| Nummer:oar221 | Datum:29 mei 1537 | Overlevering:Origineel | Vindplaats:Omm. arch., inv.nr. 0033, reg. 221 |
Kaerle byder gratien gods Roomsch Keyser Altyt vermeerder srycx. Coninck van Germannien van Castille van Leon van Arragon van
Grenade van Navarre van Napels van Secille van Maillorcque van Sardanie van den eylande van Indien ende vasten lande der zee occeane Eertshertoge van Oistenrycke
Hertoge van Boirgoignen van Lothringen van Brabant van Lembourgh van Luxembourgh ende Grave van Vlaendren van Artois van Bourgoignen Palsgrave ende van Henegauwe van Hollant
van Zeellant van Ferrette van Hagenoult van Namen etc. Prince van Zwave Marcgrave des Heilichs Rycx Heere van Vrieslandt van Salms van Mechelen vander citeyt steden
ende landen van Utrecht ende Overyssel Ende dominateur in Asie ende Africqen Allen der ghenen die desen onsen brief zullen sien saluyt Doen condt ende bekennen In cracht
deses Zoe de weerdigen ende andechtigen Abten ende prelaten der cloosteren In onsen Groeninger Umlanden belegen ter begheerte van onsen lieven ende getrouwen Den
welgeboren ende edelen heere Georgien Schenck vryheere te Tautenburch Ridder van onser oordene ende stadthouder van Vrieslandt ende Overyssel In handen van onss ontfanger
generael Hendrick Stercke Tot behoeff van Anthuenis le Bruyn onsen tresorier vanden oirloghe goedtwillich hebben verschoten ende verleyt de somme van Ses duusent Twee
hondert vyff ende veertich Philippus guldens waer uuyt onse cryschluyden voir Coevorden versoldet zyn worden. Beloven wy daerom voir ons onsen arven ende nacommelingen den voirgen.
Abten ende prelaten oiok hueren nacommelingen de voirgescreven somme alle Jaere te ver handtgelden up avende Michaelis Archangeli Te weten voir elcke hondert Philippus gulden
ses Philippus gulden tsiaers. Welcke handtgelt oft Jaerlycxsche Renten Wy den voirscr. abten ende prelaten bewysen ende bevestigen te mogen boeren ende te ontfangen van onse
Jaerlycken upcomsten onsen Groeninger Umlanden als vanden twalf dusent Karolus gulden. Ghebreke oick den selven Abten ende prelaten oft hueren nacommelinghen Dat
zy hier up gemelte Jaerlycke Renten van den twalff duysent Karolus gulden voirscr. niet kunden becommen mogen zy hoer Jaerlycke Renten voirscr. vorderen ende manen
sonder onse onser arven ende nacommelingen wederseggen uuyt ende van onsen anderen Jaerlycken upcompsten vander landtschap van Overyssel ende Vrieslant
Behoudelycken dat wy onse ervan ende nacommelingen dese voirscr. Renten alle Jaere up avende Michaelis Archangeli moghen doen aff ende te nyete met zes dusent
Twee hondert vyff ende veertich Philippus gulden ende met der vuller Renten Onder welcke sommen sullen wesen zeven hondert Coerverster Rynssche gulden van gewichten
Allet sonder argelist Des toirconden hebben wy onsen zegel hier aen doen hangen. Ghegeven in onser stadt van Bruessel den negenentwintichsten dach
van Meye. Int Jaer onss heeren Duusent vyfhondert zeven ende dertich Van onsen keyserycke TXVIII,e Ende van onsen Rycken van Spaignen beyden Cecillien ende anderen TXXII,e.
Op de plica: By den Kyser die grave van Hoochstrate hooft heeren Jan Ruffault heer van Nwufville tresorier generael Hugen van Gramez heere van Wyngene Ridder gecommitteerde vande financien Ende ander Jegenwoirdich. Ch. Pensart subscripsit.
