| Nummer:kta205 | Datum:20 sept. 1538 | Overlevering: | Vindplaats:Klooster Ter Apel, inv.nr. 36, reg. 205 |
Jacob Prengher rechter te Bellingwolde, doet uitspraak in het geschil tusschen Wabbo Edzekens te Hoegenbunda en 't convent van ter Apel nopens zes akkers land, gelegen in Unneken Aelarts huyssweer, waarvan als rechthebbenden behalve genoemde partyen ook nog Tyddo Popynghe voor een gedeelte opkomt.
Ick Jacob Prengher Richter tem Bellynckwolde wegen unde bevele Roemerscher Keeserlicker
maeiestaet mynen aldergenedichsten heren doen kundt undt kenne avermydts
desser myner scrifft unde Sentencien woe voer my im gerichte tho Billynckwoldt ys erscheenen Wabbo Edtzekens then Hoegenbunda unde claegede eerst maell up den
Werdighen unde Religiosen Broeder Gerdt van Hasselt prior des Conventes Apell dat sie
hem undtbruykeden sees ackeren landes gelegen in Unneken Aelarts huyss
weer welcke verseet weren umbe veer postulaetes gulden die hem voer godt unde Recht tho
quemen hadde ock die mydt geestelicken unde waertlicken Rechte un... mannich
maell bespraeket weeren hem van synen vaeder Edtzeko tho Bunda genandt voerdt van synen
olden olders angeerfft Begerde die heeren alzo underrichten woerden
sie hem syn olders landt lieten ghebruyken unde volgen nae landt Rechte.
Daer die prior ther Appell up andtworde unde sachte hie een stunde Wabben nicht indt
cleen offte groet unde syne eerste anspraeke weere valsch unde quaet Nae
deme he van hem bespraekede sees ackeren unde nicht meer wem die sick bekroende die hie
verhuyrde unde dem Convente tho stonden. Ock sachte die prior konde Wabben anspraeke nicht verwonderen Nae dem sie dat landt negen unde twyntich yaer ruystelick unde vredelick gebruykt ungebespraeket van yemande dat sulvyge ghe
koefft unde wall vernoeget them mynesten pennynck nae vermoeghe syner lofflicken Seegell
unde breven holden daer up sick an syne Ruystelick voeryaerynghe
unde besytt vante teyn yaeren bynnen unde twyntich yaeren buten landes een ewyck besytt maeken Begeerde der maeten Wabbo under Richtet weerde hie hem unde
.dat samptlick Convent ungenoeyt leete beruysten mydt meeren woerden.
Up voerscreven werden heren prioris undtschuldynghe der drier Aeckeren hefft Wabbo die
anderen drie muydt Rechte laeten anholden unde bekommeren up syne anspraeke
andtworde hefft alzoe Tyddo Popynghe als herscup der anderen drie ackeren hem ther
andtwordt ghestanden der halven Wabbo gheklaegt dat sie doch tsamen die
heeren van der Apell unde sie hem syn Erve unde aermoedt leete volghen welke hem doch
voer godt tho queme unde hie dat mannichmaell ymme geestelicken unde
. wertlicken Rechte vervolget daer hem des noedich gewest mydt anderen klachrich woerden
etc. der anspraeke halven hefft Tyddo Popinghes geandtwordt
unde gesacht soe Wabbo up hem claegede die heeren van der Apell hem in Onneken landen
undtbruykeden sees Aeckeren landes hadden dat gedaen ummetrendt
. negen unde twyntich yaeren sachte hie sick der sees Aeckeren nicht bekroende averst
hie hadde daer liggende drie Aeckeren hadde Wabbo daer spraeke up mochte hie lyden hie spreke nae landtrechte.
