| Nummer:kta219 | Datum:7 aug. 1542 | Overlevering: | Vindplaats:Klooster Ter Apel, inv.nr. 39, reg. 219 |
’Herman, Droeste in der tyt een verordent rychter unde gesworenne voeget tho Haeren’ oorkondt, dat, ten overstaan van hem en zijne koernoten de gemeene buren van Olden Haeren aan Gerde Hasselt, prior en het gemeene convent van ter Apel hebben verkocht een stuk land de Baerenvledder en de Emersche maet genaamd, gelegen in de mark van Olden Haeren en dat de koopsom door de verkoopers is opgebracht aan den Bisschop van Munster en Osnabrück als bijdrage tot de zware land-schatting wegens den oorlog tegen wederdoopers te Munster.
Ick Herman droeste inder tyt een verordent Rychter unde gesworenne vaeget tho Haeren
uuth bevele des hoichwerdigen in God hoichvermogden fforsten unde Heren
Heren Franssen byscop der Styfften Munster unde Ossenbrugge Administrator tho Mynden
myns genedigen lieven heren doe kundt tuge unde bekenne overmidts dussen openen
bezeggelden breve dat voer my up dach dato dusses breves in bywesen der koernoeten unde bystanders hyr under gescreven in een Recht apen heget gerichte sunderlinges tho dusse
naebescrevenen saeke geheget wort Erschenen ende gekamen syn de Ersame Johan ther Stege Albert ten Oesteresche Johan ther Horne unde Herman ten Crutzell myt sampt
den gemeynen buren ffryen unde eygen van Olden Haeren sachten unde bekanden all daer voer se unde oere Erven unde Anerven geboren unde ungebaeren Jegenwordich inden
sulven gerichte dat se myt rypen raede guede verstandes unde walbedachts modes wyttigt synnen een yder unbewungen myt consent der Erffixen inder alder beste saeke wyse
unde forme se yummer doen solden unde mochten redelichen unde rechteliken in eenen steden rechten vasten ewygen Erflichen unde unwederroplichen koepe hadden verkofft
unde verkoff ten all daer samptlyken de voerscreven Johan ther Stege Albert then Oester esche Johan ther Horne unde Herman then Crutzell sampt de gemeynen buren unde lethen
up myt hande unde munde in gewaelt unde eygendom Soe syck myt Rechte geboert In een fredesame unde ewyge upboeringe bruykener besyttener hebbener were Erff
lych eygen voer ffry doerslachtich guedt dem werdigen Ersamen unde geysteliken heren heren Gerde Hasselt Prior unde gemeynen Convent Orden des hilligen Cruces tho
Apell unde oeren naekoemelinge Een stucke landes de Baerenvledder unde de Emesche mael genompt myt heyde unde weyde moerlandt uuth oerer Marcke der burscap
voerscreven welker landt naest by des Cloesters voerscreven eygen lande gelegen An-fancklick van deme pael upgesatt indt suyden doer den Barenvledder dick bes am den
paell staende tuyschen dat broek unde Lyntloe indt moer weder vam dem paell streckende lyn recht indt westen tho deme paell by dat reviere de Ae geheeten by dese
papen hutte up gerichtet de Ae bylanges indt Noerden bes an dat Cloesters voerscreven eygen landt strekende myt syner alynger thohoeringe olden unde nyen rechticheit myt heyde
waeter unde weyde torve unde twyge soe als dat daer ther stede schynbaer ys liggende Welker Erffnisse de upgemelten voerkoepers myt oeren medebescreven gengen des deger unde
all uuth unde deden daer up genslike vertichnisse soe se myt Rechte solden Alsoe dat se unde oere medebescreven Ervent unde Anervent noch neymant van oerer aller wegen
nummer nae gyffte dusses breves neynerleye gewallt eygendom eder rechticheit se synnei geystlyck eder wertlick an dat voerscreven landt soe uuth gepaellt sal hebben eder vei
wachten wesen Alsoe dat de voerscreven koepers unde oere naekoemelinge moegen soedane landt voerscreven ploegen bouwen verkopen verhuyren versetten weyden keren unde wendei
besloten begraven dyken unde dammen tho oeren besten bruken sunder yemandes besperingt unde inseggent Want de verkoeperen bekanden voer my Rychter voerscreven dat se daer voer
eene Summe van guldene in reeden getelden golde tho oeren genoege unde wyllen van den koeperen guetlicken betaelt unde vernoeget weren Welke Summa van penninge
