bestonden In oerkunde der
waerheit heb ick velgenannte richter myn Segel van gerichtes
wegen wytlichen unde kentlichen beneden an dessen breff
gehangen welker gegeven is in demen iaer unses heren
doemen schreff dusent vyfhundert dertich unde seven am
saterdaege nae conversionis Pauli.
Ick Melchior van Hede knape yn der tydt een gedeputiert richter
wegen myn sons Wermolt van Hee eyn gesworen richter tho Duthe
van Benese des hoichwerdigen in god hochvermogenden fursten unde
heren heren Frans confirmerten der Styffte Munster unde
Osenburge Administrator tho Mynden etc. myns gendeigen
lyven heren, doen kunde tuge unde bekenne openbaer in unde
overmyts dussen openen besegelden breve dat vor my up dach
data dusses breves yn eyn open geheget gerichte dar ick
stede unde stoll des gerichtes myt mynen koernoeten unde
umbstenderen hier naebeschreven besetten unde becledet hadde
unde myt ordelen bewaert so gerichts recht unde to dusser
naebeschreven sake sunderlynx geheget wort erschenen
unde gekomen is Johan Scharde tho Dorpen myt Gebbeken
synen eeliken huesfrouwe unde bekanden vor sick unde oer rechten
erven geboren unde ungeboren dat sy myt walbekanden unde
vorbedachten synne unbedwungen van yemande rechtlichen
unde redeliken in enen rechten steden ewygen vasten erfflichen
kope hadden verkofft unde verkofften al daer vor my yn
den solven gerichte unde leiten up so sy van rechte solden
beide myt hande ende myt munde yn eyne erfflike unde
vredesame ewyge upborenne hebbenne brukenne besittene weren
eerfflick eigenne heren Geert van Hasselt priori unde heren
Lubbert van Alten procurator voert demen gemeynen convent
to Apell unde oren rechten naekomelyngen een stucke roggen
landes up Dorper esch geheten die Hoebreiden dat sy yn toppe
yn twyge in holte yn heide yn water yn weyde myt
wegen stegen straten uthfaer myt ynfaert myt aller selachter
nuth so, dat yn der marke Dorpen kerspell Stonnebyls
unde gerichte Duthe belegen is nychts dar van uthgescheiden
unde weren des alynges deger unde all uthgegaen unde deden
daer gensliche vertichnysse up so ennde myt rechte to gefun-
den wort Also dat dye vorscr. Iohan Scharde Gebbe syn
echte huesfrouwe oer erven geboren off ungeboren off iemand van
oren wegen nu noch nummermeer na dat dussen breves
nynerleye rechticheit noch geistlyche eder wertliche anspro
ke an dat vorscr. stuke roggen landes mer hebben doen
sollen offt wachtene wesen to ewygen tyden unde dit is
gescyn vor ene seker summa van gelde als nemptlick
vor veertich emder gulden dar Johan Scharde yaerlix
twe emder gulden voer plach tho geven na uthwysyngen
eyns bezegelden breffs angesyen hee die pensie
iairlix nycht hefft betaelt. So hefft hie soedane
lant vor demen hovetstoel sampt versettene renthe
erfflick verkofft woe verscr. welker verscr. summa van
pennyngen Johan Scharde sick bekande em deger all
unde wael yn syn frys secker beholt unbekumeert
to wyllen vernoeget unde betaelt weren van deinen
ptiot unde procurator voert van deinen gemeynen convent
to Apell wo vorscr. unde lovede em hyr up beyde
myt hande unde myt munde yn gerichte hantastenne
des vorscr. kopes tstaen bekant tsyne unde gude
vullenkomene stede ewyge vaste warscap alle yaer unveriaert doende
vor sick syne erven geboren off ungeboren unde vort voer alle dye
gene de des to rechte komen wyllen up allen steden in allen gerich
ten waer wanneer myt weme unde soe waeken demen verscreven
convents broderen tho Apell des noet unde behoff is buthen eren
schaden ine yenigerhanden yndracht offte beholp des ghestelyken
eder wertlichen gerichts (hier myt dye sette breff gecancelliert)
dyt allent sunder allea argelist want daer soedaene koep ver
tichnisse unde uplatynge sulcker erffguderen voer my Melchior
van Heide richter verscr. in eynen hegeden gerichte unbesproken
geschyen is daer myt my an unde over weren koernoeten
des gerichts Werneke Smyt unde Roleff Vrone ummestenders
Hermen snyder unde Goeke Dollynck thee unde meer guder lude
genoech de dyt gerichte mede bestonden In oerkunde der
waerheit heb ick velgenannte richter myn Segel van gerichtes
wegen wytlichen unde kentlichen beneden an dessen breff
gehangen welker gegeven is in demen iaer unses heren
doemen schreff dusent vyfhundert dertich unde seven am
saterdaege nae conversionis Pauli.
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 1 |
| Fol.nr. | fol. 091v |
| Regestnr. | 204 |
| Jaar | 1537 |
| Datumcode | SpConPau |