| Nummer:ogd0226 | Datum:15 sept. 1306 | Overlevering:Editie | Vindplaats:Oorkondenboek Groningen en Drenthe, nr. 226 |
Koning Eduard I van Engeland herroept het bevel tot inbeslagneming der Groningse goederen en waren wegens schade, door kooplieden van Groningen aan die van Boston toegebracht.
Rex ballivis de sancto Botulpho salutem. Cum nuper ad persecucionem Wynandi Moraunt, burgensis et mercatoris de Beverlaco, nobis suggerentis
Andream Popyn, mercatorem ville de Grenyngen, in quatuor viginti et duodecim libris, Alardum Papyngen de Swytherhus, mercatorem ejusdem ville,
in centum sexaginta et undecim libris ac communitatem ejusdem ville in novem libris prefato Wynando ex certis causis teneri et easdem pecunie
summas sibi solvere recusare, licet per ipsum super hoc fuissent pluries requisiti, vobis ex certis causis in brevi nostro vobis directo
contentis preceperimus, quod omnia bona et mercimonia mercatorum de dicta villa de Grenyngen, que infra dictam villam de sancto Botulpho
inveniri contingeret, usque ad summam dictorum debitorum sine dilatione arestari et salvo custodiri faceretis, donec eidem Wynando de dictis
pecuniarum summis esset satisfactum vel a nobis super hoc haberetis aliud in mandatis; quia tamen jam examinato in curia nostra negocio prefati
Wynandi in hac parte plenius et discusso compertum est, quod idem Wynandus negocium suum predictum non est modo debito persecutus, vobis
precipimus, quod execucioni brevis nostri predicti omnino supersedeatis. Et si que de bonis et mercimoniis hominum seu mercatorum de dicta villa
de Grenyng virtute mandati nostri predicti arestaveritis, ea sine dilatione dearestetis et illis, quorum fuerint, liberetis ad commodum suum
inde faciendum, prout sibi melius viderint expedire. Teste rege apud Redpath XV die Septembris.
Andream Popyn, mercatorem ville de Grenyngen, in quatuor viginti et duodecim libris, Alardum Papyngen de Swytherhus, mercatorem ejusdem ville,
in centum sexaginta et undecim libris ac communitatem ejusdem ville in novem libris prefato Wynando ex certis causis teneri et easdem pecunie
summas sibi solvere recusare, licet per ipsum super hoc fuissent pluries requisiti, vobis ex certis causis in brevi nostro vobis directo
contentis preceperimus, quod omnia bona et mercimonia mercatorum de dicta villa de Grenyngen, que infra dictam villam de sancto Botulpho
inveniri contingeret, usque ad summam dictorum debitorum sine dilatione arestari et salvo custodiri faceretis, donec eidem Wynando de dictis
pecuniarum summis esset satisfactum vel a nobis super hoc haberetis aliud in mandatis; quia tamen jam examinato in curia nostra negocio prefati
Wynandi in hac parte plenius et discusso compertum est, quod idem Wynandus negocium suum predictum non est modo debito persecutus, vobis
precipimus, quod execucioni brevis nostri predicti omnino supersedeatis. Et si que de bonis et mercimoniis hominum seu mercatorum de dicta villa
de Grenyng virtute mandati nostri predicti arestaveritis, ea sine dilatione dearestetis et illis, quorum fuerint, liberetis ad commodum suum
inde faciendum, prout sibi melius viderint expedire. Teste rege apud Redpath XV die Septembris.
x
| Fonds | Oorkondenboek Groningen en Drenthe |
|---|---|
| Nr | 226 |
| Olim | Naar eene copie in het Public Record Office London, Rot. Lit. Claus. no. 128, 34 Edw. i ms. 5. Vermeld in Hans. Urkb. II, no. 93. |
| Jaar | 1306 |
| Datumcode | 1509 |