se uuth verwyllinge unde inruminge des hoichgedachten myns genedigen ffursten unde heren unde gemeyner lantscap tho stuyr unde uproringe erer upgelaegter swarer lantschattinge des
kryges halven tegen de wederdoepers tho Munster gekeert unde genuttiget hebben up dat myns genedigen ffursten unde heren Syn genade eygen unde ffryen oer Eerven Ock der
Jonc-
keren lueden eer Erven all moegten mede gereddet unde gevriet woerden unde unbeschul-
diget bliven Unde ys gescheyn myt wyllen consent unde vulbaers des hoichgenoempten
myns genedigen ffursten unde heren unde syner ffursteliken genaeden Amptluden in
Emeslandt myldinge syner ffursteliken genaeden gegeven Seggell unde breve voerwylliget
unde tho gelaeten Unde die verkoeperen loveden den koeperen hyr up myt hande unde munde
unde deden indt gerichte hanttastinge des voerscreven koepes tho staende bekant tho
syne
unde guede vullenkoemende stede ewyge vaste unverbroken vaersap tho doene Voer se oer
Ervent unde Anervent unde voer alle de des tho Rechte spreken wyllen Wer overst
saeke dat den voerscreven koeperen unde oeren medebescreven an dat voerscreven landt
myt syner rechticheit yenich hynder besperynge eder gebreck an waerscap schege unde
der halven in
schaeden queme woe dat ya tho queme loveden voer my Rychter de vaeken gedachten verkoeperen voer se unde oere Erven unde Anerven dat men dan soe danen hynder gebreck
koest unde schaeden daer umme geleden unde gedaen moegen soeken vynnen unde manen van
den upgemelten verkoeperen van oeren Erven unde Anerven in unde uuth oerer guederen
varende have de
se up dach dato dusses breves hebbet offte hyrnamals tho krigen moegen woe dat ya
gestaelt weer de synnen belegen in doerpen in steden leen offte eygen neen daer van
uthgescheyden
myt pandynge kommer unde besaete myt allen gerichten geystelick eder wertlick myt oere
een offte myt beyden tho gelyken welker hem alder best bequemest ys neen Recht den
anderen
tho hynderen unvervolget unde unverclaeget offte mede verclaeget bes soe lange dat de
Prior unde Convent voerscreven soedane koepes degger unde all geholden unde vullentoegen weerde
Weer overst dat nu offte in tho komeden tyden myt dem veltlande voerscreven anders woe
voer hen verkofft befunden woerde Soe synt voer my Rychter upgemelten in dat
sulve gerichte gekaemen de Ersame Gocke Kremerynck Smyt Herman Johan Meygerinck Alse
rechte principaell saekewolders unde laveden voer se unde oere Erven unde Aner-
vent gebaeren unde ungebaeren soe dane uplaetynge Erffkoep des voerscreven landes woe
van den gemeynen buren Oldenhaeren verkofft ys deme upgemelten Prior unde gansen
Conven-
te eygen waeren tho wesen unde alle tyt guede waerschaep tho done unde offte nu de
gemelte koepers des in schaeden quemen woe die dan tho quemen Soe verwylkoerden Gocke Herman unde Johan voerbenoempt dat dan die klegers soelen macht hebben soe danen schae
den hem dree tho gelyck off een yder bysunder aff tho wynnenne unde tho manenne myt
Rechte kummer unde besaete sunder eer unde eerer Erven unde Anervent weder reede off ovelen moedt uuth oeren alyngen guederen de se nu offte dan hebben eder tho krygen mochten
bes soe lange die claegers oeren schaeden tho oers sulves seggen deger unde all untrechtent synt unde des vergen mede tho vermynderen unde geen partye thegen dassen bref
noch inholdt dassen breves myt neenen stucken the weder spreken Ock nenerleye Rechticheit privilegien offte andere gewonte tho gebruyken Alee argelyst nyefunde
uuth besproken Want dan soe dane koep vertichnysse unde uplaetynge suiker Erffguederen voer my Herman droste Rychter voerbenoempt in eenen gehegeden gerichte
unbesproakan ys gescheyn daer myt my an unde over weren koernoeten des gerichts Johan Hoppe Vaeke tho Kaeten umstenders Heer Johan Hoerst pastoer tho
Laeten Lambert Langen Jurgen voeget thoe dem Nyenhuse unde Herman Synnynge Unde des ther Orkunde unde thuygnisse der waerheyt Soe hebbe ick Her
man droste Rychter voerscreven myn Ingeseggell van gerichts wegen wyttlichen unde kentlyken an dussen breff gehangen Datum Anno domini dusent vyffhundert
unde twe unde veertich Up maendach voer Petri ad vincula.
