Rolf Predekere verbindt zich tegenover de stad Groningen tot de teruggave van de weggenome goederen en de betaling van een geldsom.

Ic, Rolf Predekere, do cundich al denghenen, de dessen openen bref solen sien jof
horen lesen, dat ic der stad van Groninghen bi sunte Peters daghe naestco
mende love to bitalene alsodaen goet, als ze mi biwisen moghen, dat ic em ghenomen hebbe. Ware dat sake, dat ic des nicht ne dede, so solde ic
self vierde mit vier perden riden to Groninghen an de stad dre daghe na der stad maninghe ende van Groninghen nicht riden, ic en hadde der stad
goeden moet. Darto zo love ic der stad van Groninghen up Santghinghedach darnaestcomende viftich ghuldene scilde to bitalene. Ware dat sake, dat
ic des nicht ne dede, so solde ic self vierde riden to Groninghen an de stad dre daghe na der stad maninghe ende vandanne nicht riden, ic en
hadde dat ghelt wol bitalet jof der stad goeden moet. Sunder jenigherhande arghelijst. Dat orconde ic mit minen seghele. Ende to merre orconde
so heb ik Alve van Zelewerth ghebeden desen bref mit mi to biseghelene. Ende ic, Alf, hebbe desen bref biseghelt um Rolves bede willen des
Predekere, mines neven. Gheven int jar uns Heren dusent drehundert vif ende viftich up sunte Thomas dagh des apostolen,

x

x

Fonds	Oorkondenboek Groningen en Drenthe
Nr	442
Olim	Naar het origineel in het rijksarchief te Groningen (Reg. 1355, no. 2), hoog II, breed 20 cm. Ook gedrukt bij Driessen, blz. 204.
Jaar	1355
Datumcode	Thome

x

x

x

Commentaar	Aan het stuk hangen twee zegels in groene was. 1. rond, vertoont binnen gothieke versieringen een schild met dwarsbalk en drie rozen, 2, 1; randschrift : . . . DE . . . RONEBEK . . .; 2. schildvormig, een schild beladen met drie arenden; randschrift : . . . ODOLFI PR . . . EKER . .

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 442.