Gerhardus Hasselt, prior benevens conventualen van het klooster ter Apel oorkonden, dat zij hun erf te Roswynckel ‘Ensynck’ geheeten aan hun meyer Johan Klumper, met vrouw en moeder levenslang hebben ‘undersaeth’ met bepaling dat zij 't niet mogen verhuren buiten consent van 't klooster en dat zij zoolang een hunner leeft geen ‘pensioen off pacht’ behoeven te geven, maar dat 't klooster heeft ontvangen ‘dre hundert Emder guldens unde veertich’ en dat na hun aller dood, aan 't kind van Johan de halve som zal worden weergegeven en 't erf aan 't klooster wederkeeren; gevolgd door bepalingen over onderhoud, heerenschatting kerkenrecht en brandschatting.

Wy broeder Gerhardus Hasselt Prior broeder Mychael Supprior broeder Johannes Oldenzael Senior unde voert gemeynen Conventuwalen thoe Apell
Orden dessen hilligen Cruces bekennen unde betugen vermidds dessen openen bezeggelden
breve dat wy voer unss unde unse naekoemlynge hebben undersaeth
unde undersetten in krafft dussen breves unss Erve tho Roeswynckell Ensynck geheeten
Johan Klumper unsen meyer daer nuthertyt up wonende tho
synen levende unde Geesken syner huysfrouwen unde Renyken syner moeder levent unde nycht
lenger selves vry tho gebroken unde nycht tho verhuyren
buyten unsen wyllen Soe lange yemans van die dree levet sunder pensioen off pacht uns
daer van tho geven soe groet ende kleyn als Johan myt synen
medebescreven dat selve Erve nu ther tyt bewonnet tuyschen Johan Wylmes unde Johan Coepers gelegen up unde dael streckende als die landen aen beyden syden
unde gelick dat tho dusser tyt gebruycket ys myt eenen Acker in dat Roeswynckeler broeck
twe dryfft up de Maerck unde dre huysdeel in de Nyemaet
tho bouwen hoyen weyden tho eren besten unde anders nycht dan uns in allen anderen dyngen dern Eyghendom wyllen beholden Unde Johan off syn mede-
bescreven sullen dat voerbenoempte landt ock nycht verwoesten off ungebouwet laeten off verergeren myt eynigen dingen dan naeberlick begaen unde soe veell als
se beneden laeten lyggen soe veel sullen se boven weder tho maeken Unde dyt ys gescheen voer enen seekeren pennynck de uns Prior ende Convent degger unde all
nae unsen wyllen vernoeget unde betaelt ys als noemptlyck dre hundert Emder gulden unde veertich unde nae dot Johan Geeskens unde Reynken voerscreven
dem god salych maeke schuilen wy Prior unde Convent voerscreven off unse naekoemlynge dat halve geldt weder geven Johan unde Geeskens soen offte kynde Geerde
als naemptlick anderhalff hundert emeder gullden unde twyntych unde oeck off dat kyndt
in den heren verstoerff voer Johan Geesken offte Reynken voerscreven off
dem leesten van dem dren off bevoerens eer em dat geldt weder geven ys unde eer wy dat
Erve weder an unss genoemen hebben sall dat voerscreven Erve weder
vry an dat Convent koemen nae dat Johanns Geeskens Reynkens unde des kyndes unde neymans
van Johans Geskens off Reynkens frunden sullen an dat Erve off
geldt enyge spraeke hebben nae eeren dot dan dat Erve sall weder in dat Convent koemen
myt de veerde gasst als dat untfangen ys unde dat geldt sall tsamen
in dat Convent blyven in de eere goedes unde voer gebruyck dessen voerbenoempts Erves
unde off Johann off Geesken off eyn van deme beyden in dem heeren ver
stoerff unde Johan een ander huysfrouw neme off Geesken een anderen man unde daer kynder van qwemen sullen nycht an dat geldt hebben dan allene eerer
beyden naegelaeten kynde Gerde. Unde wes doer noedich worth tho tymmerrenne van groff holdt sullen wy Prior unde Convent tymmeren up Johans ende
syner medebescreven koest dan Johan unde syne medebescreven sullen dat tymmer dack
dicht unde wandtdicht holden buten unsen schaeden Heeren schattynge unde
kerken recht unde wat deenst unde uuthgeldt bynnen der tyt up dat voerbenoempt Erve vallen mochte sall Johan myt synen medebescreven betaelen buyten
unsen schaeden uuth genoemen brantschattynge allene off daer goed voer sy noedich woerdt bynnen dem jaeren brantschattynge tho geven sullen wy Prior unde
Convent halff unde Johan myt synen medebescreven halff uuth leggen Unde offte dat huys off anders van tymmer gebrandt woerde doerch krych off oerlych
off anders dorch ungelucke sullen wy gelyck weder tymmeren Orkunde der waerheyt hebben wy Prior Supprior ende Senior voerbenoempt unss convents zeggell beneden an dussen breff gehangen In den jaeren unss heeren dusent vyffhundert undetwe unde veirtich up avent Bartholomei apostoli.
onderstreepte gedeelte op een ander moment geschreven
geen dorso.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	22
Regestnr.	220
Register Feith	1542.024
Jaar	1542
Datumcode	vBartho

x

x

x

Commentaar	met het conventszegel in groene was

x

Commentaar	N.B. Vermeld Feith Reg. 1542 nr. 24.