| Nummer:mep1110 | Datum: | Overlevering:Origineel | Vindplaats:Arch. Meppel, inv.nr. 1110 |
Ick Johan Lambers ende Alyt myn echte wyf bekennen ende betughen myt dessen apenen
beseghelden brieve voer ons ende onssen erfgenamen dat wy vercoft hebben erflick ende ewelick in
enen steden vasten erfcope Claes Wigherssoen ende heertrud syn echte wyff ende horen erfgenamen
enen golden gulden de siaers oft payment dat daer guet voer is Omme ene summe gheldes
die ons vol ende al betaelt is den lesten pennynck myt den iersten ende bedancken Claes Wigers
vorscr. gueder betalinghe van dessen gulden vorscr. wellick gulden vorscr. gheleghen is aver onse
huys ende goerden daer wy nuthertyt in woenachtich bynt ende als ons dat Claes Wighers voerscr.
vercoft heft ghelegen bynnen Meppel tusschen meister Gheert glasenmaker ende Lyse Thyssoen ende sal
wesen die ierste pacht uuth dit hues ende goerden vorscr. naest twe heren ponde ende naest buerpacht
kerkenpacht naburlick ende buerlick van wellicken gulden vorscr. die pacht dach sal wesen jaer
lix to betalen to sunte Michelen.Hier van hebbe ic Johan Lambers ende Alyt vorscr. voer
ons ende onssen erfgenamen Claes Wighers ende Gheertrud vorscreven ende horen erfgenamen den stock gelecht
voer twen erfburen als Meynart Messeler ende Henrick Iacopsoen als een lantrecht is inden lande van
Drenthe Hier van hebben dedinges ende wincops lude ghewest Albert Iohanssoen Seyne Berentsoen
ende meer gueder manne ghenoech Sonder arghelist Oirkunde der wairheit want ick
Johan Lambers ende Alyt vorscreven willen dat dit vast bliven sal als vorscr. is ende selven ghiens
seghels en bruken hebbe ic ghebeden den Eersamen Wolter van Kralen inder tyt Schulte toe
Meppel aver ons ende onssen erfgenamen dessen brief to besegelen dat ic Wolter van Kralen Schulte
vorscr. omme bede wille Johans vorscr. gheerne ghedaen hebbe ende myn seghel beneden andessen
brief ghehangen Gegheven int iaer ons heren vyfthynhundert ende vyere op den achten
dach van sunte Micheel.
Zegel verloren.
beseghelden brieve voer ons ende onssen erfgenamen dat wy vercoft hebben erflick ende ewelick in
enen steden vasten erfcope Claes Wigherssoen ende heertrud syn echte wyff ende horen erfgenamen
enen golden gulden de siaers oft payment dat daer guet voer is Omme ene summe gheldes
die ons vol ende al betaelt is den lesten pennynck myt den iersten ende bedancken Claes Wigers
vorscr. gueder betalinghe van dessen gulden vorscr. wellick gulden vorscr. gheleghen is aver onse
huys ende goerden daer wy nuthertyt in woenachtich bynt ende als ons dat Claes Wighers voerscr.
vercoft heft ghelegen bynnen Meppel tusschen meister Gheert glasenmaker ende Lyse Thyssoen ende sal
wesen die ierste pacht uuth dit hues ende goerden vorscr. naest twe heren ponde ende naest buerpacht
kerkenpacht naburlick ende buerlick van wellicken gulden vorscr. die pacht dach sal wesen jaer
lix to betalen to sunte Michelen.Hier van hebbe ic Johan Lambers ende Alyt vorscr. voer
ons ende onssen erfgenamen Claes Wighers ende Gheertrud vorscreven ende horen erfgenamen den stock gelecht
voer twen erfburen als Meynart Messeler ende Henrick Iacopsoen als een lantrecht is inden lande van
Drenthe Hier van hebben dedinges ende wincops lude ghewest Albert Iohanssoen Seyne Berentsoen
ende meer gueder manne ghenoech Sonder arghelist Oirkunde der wairheit want ick
Johan Lambers ende Alyt vorscreven willen dat dit vast bliven sal als vorscr. is ende selven ghiens
seghels en bruken hebbe ic ghebeden den Eersamen Wolter van Kralen inder tyt Schulte toe
Meppel aver ons ende onssen erfgenamen dessen brief to besegelen dat ic Wolter van Kralen Schulte
vorscr. omme bede wille Johans vorscr. gheerne ghedaen hebbe ende myn seghel beneden andessen
brief ghehangen Gegheven int iaer ons heren vyfthynhundert ende vyere op den achten
dach van sunte Micheel.
Zegel verloren.
x
| Archief | Drents Archief |
|---|---|
| Fonds | Arch. Meppel |
| Toegangsnummer | 115 |
| Inventarisnr. | 1110 |
| Jaar | 1504 |
| Datumcode | oMichae |