| Nummer:ogd0920 | Datum:2 febr. 1396 | Overlevering:Editie | Vindplaats:Oorkondenboek Groningen en Drenthe, nr. 920 |
De overheden van de drie steden Deventer, Kampen en Zwolle keuren goed, dat Zweder van Rechteren een zekere som besteedt tot versterking van het kasteel te Coevorden en tot zekerheid daarvoor bedoeld kasteel in pand krijgt.
Wy, ghemene scepene ende rade van Deventer, Campen ende Zwolle, maken kond allen luden, dat die eerwerdige in Gode vader ende here her Frederic
van Blanckenhem, bi der genaden Godes bisscop tUtrecht, onse lieve genedige here, omme te besorgen, dattet hues, die borgh ende stad van
Coeverden mit allen horen toebehorn, die mit groten zwaren cost ende arbeide yngewonnen is, nyet weder van den gestichte vervreemt noch
ontferret en werde, ons sine brieve besegelt gegeven heft, ynholdende, dat hy dat hues ende die borch verzekeren sal bi onsen rade ende
guetduncken mit enen gueden amptman uyt Zalland of uyt Drenthe, die zweren sal datselve hues, borgh ende stat mit alle horen toebehoren
trouliken te holden, te hueden ende te bewaren tot des gestichts behoef van Utrecht sonder gelt daerup te lenen of opslach daerup te maken. Ende
want onse lieve genedige here van Utrecht na inholt der vors. brieve dat hues ende de borgh ende stat tot Covorde mit alle horen toebehoren bi
onsen rade ende guetduncken toe deser tijt Zweder van Rechter heft bevolen ende wy besinnen, dat men noch om der veden wille, die van Covorde
ruert, groten cost doen moet up den vors. hues, ende men oic datselve hues ende die borgh ende stat tot Covorden tijmmeren ende vesten moet, dat
Zweder vors. van den renthen ende vervallen, die daertoe behoren, alleen nyet wael toebrengen en mach, hy en moet daer meer guets toe verleggen,
ende dat bedacht ende angesien, dat nyet redelic en were, dat die vors. Zweder of siin erfgename des gestichts slote tijmmeren off sulke cost
alse daerup noet were te holden doen solden van hoers selves guede, soe hebbe wi onse consent, oerlof ende willen daertoe ghegeven ende gheven
mit desen brieve, dat Zweder vors., of des noet were, baven den renthen ende vervalle, die tot Coeverden hoeren, verlegghen mach in cost dat
vors. hues, borgh ende stat mit horen toebehoren te hueden ende te verwaren ende in tijmmeringen dat hues , borgh ende stat te beteren ende te
vesten tot eenre summen toe van M oelden Vrancrixe schilden of daerbinnen mer nyet darbaven, te gueder rekenijngen ende bewisingen, daer men van
onsen rade sal by eyschen te comen ende die rekeninge te horen. Ende zowes Zweder of siin erfgenamen in dien vors. zaken uytleghet tot dier
vors. summen te gueder rekeningen, als vors. is, daer mach onse ghenedige heere van Utrecht hem voer vesten an dat hues, borch, stat ende ampt
van Coverden mit oren toebehoren, ende dat mogen Zweder ende ziin erfgenamen daervoer onderholden ende ynsitten bliven, thent deer tijt dat hem
daeraf voldaen is te gueder bewysingen, onverbroeken des eeds, dien hy ons gedaen heft, beholdelic ons dat onss genedigen heren brief vors.
daertendes in al siinre macht sal bliven, sonder enigherhande arghelist. In orconde des briefs soe hebben wi desen brief besegelen doen mit
onser stede segelen. Gegeven int jaer ons Heren dusent CCCXCVI up onser Vrouwendach Purificatio.
van Blanckenhem, bi der genaden Godes bisscop tUtrecht, onse lieve genedige here, omme te besorgen, dattet hues, die borgh ende stad van
Coeverden mit allen horen toebehorn, die mit groten zwaren cost ende arbeide yngewonnen is, nyet weder van den gestichte vervreemt noch
ontferret en werde, ons sine brieve besegelt gegeven heft, ynholdende, dat hy dat hues ende die borch verzekeren sal bi onsen rade ende
guetduncken mit enen gueden amptman uyt Zalland of uyt Drenthe, die zweren sal datselve hues, borgh ende stat mit alle horen toebehoren
trouliken te holden, te hueden ende te bewaren tot des gestichts behoef van Utrecht sonder gelt daerup te lenen of opslach daerup te maken. Ende
want onse lieve genedige here van Utrecht na inholt der vors. brieve dat hues ende de borgh ende stat tot Covorde mit alle horen toebehoren bi
onsen rade ende guetduncken toe deser tijt Zweder van Rechter heft bevolen ende wy besinnen, dat men noch om der veden wille, die van Covorde
ruert, groten cost doen moet up den vors. hues, ende men oic datselve hues ende die borgh ende stat tot Covorden tijmmeren ende vesten moet, dat
Zweder vors. van den renthen ende vervallen, die daertoe behoren, alleen nyet wael toebrengen en mach, hy en moet daer meer guets toe verleggen,
ende dat bedacht ende angesien, dat nyet redelic en were, dat die vors. Zweder of siin erfgename des gestichts slote tijmmeren off sulke cost
alse daerup noet were te holden doen solden van hoers selves guede, soe hebbe wi onse consent, oerlof ende willen daertoe ghegeven ende gheven
mit desen brieve, dat Zweder vors., of des noet were, baven den renthen ende vervalle, die tot Coeverden hoeren, verlegghen mach in cost dat
vors. hues, borgh ende stat mit horen toebehoren te hueden ende te verwaren ende in tijmmeringen dat hues , borgh ende stat te beteren ende te
vesten tot eenre summen toe van M oelden Vrancrixe schilden of daerbinnen mer nyet darbaven, te gueder rekenijngen ende bewisingen, daer men van
onsen rade sal by eyschen te comen ende die rekeninge te horen. Ende zowes Zweder of siin erfgenamen in dien vors. zaken uytleghet tot dier
vors. summen te gueder rekeningen, als vors. is, daer mach onse ghenedige heere van Utrecht hem voer vesten an dat hues, borch, stat ende ampt
van Coverden mit oren toebehoren, ende dat mogen Zweder ende ziin erfgenamen daervoer onderholden ende ynsitten bliven, thent deer tijt dat hem
daeraf voldaen is te gueder bewysingen, onverbroeken des eeds, dien hy ons gedaen heft, beholdelic ons dat onss genedigen heren brief vors.
daertendes in al siinre macht sal bliven, sonder enigherhande arghelist. In orconde des briefs soe hebben wi desen brief besegelen doen mit
onser stede segelen. Gegeven int jaer ons Heren dusent CCCXCVI up onser Vrouwendach Purificatio.
x
| Fonds | Oorkondenboek Groningen en Drenthe |
|---|---|
| Nr | 920 |
| Olim | Naar een afschrift (A) in het gemeentearchief te Deventer, in het register Inv. no. 1607, fol. 113vo (Inv. Bijl. blz. 217), vergeleken met een (B) in het Collectorium fol. 63 in het gemeentearchief te Kampen (Reg. I, no. 316), beiden uit de 15de eeuw. |
| Jaar | 1396 |
| Datumcode | PurMar |