Grenade van Navarre van Napels van Secille van Maillorcque van Sardanie van den eylande van Indien ende vasten lande der zee occeane Eertshertoge van Oistenrycke
Hertoge van Boirgoignen van Lothringen van Brabant van Lembourgh van Luxembourgh ende Grave van Vlaendren van Artois van Bourgoignen Palsgrave ende van Henegauwe van Hollant
van Zeellant van Ferrette van Hagenoult van Namen etc. Prince van Zwave Marcgrave des Heilichs Rycx Heere van Vrieslandt van Salms van Mechelen vander citeyt steden
ende landen van Utrecht ende Overyssel Ende dominateur in Asie ende Africqen Allen der ghenen die desen onsen brief zullen sien saluyt Doen condt ende bekennen In cracht
deses Zoe de weerdigen ende andechtigen Abten ende prelaten der cloosteren In onsen Groeninger Umlanden belegen ter begheerte van onsen lieven ende getrouwen Den
welgeboren ende edelen heere Georgien Schenck vryheere te Tautenburch Ridder van onser oordene ende stadthouder van Vrieslandt ende Overyssel In handen van onss ontfanger
generael Hendrick Stercke Tot behoeff van Anthuenis le Bruyn onsen tresorier vanden oirloghe goedtwillich hebben verschoten ende verleyt de somme van Ses duusent Twee
hondert vyff ende veertich Philippus guldens waer uuyt onse cryschluyden voir Coevorden versoldet zyn worden. Beloven wy daerom voir ons onsen arven ende nacommelingen den voirgen.
Abten ende prelaten oiok hueren nacommelingen de voirgescreven somme alle Jaere te ver handtgelden up avende Michaelis Archangeli Te weten voir elcke hondert Philippus gulden
ses Philippus gulden tsiaers. Welcke handtgelt oft Jaerlycxsche Renten Wy den voirscr. abten ende prelaten bewysen ende bevestigen te mogen boeren ende te ontfangen van onse
Jaerlycken upcomsten onsen Groeninger Umlanden als vanden twalf dusent Karolus gulden. Ghebreke oick den selven Abten ende prelaten oft hueren nacommelinghen Dat
zy hier up gemelte Jaerlycke Renten van den twalff duysent Karolus gulden voirscr. niet kunden becommen mogen zy hoer Jaerlycke Renten voirscr. vorderen ende manen
sonder onse onser arven ende nacommelingen wederseggen uuyt ende van onsen anderen Jaerlycken upcompsten vander landtschap van Overyssel ende Vrieslant
Behoudelycken dat wy onse ervan ende nacommelingen dese voirscr. Renten alle Jaere up avende Michaelis Archangeli moghen doen aff ende te nyete met zes dusent
Twee hondert vyff ende veertich Philippus gulden ende met der vuller Renten Onder welcke sommen sullen wesen zeven hondert Coerverster Rynssche gulden van gewichten
Allet sonder argelist Des toirconden hebben wy onsen zegel hier aen doen hangen. Ghegeven in onser stadt van Bruessel den negenentwintichsten dach
van Meye. Int Jaer onss heeren Duusent vyfhondert zeven ende dertich Van onsen keyserycke TXVIII,e Ende van onsen Rycken van Spaignen beyden Cecillien ende anderen TXXII,e.
Op de plica: By den Kyser die grave van Hoochstrate hooft heeren Jan Ruffault heer van Nwufville tresorier generael Hugen van Gramez heere van Wyngene Ridder gecommitteerde vande financien Ende ander Jegenwoirdich. Ch. Pensart subscripsit.
x
| Archief | Groninger Archieven |
|---|---|
| Fonds | Omm. arch. |
| Toegangsnummer | 2 |
| Inventarisnr. | 0033 |
| Regestnr. | 221 |
| Register Feith | 1537.007 |
| Jaar | 1537 |
| Datumcode | 2905 |