Up voerscreven claege unde .wyer Andtwordt hebbe ick voerscreven Richter beyden parthen
eenen bestemeden dach van Rechte ghelacht unde ernoempt dat up den bete
keden dach yder parth syn beste bewys voer Recht brachte daer mede hie geroerter zaeke gedachte tho wynnen unde verleesen ys erschenen Wabbo alze aen
claegeren hefft erthoendt een beseggelt Testament syns zalighen vaders Edtzeko toe Bunda van eyn heeren Aelrick aldaer pastoer verseggelt inholdende dat
hie breede Luuppen sees aeckeren landes liggende in Bolo Dunckes landen in deme Hamme versadt hadde voer vier postulats gulden mydt meer inholts welck
verseggelt indt yaer uns heeren duysent vyffhundert up elven duysent mageden dach Ock hefft Wabbo ertoendt een verseggelt mandaet vanden werdighen
. unde hoechgeleerden Officiaell van Vriesslandt uuth gegaen inholdende dat Wabbo Etzekens die sees ackeren in Boles lande mydt Rechte hadde laeten bekumme
. ren voer alsween neemadte de gebruyken off mitten betzs hie mytten heren van der Apell ghescheiden welck mandaet exequert dorch heren Luwert vicarius tho Bunda
unde werseggelt indt yaer uns heren dusent vyffhundert unde negenteyne des sesten daeges na Jubilate. Noch hefft hie voer Recht gebracht eene verseggelde Commission
unde mandament van hoechgelerten Officiall holdende anden Erberen heren L.uppen pastoer tho Hattsum unde heren Menno pastoer tho Bunda dat sie dorch Wabben an
. claecht unde beger die voerscreven zaeken solden verstaen unde daer yn tuychnisse verhoeren woert doen als Recht weere welcke verseggelt Indt yaer uns heren dusent viffhundert een unde twyntich saterdaeges nae vincula Petri. Ock hefft hie voer Recht gebracht een loffwerdighe Notarius instrument van eenen heer L.uppo Ffockes thoe
. Wener woenafftich uuth gegaen und gemaekt inholdende woe twe uprechtighe tughen voer hem gekoemen unde eerschenen gheheten Wybbo tho Wymeeren unde
Tammo Alerts tho Holthuysen welcke hoere handt up oere borst ghelacht godtlifflicke
then hilligen voer hem geswaeren dat hem beede kundich weere dat Etzeko
tho Bunda Wabben vaeder in olden Boels lande inden Hamme sees Aeckeren hadde by synen
levende ghehadt were gewest syn waerafftighe Erfflandt hadde dat uprecht
by synen levende besetten unde ghebruykt sunder indracht welck instrument ghescheen
indt yaer duysent vyffhundert unde neghenteen. Ock hefft hie indt Recht
ghebracht een loefflick beschyn van den Erberen Jacob Engelkens Richter indt Oelt Ampt
inholdende woe Wyska Boels voer Recht verdaegt getuyget unde geswoeren
dat oer wyttich unde kundich dat Wabben vaeder Etzeko tho Bunda ghenanbt hadde liggen
Sees aeckeren landes in Onneken Alerts lande gheheten die Lege Ackeren
unde hadde die sulve ackeren brede Liuppen in die Beerte versat unde Liuppo hadde sie
Haercks Houwens voert voer steen versaet over woe voele des stens gewestys
hoer nicht kundich welcke ghescheen indt yaer duysent vyffhundert unde achte unde
daertich.
Up uuthgelachten Rechtdaege synnen eerschenen die werdighen heeren des Convents Apell
hebben voer gebracht unde getoent eenen uprechten loefflicken koepbreeff
van Johan Prenghers eertydes Richter toe Bellynckwoldt unde heer Roeleff pastoer tho
Ulsda verseggelt inholdende dat drie broeders Ubbo unde Wabbeko unde
Harko genandt hebben den Convente ther Apell drie Zeckeren landes verkoefft in Aelerts
Boels lande daer thoe eener zydt Dolo Doeyens unde ther ander Alerts
Boels geswettet synt deme Convente als verkoeperen loevenden hem steede vaste waerscup
tho ewyghen daeghen tho doene buyten allen oeren hynder unde schaeden
welck gegeven unde verseggelt ime yaere dusent vyffhundert unde achte up dach sancte
Crucis.
Daer een teghens was Wabbo seggende unde scryvende hee verhoepede dat hem die coepbreeff
niet schaedelick mochte wesen die wyle dattet landt van synen vaeder versatt
unde nicht verkoefft unde versatt geredt nae landtrechte nicht verstaen mochte versege
datter gheen Recht solde vermoeghen soe eens mans landt toe verkoepen dat hem nicht
toe en
queme mydt meeren worden.
