| Nummer:msc066 | Datum: | Overlevering:Origineel | Vindplaats:Arch. Menoldis- en Sywenconvent, inv.nr. 0026, reg. 066 |
Yn vorresener Schelinge tusschen den gheestliken Susteren unde juncferen in vrow Menolts cloester to Groningen an de enen. De Eeraftighe Heer Hessel cureet to Lopperssum unde
Eskel Aylkenssoen tom Damme vormunder unde procuraetoren van weghen Ennen Doeken Tammen ende Syncken to Broke myt meer anderen oiren medeluden unde anhengeren an beyden syden
heerkomende van de vorstorven erffnisse unde naghelaten guderen salighe Wytkens ten Poste der ged gnade replick unde unreplick woe ende woer de samptliken synen belegen Alsoe de
beyde parthen voirs. langen tyden daer umme in gherichte vorsocht hebben unde dorch appellatie ende beropinge myt entliken rechte to bescheden ghekomen is an vusen guedighen lieven heren
Graven to Oistfreeslandt etc unde dorch guetlich belenen ende bevel synre gnaden aldair tor vrutscop myt entliker uutsprake is ghededinget vorlyket unde uutghesproken dorch den Erbaeren
Wolduchtighen Uden van der Koldenborch drosten to Emeden unde den Erbaeren ende woilwysen Johannes Huesman lantrechter der Grauesscop oistfreeslandt stede vaste ghebeden unde
ghekoerne seggeslude an beyden syden synre gnaden voirs. der saken eyn overman beyden parthen int ewyghe stede unde vast unvorbroken to holden voir oir ende oiren erven edder na-
komelingen ytliken by penen hondert golden ryns gulden to vorbreken in handen unses guedighen heren de helfte unde de ander helfte in handen der voirs. seggeslude dem parte to betalen
de dusse nabescrevenen uutsprake inbreket unde nicht en wyl holden aldus luden Dat alle twyst Schelinge unde ansprake der voirs. erffnisse voerhenne tusschen beyden parthen vorresen
unde in gherichte vorhandelt sullen tot ewyghen daghen wesen nederghelacht Des sullen de erghemelten Susteren ofte juncferen van Vrow Menolten Convent. In Groningen an de enen de
Eeraftighe heer Hessel cureet to Lopperssum ende Eskel Aylken myt oiren medeluden unde anhengeren an beyden syden ghelyck scheyden unde delen alle de samptliken guderen erven lande
unde sande eoe unde woer in wat plaatszen edder hamricken de gheleghen synnen unde men de vor...aghen offte vorvaeren kan alsoe de synen naghelaten unde vorervet van
salighe Wytken ten Poste der god gnade nychtes uutbesundert noch uutghescheiden desghelykes sullen beyde parthen voirs. oick ghelyck delen unde scheyden unde uut maenen alle hyn- derstallighe schulde unde renthen de vorvallen unde vorschenen synnen
van allen den voerscr. erven unde landen der tyt aff vorleden dat salighe Wytke voerscr. is verstorven als lanthuer ren-
the unde uutschulde woe unde woer de synnen beleghen nychtes uut besundert Soe ie oick overghekomen unde uutghesproken dat heer Hessel kercker unde Enkel voirs. myt oeren mede-
luden allene sullen hebben ende beholden salighe Wytken hues mytten twen kameren ende warve staende unde beleghen in dem Damme myt synen behoringen dair toe salighe Wytken
inguderen unde huesghereetscopen dair se voir sullen betalen alles testament uutlichste dertichste unde alle jaertyden van salighe Wytken soe veer unde vek des na ghesette der hilliger
kercken undese ghelovet heft behoorlick is dair de juncferen van vrow Menolts convent voirs. alynck van sullen wesen ontlastet unde nimmermeer voir worden ghemaent unde hyr
mede sullen beyde parthen voirs. dusser sake unde erffnisse weghen salighe Wytkens voirs. lieffliken unde guetliken wesen ghesleten unde gescheiden de ene up dem anderen nummer beth
ansprake ofte antychte dair umme to hebben ofte to maken tot ewyghen daghen sonder alle indracht nygevonde ende arghelist In Oirkonde dusser Waerheit hebben wy Udo
van der Koldenborch droste to Emeden voirscr. unde Johannes Huesman lantrechter voirscr. myt vulbort unde consente unses guedighen lieven heren unde beyder parthen vruntliker bede willen
unse seghelen beneden an dussen breeff wytliken ghehangen In dem yaer na godes gheboirt doemen screeff vyfteyn hondert unde dree am vrydaghe na Petri unde Pauli apostolorum. JB.
