| Nummer:lfg011 | Datum:7 sept. 1374 | Overlevering:Origineel | Vindplaats: |
Wi borghermeestere ende Raed van Groninghen doen cundich allen luden met desen openen brieve dat
Frederic Wolf hevet ghehuert ene hofstede met der brukinghe van den weghe de op de zuut zide van
deser voerscr. hofstede gheleghen is Welke voorscr. hofstede sicj oestwert strecket ende is ses roden lanc
ende een virendeel van eenre rode tot eweliker hure teghen Evarde den Greve om viiftich scillinghe
paymentes als in Groninghen ghanc ende ghave is to betalen eweliken elkes jaers als een stadrecht is hier
is to ghesproken dat Frederic voorscr. of de ghene de op dese voerscr. hofstede wonen sollen hebben enen
vryen ghanc to den putte de op dat Oester ende van deser voorscr. hofstede in Evardes erve voerscr.
gheleghen is Ende Vrederic voerscr. of de ghene de op dese voerscr. hofstede wonen de sellen den voorscr. putte
half holden ende becosten Dese voerscr. hofstede is gheleghen in de Oesterzide van Gaddinghe strate daer
Henrickes erve Langoren op de noert zide leghet Dat orcunden wi met onser stad zeghele Ghe-
gheven int jaer ons heren dusent drehondert vier ende zoventich op onser vrouwen avont nati-
vitas Do Herman Catere, Lubbert Sickinc, Gheert Lewe, Otte Polleman, Wycbolt Maurissinghe ende
Wycbolt Evardes soen borghermeestere waren onser stad.
DORSO Clawes van Alen. Registratie letter Q. BESCHREVEN zegelstaart.
Frederic Wolf hevet ghehuert ene hofstede met der brukinghe van den weghe de op de zuut zide van
deser voerscr. hofstede gheleghen is Welke voorscr. hofstede sicj oestwert strecket ende is ses roden lanc
ende een virendeel van eenre rode tot eweliker hure teghen Evarde den Greve om viiftich scillinghe
paymentes als in Groninghen ghanc ende ghave is to betalen eweliken elkes jaers als een stadrecht is hier
is to ghesproken dat Frederic voorscr. of de ghene de op dese voerscr. hofstede wonen sollen hebben enen
vryen ghanc to den putte de op dat Oester ende van deser voorscr. hofstede in Evardes erve voerscr.
gheleghen is Ende Vrederic voerscr. of de ghene de op dese voerscr. hofstede wonen de sellen den voorscr. putte
half holden ende becosten Dese voerscr. hofstede is gheleghen in de Oesterzide van Gaddinghe strate daer
Henrickes erve Langoren op de noert zide leghet Dat orcunden wi met onser stad zeghele Ghe-
gheven int jaer ons heren dusent drehondert vier ende zoventich op onser vrouwen avont nati-
vitas Do Herman Catere, Lubbert Sickinc, Gheert Lewe, Otte Polleman, Wycbolt Maurissinghe ende
Wycbolt Evardes soen borghermeestere waren onser stad.
DORSO Clawes van Alen. Registratie letter Q. BESCHREVEN zegelstaart.
x
| Archief | Groninger Archieven |
|---|---|
| Toegangsnummer | 2241 |
| Inventarisnr. | 0011 |
| Register Feith | 1374.006 |
| Jaar | 1374 |
| Datumcode | vNatMar |