| Nummer:msc049 | Datum: | Overlevering:Origineel | Vindplaats:Arch. Menoldis- en Sywenconvent, inv.nr. 0016, reg. 049 |
Wij borgermestere ende Raed in Groningen bekennen ende tuge myt dessen openen breve dat wy hebben gesien enen bezegelden stad breeff
gans hiell ende ongecancelliert. Aldus van woerden tot woerden inholdende. Wij borgermestere ende Raed in Groningen bekennen ende betugen
myt dessen openen breve dat voer ons is gekomen Johan van Hervorde ende Wendelmoet syn echte wyff ende bekanden dat sie myt
oeren vryen willen ende myt gueden voerberade hebben gegeven ende geven tot eenre ewigher testamentes gave voer oer zielen salicheit
ende der geenre daer sie dat sint schuldich voer te doen der meysterschen ende den zusteren van Vermeynolde convent in Groningen negen-
ende twintich guldene rente twaleff olde buttekens off te negen olde vleemeche korte grote oftte sovendehalff vlemesch kruemstert offte
vyff olde Johannes burgoensch voer elken gulden de geslagen sint voer datum dessen breves gerekent eweliken elkes jaers te nemen ende te
boren als een stad recht is uut Johann vors. huus daer hie nu ter tyt ynne woent in vorwerden ende manieren als hiir na gescreven staet Int
eerste dat de meystereche ende zusteren vors. sullen eweliken elkes jaers vander vors. rente geven teyn cloesteren als Essen Zelwert den olden
cloester inder merne Reyde Wydewart Veradewerder cloester to den buren to den Neyen cloester to Remswere ende to Fyldwerde Elken convente
derdenhalven gulden Ende myt den vors. gelde sullen de meystersche ende zusteren vorg. copen olye daer sie best veyle is in Groningen ende genen
de olye elken convente vors. tegen de vasten tot ewigen dagen meer de vors. conventen luden sullen de vors. olye selven halen laten Ende de olye
sall wesen tot behoeff der priesteren ende der geleerde nonnen der vors. conventen gelike omme te delen Ende voer desse testaments gave vors.
so sall elk convent vors. des jaers begaen twe memorien voer Johans ende Wendelmodes vors. zielen ende oer kinder zielen de ene
memorie inder weke als sunte Andreas dach komet Ende de ander memorie inder weke als komet sunte Tyburcius dach in den meye
gelikerwijs als de convente vors. memorien van oeren priesters plegen te begaen tot ewigen dagen. Item worde enich van den vors.
conventen versumich in beghengnisse der vors. memorien offte dat enigh convent vors. verghinge also zeer dat noch priester noch
geleerde nonnen en hadden eo en solde men em de jaerlix rente niet geven mer den solde men den anderen conventen vors. gelike dielen
all want ter tyt dat sie priesters ende geleerde nonnen weder krigen de desse vors. memorien begaen mochten so solde men dan em oer
rente vors. weder geven gelyck den anderen conventen vors. Item so wes daer dan meer blivet van desser vors. rente dat sall wezen tot des
vors. conventen behoeff van Vermeynolde convente tot ewigen dagen voer Johans syns wyffs ende kinder zielen te bidden Ende desse vors.
punten hebben de meystersche ende de gemene zusteren vors. voer ons bekent dat sie de angenomen hebben voer em ende voer oer na
komelingen ende hebben Johanne ende Wandelmode vors. gelovet dat Wall to bewaren tot ewigen dagen by oeren conscientien Hiir is
togesecht weert dat dyt vors. steenhuus verquade also dat de rente mede quade daer en sall dyt vors. Vermeynolde convent
genen scaden by lyden mer den scaden sullen de vors. convente alle gelike lyden Dyt vors. steenhuus is gelegen inde Gulden Rype daer
Ludekens huus ten wynhuus naest gelegen is up de oester zyde ende Johans huus van Lynge up de wester zyde Dat Orkonde wy myt
onser stad Zegell Ghegeven inden jaar ons heren dusent vierhundert achtende twintich up sunte Bonifacius dach doe Evert Hubbelduig, Ludolff
Sicking, Ffolkeer Marissing ende Deetmer Rengers borgermestere weren onser stad. Dat Orkonde wy myt onser stad zegell Ghegeven in den
jaer ons heren dusent vierhundert endetsestich den Saterdages na sunte Peter ad Cathedra Doe Henrick Baroldes, Otto ter Hanzow, Gosen
van Dulck ende Johan Rengers Scaffers Borgermestere waeren onser Stad.
