| Nummer:msc052 | Datum: | Overlevering:Origineel | Vindplaats:Arch. Menoldis- en Sywenconvent, inv.nr. 0040, reg. 052 |
Wy borgermestere ende Raed in Groningen betugen myt dessen openen breve dat voer ons is gekomen Johan van
Beylen ende bekande voer em ende sine arfftgenamen dat hie hevet verkofft upgedragen ende overgegeven heren Johanne
Hiddinge priester in onser stad ende sinen erffgenamen drie guldenen jaerliker ende erffliker renten vyff onser stad jagers
voer datum dessen breves gemuntet offte payment dat daer guet voer is voer elken gulden gerekent jaerlix to boren
alze stad recht is uut Johans vorscr. huus ende hofstede myt sinen tobehoren gelegen an de wester zyd in Herstrate
daer Johan Rabbelinge huus naest by licht ande zuuder zyd ende Johan van Beylens vorscr. ander huus ande
norder zyd vry ende quyt voer ene summe geldes de Johan van Beylen vorgen. bekande dat Em vull ende all is
betalt. Hiir is togesproken dat Johan vorscr. off te sine erffgenamen desse vorscr. drie gulden rente mogen aff vry ende
quyt kopen tot allen tyden wanneer em des genoget myt vyfftich gulden vorscr. payments sunder argelist Dat
Orkonde wy myt onser stad zegell Ghegeven inden jaar ons heren dusent vierhundert drieendetsestich up sunte Agneten
Avent. Doe Henric Baroldes, Henric Kater, Dirick Scaffer ende Johan Tedema borgermestere wasren onser stad.
Beylen ende bekande voer em ende sine arfftgenamen dat hie hevet verkofft upgedragen ende overgegeven heren Johanne
Hiddinge priester in onser stad ende sinen erffgenamen drie guldenen jaerliker ende erffliker renten vyff onser stad jagers
voer datum dessen breves gemuntet offte payment dat daer guet voer is voer elken gulden gerekent jaerlix to boren
alze stad recht is uut Johans vorscr. huus ende hofstede myt sinen tobehoren gelegen an de wester zyd in Herstrate
daer Johan Rabbelinge huus naest by licht ande zuuder zyd ende Johan van Beylens vorscr. ander huus ande
norder zyd vry ende quyt voer ene summe geldes de Johan van Beylen vorgen. bekande dat Em vull ende all is
betalt. Hiir is togesproken dat Johan vorscr. off te sine erffgenamen desse vorscr. drie gulden rente mogen aff vry ende
quyt kopen tot allen tyden wanneer em des genoget myt vyfftich gulden vorscr. payments sunder argelist Dat
Orkonde wy myt onser stad zegell Ghegeven inden jaar ons heren dusent vierhundert drieendetsestich up sunte Agneten
Avent. Doe Henric Baroldes, Henric Kater, Dirick Scaffer ende Johan Tedema borgermestere wasren onser stad.
x
| Archief | Groninger Archieven |
|---|---|
| Fonds | Arch. Menoldis- en Sywenconvent |
| Toegangsnummer | 1256 |
| Inventarisnr. | 0040 |
| Regestnr. | 052 |
| Register Feith | 1463.021 |
| Jaar | 1463 |
| Datumcode | vAgneti |