DORSO : Littera de Barenvledder,
Naast r. 24. in de marge : 1. Swythardt van Boekellt droeste ter Vastenouwe raedt myns g,h
2. Jurgen van Monster droeste Johan Reynekynck Renthemester in Emeslandt
3. Bernherdus Coeldehoff pastoer to Harenn manu propria.
uuth bevele des hoichwerdigen in God hoichvermogden fforsten unde Heren
Heren Franssen byscop der Styfften Munster unde Ossenbrugge Administrator tho Mynden
myns genedigen lieven heren doe kundt tuge unde bekenne overmidts dussen openen
bezeggelden breve dat voer my up dach dato dusses breves in bywesen der koernoeten unde bystanders hyr under gescreven in een Recht apen heget gerichte sunderlinges tho dusse
naebescrevenen saeke geheget wort Erschenen ende gekamen syn de Ersame Johan ther Stege Albert ten Oesteresche Johan ther Horne unde Herman ten Crutzell myt sampt
den gemeynen buren ffryen unde eygen van Olden Haeren sachten unde bekanden all daer voer se unde oere Erven unde Anerven geboren unde ungebaeren Jegenwordich inden
sulven gerichte dat se myt rypen raede guede verstandes unde walbedachts modes wyttigt synnen een yder unbewungen myt consent der Erffixen inder alder beste saeke wyse
unde forme se yummer doen solden unde mochten redelichen unde rechteliken in eenen steden rechten vasten ewygen Erflichen unde unwederroplichen koepe hadden verkofft
unde verkoff ten all daer samptlyken de voerscreven Johan ther Stege Albert then Oester esche Johan ther Horne unde Herman then Crutzell sampt de gemeynen buren unde lethen
up myt hande unde munde in gewaelt unde eygendom Soe syck myt Rechte geboert In een fredesame unde ewyge upboeringe bruykener besyttener hebbener were Erff
lych eygen voer ffry doerslachtich guedt dem werdigen Ersamen unde geysteliken heren heren Gerde Hasselt Prior unde gemeynen Convent Orden des hilligen Cruces tho
Apell unde oeren naekoemelinge Een stucke landes de Baerenvledder unde de Emesche mael genompt myt heyde unde weyde moerlandt uuth oerer Marcke der burscap
voerscreven welker landt naest by des Cloesters voerscreven eygen lande gelegen An-fancklick van deme pael upgesatt indt suyden doer den Barenvledder dick bes am den
paell staende tuyschen dat broek unde Lyntloe indt moer weder vam dem paell streckende lyn recht indt westen tho deme paell by dat reviere de Ae geheeten by dese
papen hutte up gerichtet de Ae bylanges indt Noerden bes an dat Cloesters voerscreven eygen landt strekende myt syner alynger thohoeringe olden unde nyen rechticheit myt heyde
waeter unde weyde torve unde twyge soe als dat daer ther stede schynbaer ys liggende Welker Erffnisse de upgemelten voerkoepers myt oeren medebescreven gengen des deger unde
all uuth unde deden daer up genslike vertichnisse soe se myt Rechte solden Alsoe dat se unde oere medebescreven Ervent unde Anervent noch neymant van oerer aller wegen
nummer nae gyffte dusses breves neynerleye gewallt eygendom eder rechticheit se synnei geystlyck eder wertlick an dat voerscreven landt soe uuth gepaellt sal hebben eder vei
wachten wesen Alsoe dat de voerscreven koepers unde oere naekoemelinge moegen soedane landt voerscreven ploegen bouwen verkopen verhuyren versetten weyden keren unde wendei
besloten begraven dyken unde dammen tho oeren besten bruken sunder yemandes besperingt unde inseggent Want de verkoeperen bekanden voer my Rychter voerscreven dat se daer voer
eene Summe van guldene in reeden getelden golde tho oeren genoege unde wyllen van den koeperen guetlicken betaelt unde vernoeget weren Welke Summa van penninge
se uuth verwyllinge unde inruminge des hoichgedachten myns genedigen ffursten unde heren unde gemeyner lantscap tho stuyr unde uproringe erer upgelaegter swarer lantschattinge des
kryges halven tegen de wederdoepers tho Munster gekeert unde genuttiget hebben up dat myns genedigen ffursten unde heren Syn genade eygen unde ffryen oer Eerven Ock der
Jonc-
keren lueden eer Erven all moegten mede gereddet unde gevriet woerden unde unbeschul-
diget bliven Unde ys gescheyn myt wyllen consent unde vulbaers des hoichgenoempten