gans hiell ende ongecancelliert. Aldus van woerden tot woerden inholdende. Wij borgermestere ende Raed in Groningen bekennen ende betugen
myt dessen openen breve dat voer ons is gekomen Johan van Hervorde ende Wendelmoet syn echte wyff ende bekanden dat sie myt
oeren vryen willen ende myt gueden voerberade hebben gegeven ende geven tot eenre ewigher testamentes gave voer oer zielen salicheit
ende der geenre daer sie dat sint schuldich voer te doen der meysterschen ende den zusteren van Vermeynolde convent in Groningen negen-
ende twintich guldene rente twaleff olde buttekens off te negen olde vleemeche korte grote oftte sovendehalff vlemesch kruemstert offte
vyff olde Johannes burgoensch voer elken gulden de geslagen sint voer datum dessen breves gerekent eweliken elkes jaers te nemen ende te
boren als een stad recht is uut Johann vors. huus daer hie nu ter tyt ynne woent in vorwerden ende manieren als hiir na gescreven staet Int
eerste dat de meystereche ende zusteren vors. sullen eweliken elkes jaers vander vors. rente geven teyn cloesteren als Essen Zelwert den olden
cloester inder merne Reyde Wydewart Veradewerder cloester to den buren to den Neyen cloester to Remswere ende to Fyldwerde Elken convente
derdenhalven gulden Ende myt den vors. gelde sullen de meystersche ende zusteren vorg. copen olye daer sie best veyle is in Groningen ende genen
de olye elken convente vors. tegen de vasten tot ewigen dagen meer de vors. conventen luden sullen de vors. olye selven halen laten Ende de olye
sall wesen tot behoeff der priesteren ende der geleerde nonnen der vors. conventen gelike omme te delen Ende voer desse testaments gave vors.
so sall elk convent vors. des jaers begaen twe memorien voer Johans ende Wendelmodes vors. zielen ende oer kinder zielen de ene
memorie inder weke als sunte Andreas dach komet Ende de ander memorie inder weke als komet sunte Tyburcius dach in den meye
gelikerwijs als de convente vors. memorien van oeren priesters plegen te begaen tot ewigen dagen. Item worde enich van den vors.
conventen versumich in beghengnisse der vors. memorien offte dat enigh convent vors. verghinge also zeer dat noch priester noch
geleerde nonnen en hadden eo en solde men em de jaerlix rente niet geven mer den solde men den anderen conventen vors. gelike dielen
all want ter tyt dat sie priesters ende geleerde nonnen weder krigen de desse vors. memorien begaen mochten so solde men dan em oer
rente vors. weder geven gelyck den anderen conventen vors. Item so wes daer dan meer blivet van desser vors. rente dat sall wezen tot des
vors. conventen behoeff van Vermeynolde convente tot ewigen dagen voer Johans syns wyffs ende kinder zielen te bidden Ende desse vors.
punten hebben de meystersche ende de gemene zusteren vors. voer ons bekent dat sie de angenomen hebben voer em ende voer oer na
komelingen ende hebben Johanne ende Wandelmode vors. gelovet dat Wall to bewaren tot ewigen dagen by oeren conscientien Hiir is
togesecht weert dat dyt vors. steenhuus verquade also dat de rente mede quade daer en sall dyt vors. Vermeynolde convent
genen scaden by lyden mer den scaden sullen de vors. convente alle gelike lyden Dyt vors. steenhuus is gelegen inde Gulden Rype daer
Ludekens huus ten wynhuus naest gelegen is up de oester zyde ende Johans huus van Lynge up de wester zyde Dat Orkonde wy myt
onser stad Zegell Ghegeven inden jaar ons heren dusent vierhundert achtende twintich up sunte Bonifacius dach doe Evert Hubbelduig, Ludolff
Sicking, Ffolkeer Marissing ende Deetmer Rengers borgermestere weren onser stad. Dat Orkonde wy myt onser stad zegell Ghegeven in den
jaer ons heren dusent vierhundert endetsestich den Saterdages na sunte Peter ad Cathedra Doe Henrick Baroldes, Otto ter Hanzow, Gosen
van Dulck ende Johan Rengers Scaffers Borgermestere waeren onser Stad.
x
| Archief | Groninger Archieven |
|---|---|
| Fonds | Arch. Menoldis- en Sywenconvent |
| Toegangsnummer | 1256 |
| Inventarisnr. | 0016 |
| Regestnr. | 049 |
| Jaar | 1460 |
| Datumcode | SpCatPet |