| Nummer:ogd0667 | Datum:29 nov. 1378 | Overlevering:Editie | Vindplaats:Oorkondenboek Groningen en Drenthe, nr. 667 |
Burgemeesters en raad van Groningen verklaren, dat Peter van der Elborch, voogd van Abelke Redingh, heeft verkocht en over gedragen een stenen huis in de Heerestraat aan Clawes Johans zoon.
Wi, borghermeestere ende raed van Groninghen, doen cundich allen luden met desen openen brieve, dat voer
ons quam Peter van der Elborch, de een voermont is tot Abelken Albertes kinde Redinghes ende
becande, dat hi hevet vercoft bi rade ende bi hengnisse der voghede van den voers. kinde een steenhuus met sinen tobehoren Clawese Johans sone
voer ene summe van ghelde, de Peter voers. to des voers. kindes behoef vol ende al betaelt is. Ende dit voers. steenhuus droech Peter voers. up
bi hengnisse ende bi rade der voghede voers. Clawese voers. vri ende quite met allen rechte ende met allen eyghendome eweliken to bruken ende to
besittene, beholden Petere voers. to des voers. kindes behoef elftalven scilt ende soventien penninghe rente, tyen scillinghe voer den scilt
gherekent, paymentes, als in Groninghen ghanc ende ghave is, ende beholden Lubberte Syckinghe soventien scillinghe rente, Evarde Calmer viif
scillinghe rente ende Randen Eelhoern tyen scillinghe rente na horen brieven te nemen eweliken elkes jaers ute den voers. steenhuze met sinen
tobehoren, als een stadrecht is. Dit voers. steenhuus is gheleghen in de westerzide van Heerstrate bi Emelrikes steenhuze Willams sone van
Lyenden, dat an de noertzide staet, ende Hermans steenhuus Jantevotes, dat an de zuutzide staet. Dat orcunden wi met onser stad zeghel.
Ghegheven int jaer ons Heren dusent drehondert acht ende zoventich op sinte Andreas avont, do Herman Catere, Lubbert Sickinc, Gheert Lewe, Otte
Polleman, Wycbolt Maurissinghe ende Wycbolt Evardes sone borghermeestere waren onser stad.
ons quam Peter van der Elborch, de een voermont is tot Abelken Albertes kinde Redinghes ende
becande, dat hi hevet vercoft bi rade ende bi hengnisse der voghede van den voers. kinde een steenhuus met sinen tobehoren Clawese Johans sone
voer ene summe van ghelde, de Peter voers. to des voers. kindes behoef vol ende al betaelt is. Ende dit voers. steenhuus droech Peter voers. up
bi hengnisse ende bi rade der voghede voers. Clawese voers. vri ende quite met allen rechte ende met allen eyghendome eweliken to bruken ende to
besittene, beholden Petere voers. to des voers. kindes behoef elftalven scilt ende soventien penninghe rente, tyen scillinghe voer den scilt
gherekent, paymentes, als in Groninghen ghanc ende ghave is, ende beholden Lubberte Syckinghe soventien scillinghe rente, Evarde Calmer viif
scillinghe rente ende Randen Eelhoern tyen scillinghe rente na horen brieven te nemen eweliken elkes jaers ute den voers. steenhuze met sinen
tobehoren, als een stadrecht is. Dit voers. steenhuus is gheleghen in de westerzide van Heerstrate bi Emelrikes steenhuze Willams sone van
Lyenden, dat an de noertzide staet, ende Hermans steenhuus Jantevotes, dat an de zuutzide staet. Dat orcunden wi met onser stad zeghel.
Ghegheven int jaer ons Heren dusent drehondert acht ende zoventich op sinte Andreas avont, do Herman Catere, Lubbert Sickinc, Gheert Lewe, Otte
Polleman, Wycbolt Maurissinghe ende Wycbolt Evardes sone borghermeestere waren onser stad.
x
| Fonds | Oorkondenboek Groningen en Drenthe |
|---|---|
| Nr | 667 |
| Olim | Naar het origineel in het rijksarchief te Groningen (Reg. 1378, no. 5), hoog 12,5, breed 22,7 cm. |
| Jaar | 1378 |
| Datumcode | vAndree |