| Nummer:ogd0469 | Datum:11 april 1359 | Overlevering:Editie | Vindplaats:Oorkondenboek Groningen en Drenthe, nr. 469 |
Keizer Karel IV bekrachtigt op verzoek van Deken en kapittel van de Dom te Utrecht de giftbrief van Hendrik III (zie ogd0007).
In nomine sancte et individue Trinitatis feliciter amen. Karolus quartus, divina favente clementia Romanorum imperator semper augustus et Boemie
rex, ad perpetuam rei memoriam. Ad hoc summi dispensatione presidii principalis monarchiam obtinuimus dignitatem , ad hoc sacri Romani imperii
suscepimus diadema ut, si ad alia extrinseca debita sollicitudo nos provocet, ad illa tamen, que statum felicem et quietum ac incrementum jurium
et libertatum personarum ecclesiasticarum prospiciunt, tanto intendamus uberius, quanto nostrum pre ceteris mundi principibus solium erexit
sublimius celestis providentia conditorum. Sane pro parte honorabilium decani et capituli ecclesie Trajectensis, devotorum nostrorum dilectorum,
majestati nostre nuper oblata supplicatio continebat, quatenus ipsis de solita pietatis nostre clementia infrascriptam literam divi quondam
Heinrici regis, predecessors nostri, et omnia et singula in ipsa contenta auctoritate cesarea ex certa nostra scientia approbare, ratificare et
confirmare dignaremur, cujus tenor sequitur in hec verba . . . Volgt no. 17. Nos igitur predictorum decani et capituli Trajectensis ecclesie
devotorum nostrorum dilectorum justis et rationabilibus supplicationibus benignius imclinati, presertim cum juste petentibus non sit denegandus
assensus animo deliberato non per errorem aut improvide sed sano principum, baronum, procerum et fidelium nostrorum accedente consilio ipsis
predictam literam et omnia ac singula in ipsis contenta, prout juste et rationabiliter processerit, de verbo ad verbum approbamus, ratificamus,
innovamus et de plenitudine imperatorie potestatis ac de certa nostra scientia confirmamus, salvis nostris et imperii sacri juribus et
quorumlibet aliorum. Nulli ergo hominum liceat hanc nostre majestatis paginam infringere vel ei quovis ausu temerario contraire sub pena
quinquaginta marcharum puri auri, quas ab eo, qui contravenire presumpserit, inremissibiliter exigi volumus et earum medietatem fisco nostre
camere, residuam vero partem injuriam passorum usibus applicari. Signum serenissimi principis et domini, domini Karoli quarti, Romanorum
imperatoris invictissimi et gloriosissimi Boemie regis. Testes hujus rei sunt venerabiles Gerlacus Maguntinensis per Germaniam, Wilhelmus
Coloniensis per Italiam, archiepiscopi, sacri imperii archicancellarii; illustris Rodolphus, dux Saxonie, sacri imperii archimarescallus,
venerabilis Arnestus, sancte Pragensis ecclesie archiepiscopus, et Johannes, Luthomuschlensis episcopus, sacre imperialis aule cancellarius,
illustres Rupertus junior, comes Palatinus Reni et dux Bavarie, Petrus de Barbonia dux et Wilhelmus, marchio Misnensis, spectabiles Johannes de
Nassow , Henricus de Swarzburg et Burchardus, burgravius Magdeburgensis, magister curie nostre, comites ac nobiles Rodolphus de Wartha, Johannes
de Rosenberch et Ogerius de Lantstein et alii quam plures nostri et imperii principes, nobiles et fideles, presentium sub imperialis majestatis
nostre sigillo testimonio literarum. Datum in Maguncia, anno domini MCCC quinquagesimo nono, indictione XII, III Idus Aprilis, regnorum
nostrorum anno XIII, imperii vero quarto.