Daer up Tyddo mydt tsampt synen toe stenderen sachten sie en wuysten van synen lande
nicht indt cleen offte groet dat gheenne sie hadden weere hem van synen olde
ren angheerfft langhe tydt van yaeren ruystelick unde vredelick besetten unde gebruykt
sunde yenich bekroenen. Soe dan voerder gheen bewys liggende off
levendich voer Recht gewest ys dee de parten oick Rechtes scheedynghe begert hebbe ick
Jacob Prenger Richter oick godt unde Recht voer oegen genoemen voert
mydt froemer luyden raedt die zaeke gewyst unde gedoempt nae landrechte Nae deme dat
Etzeko tho Hoegenbunda wyttelick syner synnen als die pastoer
verseggelt dat hie brede Liuppen die sees ackeren verseth voer vier postulats gulden
unde dat sulve testament mydt dreen tuygen bevestighet schal dat testa-
ment yn weerden unde macht syn dat groene Erve nicht mach verstaen nae unsen landtrechte
Alzoe dat Wabbo then eyghendoeme des landes berechtich
heet de wyle allenthalven dat Testamendt mydt den gezwoeren tuyghen gheene zwette mede
brenghet unde nae wyssen sall Wabbo mydt eyn zybben unde
eyn vroemeden dat landt unde zwette uuthwysen nae landtrechte Soe oick die heeren
van der Apell des Convents loefflicke seggell unde breve hebben
langhe oever prescription sollen der maeten yn vulleer eereren (sic) unde oeren verkoe-
peren gheholden syn Offt oick averst Tiddo Popinghe mydt sampt synen hulpe
ren unde tho standeren veermeende eynighe koepbreven offt anders tho voerscreven lande berechtiget toe syn sollen noch sie dee averandtworden deme vierteynten
dach van desse Bedoempt unde in scrifften avergegeven up vrydach nae Lambert episcopi
Anno dusent vyffhundert unde achte unde daertich.
m.a.h.
Soe bekenne Ick Jacob Prenger Richter myt myn ..gen
hantschrifft dat vorser. ..........
........................ gestalt und gewesen
In orkunde der warheit hebbe ick vorscr. Richter
myn segel under an desse ....... gehangen.
Mandach nast Jacobi anno etc. XLIX.
DORSO : Sententia de tribus agris in de Ham.
maeiestaet mynen aldergenedichsten heren doen kundt undt kenne avermydts
desser myner scrifft unde Sentencien woe voer my im gerichte tho Billynckwoldt ys erscheenen Wabbo Edtzekens then Hoegenbunda unde claegede eerst maell up den
Werdighen unde Religiosen Broeder Gerdt van Hasselt prior des Conventes Apell dat sie
hem undtbruykeden sees ackeren landes gelegen in Unneken Aelarts huyss
weer welcke verseet weren umbe veer postulaetes gulden die hem voer godt unde Recht tho
quemen hadde ock die mydt geestelicken unde waertlicken Rechte un... mannich
maell bespraeket weeren hem van synen vaeder Edtzeko tho Bunda genandt voerdt van synen
olden olders angeerfft Begerde die heeren alzo underrichten woerden
sie hem syn olders landt lieten ghebruyken unde volgen nae landt Rechte.
Daer die prior ther Appell up andtworde unde sachte hie een stunde Wabben nicht indt
cleen offte groet unde syne eerste anspraeke weere valsch unde quaet Nae
deme he van hem bespraekede sees ackeren unde nicht meer wem die sick bekroende die hie
verhuyrde unde dem Convente tho stonden. Ock sachte die prior konde Wabben anspraeke nicht verwonderen Nae dem sie dat landt negen unde twyntich yaer ruystelick unde vredelick gebruykt ungebespraeket van yemande dat sulvyge ghe
koefft unde wall vernoeget them mynesten pennynck nae vermoeghe syner lofflicken Seegell
unde breven holden daer up sick an syne Ruystelick voeryaerynghe
unde besytt vante teyn yaeren bynnen unde twyntich yaeren buten landes een ewyck besytt maeken Begeerde der maeten Wabbo under Richtet weerde hie hem unde
.dat samptlick Convent ungenoeyt leete beruysten mydt meeren woerden.