Eskel Aylkenssoen tom Damme vormunder unde procuraetoren van weghen Ennen Doeken Tammen ende Syncken to Broke myt meer anderen oiren medeluden unde anhengeren an beyden syden
heerkomende van de vorstorven erffnisse unde naghelaten guderen salighe Wytkens ten Poste der ged gnade replick unde unreplick woe ende woer de samptliken synen belegen Alsoe de
beyde parthen voirs. langen tyden daer umme in gherichte vorsocht hebben unde dorch appellatie ende beropinge myt entliken rechte to bescheden ghekomen is an vusen guedighen lieven heren
Graven to Oistfreeslandt etc unde dorch guetlich belenen ende bevel synre gnaden aldair tor vrutscop myt entliker uutsprake is ghededinget vorlyket unde uutghesproken dorch den Erbaeren
Wolduchtighen Uden van der Koldenborch drosten to Emeden unde den Erbaeren ende woilwysen Johannes Huesman lantrechter der Grauesscop oistfreeslandt stede vaste ghebeden unde
ghekoerne seggeslude an beyden syden synre gnaden voirs. der saken eyn overman beyden parthen int ewyghe stede unde vast unvorbroken to holden voir oir ende oiren erven edder na-
komelingen ytliken by penen hondert golden ryns gulden to vorbreken in handen unses guedighen heren de helfte unde de ander helfte in handen der voirs. seggeslude dem parte to betalen
de dusse nabescrevenen uutsprake inbreket unde nicht en wyl holden aldus luden Dat alle twyst Schelinge unde ansprake der voirs. erffnisse voerhenne tusschen beyden parthen vorresen
unde in gherichte vorhandelt sullen tot ewyghen daghen wesen nederghelacht Des sullen de erghemelten Susteren ofte juncferen van Vrow Menolten Convent. In Groningen an de enen de
Eeraftighe heer Hessel cureet to Lopperssum ende Eskel Aylken myt oiren medeluden unde anhengeren an beyden syden ghelyck scheyden unde delen alle de samptliken guderen erven lande
unde sande eoe unde woer in wat plaatszen edder hamricken de gheleghen synnen unde men de vor...aghen offte vorvaeren kan alsoe de synen naghelaten unde vorervet van
salighe Wytken ten Poste der god gnade nychtes uutbesundert noch uutghescheiden desghelykes sullen beyde parthen voirs. oick ghelyck delen unde scheyden unde uut maenen alle hyn- derstallighe schulde unde renthen de vorvallen unde vorschenen synnen
van allen den voerscr. erven unde landen der tyt aff vorleden dat salighe Wytke voerscr. is verstorven als lanthuer ren-
the unde uutschulde woe unde woer de synnen beleghen nychtes uut besundert Soe ie oick overghekomen unde uutghesproken dat heer Hessel kercker unde Enkel voirs. myt oeren mede-
luden allene sullen hebben ende beholden salighe Wytken hues mytten twen kameren ende warve staende unde beleghen in dem Damme myt synen behoringen dair toe salighe Wytken
inguderen unde huesghereetscopen dair se voir sullen betalen alles testament uutlichste dertichste unde alle jaertyden van salighe Wytken soe veer unde vek des na ghesette der hilliger
kercken undese ghelovet heft behoorlick is dair de juncferen van vrow Menolts convent voirs. alynck van sullen wesen ontlastet unde nimmermeer voir worden ghemaent unde hyr
mede sullen beyde parthen voirs. dusser sake unde erffnisse weghen salighe Wytkens voirs. lieffliken unde guetliken wesen ghesleten unde gescheiden de ene up dem anderen nummer beth
ansprake ofte antychte dair umme to hebben ofte to maken tot ewyghen daghen sonder alle indracht nygevonde ende arghelist In Oirkonde dusser Waerheit hebben wy Udo
van der Koldenborch droste to Emeden voirscr. unde Johannes Huesman lantrechter voirscr. myt vulbort unde consente unses guedighen lieven heren unde beyder parthen vruntliker bede willen
unse seghelen beneden an dussen breeff wytliken ghehangen In dem yaer na godes gheboirt doemen screeff vyfteyn hondert unde dree am vrydaghe na Petri unde Pauli apostolorum. JB.
x
| Archief | Groninger Archieven |
|---|---|
| Fonds | Arch. Menoldis- en Sywenconvent |
| Toegangsnummer | 1256 |
| Inventarisnr. | 0026 |
| Regestnr. | 066 |
| Register Feith | 1503.006 |
| Jaar | 1503 |
| Datumcode | VpPetPau |