myns genedigen ffursten unde heren unde syner ffursteliken genaeden Amptluden in
Emeslandt myldinge syner ffursteliken genaeden gegeven Seggell unde breve voerwylliget
unde tho gelaeten Unde die verkoeperen loveden den koeperen hyr up myt hande unde munde
unde deden indt gerichte hanttastinge des voerscreven koepes tho staende bekant tho
syne
unde guede vullenkoemende stede ewyge vaste unverbroken vaersap tho doene Voer se oer
Ervent unde Anervent unde voer alle de des tho Rechte spreken wyllen Wer overst
saeke dat den voerscreven koeperen unde oeren medebescreven an dat voerscreven landt
myt syner rechticheit yenich hynder besperynge eder gebreck an waerscap schege unde
der halven in
schaeden queme woe dat ya tho queme loveden voer my Rychter de vaeken gedachten verkoeperen voer se unde oere Erven unde Anerven dat men dan soe danen hynder gebreck
koest unde schaeden daer umme geleden unde gedaen moegen soeken vynnen unde manen van
den upgemelten verkoeperen van oeren Erven unde Anerven in unde uuth oerer guederen
varende have de
se up dach dato dusses breves hebbet offte hyrnamals tho krigen moegen woe dat ya
gestaelt weer de synnen belegen in doerpen in steden leen offte eygen neen daer van
uthgescheyden
myt pandynge kommer unde besaete myt allen gerichten geystelick eder wertlick myt oere
een offte myt beyden tho gelyken welker hem alder best bequemest ys neen Recht den
anderen
tho hynderen unvervolget unde unverclaeget offte mede verclaeget bes soe lange dat de
Prior unde Convent voerscreven soedane koepes degger unde all geholden unde vullentoegen weerde
Weer overst dat nu offte in tho komeden tyden myt dem veltlande voerscreven anders woe
voer hen verkofft befunden woerde Soe synt voer my Rychter upgemelten in dat
sulve gerichte gekaemen de Ersame Gocke Kremerynck Smyt Herman Johan Meygerinck Alse
rechte principaell saekewolders unde laveden voer se unde oere Erven unde Aner-
vent gebaeren unde ungebaeren soe dane uplaetynge Erffkoep des voerscreven landes woe
van den gemeynen buren Oldenhaeren verkofft ys deme upgemelten Prior unde gansen
Conven-
te eygen waeren tho wesen unde alle tyt guede waerschaep tho done unde offte nu de
gemelte koepers des in schaeden quemen woe die dan tho quemen Soe verwylkoerden Gocke Herman unde Johan voerbenoempt dat dan die klegers soelen macht hebben soe danen schae
den hem dree tho gelyck off een yder bysunder aff tho wynnenne unde tho manenne myt
Rechte kummer unde besaete sunder eer unde eerer Erven unde Anervent weder reede off ovelen moedt uuth oeren alyngen guederen de se nu offte dan hebben eder tho krygen mochten
bes soe lange die claegers oeren schaeden tho oers sulves seggen deger unde all untrechtent synt unde des vergen mede tho vermynderen unde geen partye thegen dassen bref
noch inholdt dassen breves myt neenen stucken the weder spreken Ock nenerleye Rechticheit privilegien offte andere gewonte tho gebruyken Alee argelyst nyefunde
uuth besproken Want dan soe dane koep vertichnysse unde uplaetynge suiker Erffguederen voer my Herman droste Rychter voerbenoempt in eenen gehegeden gerichte
unbesproakan ys gescheyn daer myt my an unde over weren koernoeten des gerichts Johan Hoppe Vaeke tho Kaeten umstenders Heer Johan Hoerst pastoer tho
Laeten Lambert Langen Jurgen voeget thoe dem Nyenhuse unde Herman Synnynge Unde des ther Orkunde unde thuygnisse der waerheyt Soe hebbe ick Her
man droste Rychter voerscreven myn Ingeseggell van gerichts wegen wyttlichen unde kentlyken an dussen breff gehangen Datum Anno domini dusent vyffhundert
unde twe unde veertich Up maendach voer Petri ad vincula.
DORSO : Littera de Barenvledder,
Naast r. 24. in de marge : 1. Swythardt van Boekellt droeste ter Vastenouwe raedt myns g,h
2. Jurgen van Monster droeste Johan Reynekynck Renthemester in Emeslandt
3. Bernherdus Coeldehoff pastoer to Harenn manu propria.
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 39 |
| Regestnr. | 219 |
| Register Feith | 1542.009.1 |
| Jaar | 1542 |
| Datumcode | LaVinPet |