Up voerscreven werden heren prioris undtschuldynghe der drier Aeckeren hefft Wabbo die
anderen drie muydt Rechte laeten anholden unde bekommeren up syne anspraeke
andtworde hefft alzoe Tyddo Popynghe als herscup der anderen drie ackeren hem ther
andtwordt ghestanden der halven Wabbo gheklaegt dat sie doch tsamen die
heeren van der Apell unde sie hem syn Erve unde aermoedt leete volghen welke hem doch
voer godt tho queme unde hie dat mannichmaell ymme geestelicken unde
. wertlicken Rechte vervolget daer hem des noedich gewest mydt anderen klachrich woerden
etc. der anspraeke halven hefft Tyddo Popinghes geandtwordt
unde gesacht soe Wabbo up hem claegede die heeren van der Apell hem in Onneken landen
undtbruykeden sees Aeckeren landes hadden dat gedaen ummetrendt
. negen unde twyntich yaeren sachte hie sick der sees Aeckeren nicht bekroende averst
hie hadde daer liggende drie Aeckeren hadde Wabbo daer spraeke up mochte hie lyden hie spreke nae landtrechte.
Up voerscreven claege unde .wyer Andtwordt hebbe ick voerscreven Richter beyden parthen
eenen bestemeden dach van Rechte ghelacht unde ernoempt dat up den bete
keden dach yder parth syn beste bewys voer Recht brachte daer mede hie geroerter zaeke gedachte tho wynnen unde verleesen ys erschenen Wabbo alze aen
claegeren hefft erthoendt een beseggelt Testament syns zalighen vaders Edtzeko toe Bunda van eyn heeren Aelrick aldaer pastoer verseggelt inholdende dat
hie breede Luuppen sees aeckeren landes liggende in Bolo Dunckes landen in deme Hamme versadt hadde voer vier postulats gulden mydt meer inholts welck
verseggelt indt yaer uns heeren duysent vyffhundert up elven duysent mageden dach Ock hefft Wabbo ertoendt een verseggelt mandaet vanden werdighen
. unde hoechgeleerden Officiaell van Vriesslandt uuth gegaen inholdende dat Wabbo Etzekens die sees ackeren in Boles lande mydt Rechte hadde laeten bekumme
. ren voer alsween neemadte de gebruyken off mitten betzs hie mytten heren van der Apell ghescheiden welck mandaet exequert dorch heren Luwert vicarius tho Bunda
unde werseggelt indt yaer uns heren dusent vyffhundert unde negenteyne des sesten daeges na Jubilate. Noch hefft hie voer Recht gebracht eene verseggelde Commission
unde mandament van hoechgelerten Officiall holdende anden Erberen heren L.uppen pastoer tho Hattsum unde heren Menno pastoer tho Bunda dat sie dorch Wabben an
. claecht unde beger die voerscreven zaeken solden verstaen unde daer yn tuychnisse verhoeren woert doen als Recht weere welcke verseggelt Indt yaer uns heren dusent viffhundert een unde twyntich saterdaeges nae vincula Petri. Ock hefft hie voer Recht gebracht een loffwerdighe Notarius instrument van eenen heer L.uppo Ffockes thoe
. Wener woenafftich uuth gegaen und gemaekt inholdende woe twe uprechtighe tughen voer hem gekoemen unde eerschenen gheheten Wybbo tho Wymeeren unde
Tammo Alerts tho Holthuysen welcke hoere handt up oere borst ghelacht godtlifflicke
then hilligen voer hem geswaeren dat hem beede kundich weere dat Etzeko
tho Bunda Wabben vaeder in olden Boels lande inden Hamme sees Aeckeren hadde by synen
levende ghehadt were gewest syn waerafftighe Erfflandt hadde dat uprecht
by synen levende besetten unde ghebruykt sunder indracht welck instrument ghescheen
indt yaer duysent vyffhundert unde neghenteen. Ock hefft hie indt Recht
ghebracht een loefflick beschyn van den Erberen Jacob Engelkens Richter indt Oelt Ampt
inholdende woe Wyska Boels voer Recht verdaegt getuyget unde geswoeren
dat oer wyttich unde kundich dat Wabben vaeder Etzeko tho Bunda ghenanbt hadde liggen
Sees aeckeren landes in Onneken Alerts lande gheheten die Lege Ackeren
unde hadde die sulve ackeren brede Liuppen in die Beerte versat unde Liuppo hadde sie
Haercks Houwens voert voer steen versaet over woe voele des stens gewestys
hoer nicht kundich welcke ghescheen indt yaer duysent vyffhundert unde achte unde
daertich.