rex, ad perpetuam rei memoriam. Ad hoc summi dispensatione presidii principalis monarchiam obtinuimus dignitatem , ad hoc sacri Romani imperii
suscepimus diadema ut, si ad alia extrinseca debita sollicitudo nos provocet, ad illa tamen, que statum felicem et quietum ac incrementum jurium
et libertatum personarum ecclesiasticarum prospiciunt, tanto intendamus uberius, quanto nostrum pre ceteris mundi principibus solium erexit
sublimius celestis providentia conditorum. Sane pro parte honorabilium decani et capituli ecclesie Trajectensis, devotorum nostrorum dilectorum,
majestati nostre nuper oblata supplicatio continebat, quatenus ipsis de solita pietatis nostre clementia infrascriptam literam divi quondam
Heinrici regis, predecessors nostri, et omnia et singula in ipsa contenta auctoritate cesarea ex certa nostra scientia approbare, ratificare et
confirmare dignaremur, cujus tenor sequitur in hec verba . . . Volgt no. 17. Nos igitur predictorum decani et capituli Trajectensis ecclesie
devotorum nostrorum dilectorum justis et rationabilibus supplicationibus benignius imclinati, presertim cum juste petentibus non sit denegandus
assensus animo deliberato non per errorem aut improvide sed sano principum, baronum, procerum et fidelium nostrorum accedente consilio ipsis
predictam literam et omnia ac singula in ipsis contenta, prout juste et rationabiliter processerit, de verbo ad verbum approbamus, ratificamus,
innovamus et de plenitudine imperatorie potestatis ac de certa nostra scientia confirmamus, salvis nostris et imperii sacri juribus et
quorumlibet aliorum. Nulli ergo hominum liceat hanc nostre majestatis paginam infringere vel ei quovis ausu temerario contraire sub pena
quinquaginta marcharum puri auri, quas ab eo, qui contravenire presumpserit, inremissibiliter exigi volumus et earum medietatem fisco nostre
camere, residuam vero partem injuriam passorum usibus applicari. Signum serenissimi principis et domini, domini Karoli quarti, Romanorum
imperatoris invictissimi et gloriosissimi Boemie regis. Testes hujus rei sunt venerabiles Gerlacus Maguntinensis per Germaniam, Wilhelmus
Coloniensis per Italiam, archiepiscopi, sacri imperii archicancellarii; illustris Rodolphus, dux Saxonie, sacri imperii archimarescallus,
venerabilis Arnestus, sancte Pragensis ecclesie archiepiscopus, et Johannes, Luthomuschlensis episcopus, sacre imperialis aule cancellarius,
illustres Rupertus junior, comes Palatinus Reni et dux Bavarie, Petrus de Barbonia dux et Wilhelmus, marchio Misnensis, spectabiles Johannes de
Nassow , Henricus de Swarzburg et Burchardus, burgravius Magdeburgensis, magister curie nostre, comites ac nobiles Rodolphus de Wartha, Johannes
de Rosenberch et Ogerius de Lantstein et alii quam plures nostri et imperii principes, nobiles et fideles, presentium sub imperialis majestatis
nostre sigillo testimonio literarum. Datum in Maguncia, anno domini MCCC quinquagesimo nono, indictione XII, III Idus Aprilis, regnorum
nostrorum anno XIII, imperii vero quarto.
x
| Fonds | Oorkondenboek Groningen en Drenthe |
|---|---|
| Nr | 469 |
| Olim | Naar het Liber Yrsutus, fol. 52v in het rijksarchief te Utrecht (archief van den Dom). Er bestaat hiervan een vidimus, afgegeven door Deken en kapittel van den Dom te Utrecht van 22 November 1494, aanwezig in het rijksarchief te Groningen (Reg. 1359, no. 1). Ook gedrukt bij Driessen, blz. 211; Van Mieris, Charterboek, III, blz. 86; Van Idsinga, Staatsregt, I, blz. 416. |
| Jaar | 1359 |
| Datumcode | 3IduApr |