Up uuthgelachten Rechtdaege synnen eerschenen die werdighen heeren des Convents Apell
hebben voer gebracht unde getoent eenen uprechten loefflicken koepbreeff
van Johan Prenghers eertydes Richter toe Bellynckwoldt unde heer Roeleff pastoer tho
Ulsda verseggelt inholdende dat drie broeders Ubbo unde Wabbeko unde
Harko genandt hebben den Convente ther Apell drie Zeckeren landes verkoefft in Aelerts
Boels lande daer thoe eener zydt Dolo Doeyens unde ther ander Alerts
Boels geswettet synt deme Convente als verkoeperen loevenden hem steede vaste waerscup
tho ewyghen daeghen tho doene buyten allen oeren hynder unde schaeden
welck gegeven unde verseggelt ime yaere dusent vyffhundert unde achte up dach sancte
Crucis.
Daer een teghens was Wabbo seggende unde scryvende hee verhoepede dat hem die coepbreeff
niet schaedelick mochte wesen die wyle dattet landt van synen vaeder versatt
unde nicht verkoefft unde versatt geredt nae landtrechte nicht verstaen mochte versege
datter gheen Recht solde vermoeghen soe eens mans landt toe verkoepen dat hem nicht
toe en
queme mydt meeren worden.
Daer up Tyddo mydt tsampt synen toe stenderen sachten sie en wuysten van synen lande
nicht indt cleen offte groet dat gheenne sie hadden weere hem van synen olde
ren angheerfft langhe tydt van yaeren ruystelick unde vredelick besetten unde gebruykt
sunde yenich bekroenen. Soe dan voerder gheen bewys liggende off
levendich voer Recht gewest ys dee de parten oick Rechtes scheedynghe begert hebbe ick
Jacob Prenger Richter oick godt unde Recht voer oegen genoemen voert
mydt froemer luyden raedt die zaeke gewyst unde gedoempt nae landrechte Nae deme dat
Etzeko tho Hoegenbunda wyttelick syner synnen als die pastoer
verseggelt dat hie brede Liuppen die sees ackeren verseth voer vier postulats gulden
unde dat sulve testament mydt dreen tuygen bevestighet schal dat testa-
ment yn weerden unde macht syn dat groene Erve nicht mach verstaen nae unsen landtrechte
Alzoe dat Wabbo then eyghendoeme des landes berechtich
heet de wyle allenthalven dat Testamendt mydt den gezwoeren tuyghen gheene zwette mede
brenghet unde nae wyssen sall Wabbo mydt eyn zybben unde
eyn vroemeden dat landt unde zwette uuthwysen nae landtrechte Soe oick die heeren
van der Apell des Convents loefflicke seggell unde breve hebben
langhe oever prescription sollen der maeten yn vulleer eereren (sic) unde oeren verkoe-
peren gheholden syn Offt oick averst Tiddo Popinghe mydt sampt synen hulpe
ren unde tho standeren veermeende eynighe koepbreven offt anders tho voerscreven lande berechtiget toe syn sollen noch sie dee averandtworden deme vierteynten
dach van desse Bedoempt unde in scrifften avergegeven up vrydach nae Lambert episcopi
Anno dusent vyffhundert unde achte unde daertich.
m.a.h.
Soe bekenne Ick Jacob Prenger Richter myt myn ..gen
hantschrifft dat vorser. ..........
........................ gestalt und gewesen
In orkunde der warheit hebbe ick vorscr. Richter
myn segel under an desse ....... gehangen.
Mandach nast Jacobi anno etc. XLIX.
DORSO : Sententia de tribus agris in de Ham.
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 36 |
| Regestnr. | 205 |
| Register Feith | 1538.008 |
| Jaar | 1538 |
| Datumcode | VpLamber |