| Nummer:ogd0995 | Datum:11 sept. 1398 | Overlevering:Editie | Vindplaats:Oorkondenboek Groningen en Drenthe, nr. 995 |
Ayleko Ferhildema en Reyner Eysinga dragen aan hertog Albrecht van Beieren het landschap Hunsingo op met alles, wat zij verder tussen Lauwers en Eems bezitten.
Wij, Ayleko Ferhildema ende Reyner Eysinga, hoeftlinge tusschen der Lauwers ende der Eemse in Oestvrieslant, doen cond allen luden, dat wij voir ons ende voir onsen nacomelingen
mit onsen vryen wille upgedragen ende quytgescouden hebben, updragen ende quytschelden mit desen brieve den hoechgeboren vorste, onsen lieven genadigen here, hertoge Aelbrecht
van Beyeren, grave van Hennege, van Hollant, van Zeelant ende here van Vrieslant, ende sinen nacomelingen den rechten eygendom van den lande van Hunsgerlant mit allen heerlicheden, goeden ende sloten, als wij nu ter tijt hebben, [houden] ende besitten tusschen der Lauwers ende der Eemse voers. gelegen, voert alle ander lande, die wij nu ter tijt hebben , houden ende besitten ende noch [vercri]gen ende becraftigen sullen binnen den voirs. palen of daerbuten, die onsen lieven genadigen here voirs. niet toe en behoren , mit huse, slote, heerlichede, hoge ende lage rechte, renten , vervallen , nutscap ende profijt daertoe behorende, mitten zeevonde, in alre manieren als wij die nu ter tijt hebben ende houden of hiernamaels vercrigen sullen buten ons liefs heer landen voirs. , hetzy gemeen te samen of verscheiden. Welke lande, huse, slote, heerlichede hoge ende lage , [rechte], renten, vervallen, nutscap ende profijt onse lieve genadige here, hertoge Aelbrecht voirnoemt, ons weder verlyet hefft te houden van him ende sinen nacomelingen , ons ende onsen nacomelingen tot een [onverster]fliken erfleen; ende waer dat sake, dat wij [off] enich [van] onsluden storven sonder wittachtige geboerte after ons te laten, soe mochten wij ende elc van ons de voerscreven heerlichede ende goeden laten ende bewisen te komen na onsen doot up sulke luden een of meer, die ons genoegen sullen in onsen levende live, vreemde of maech, mit onsen testament of openen [bri]even , alst ons genogen sal. Ende so wie van onsen erven of andere, daer wij die goede up bewisen sullen als voerscreven is, onse of onse nacomelingen versochte of versoeken sal na onser of onser eniger doot, die sal onse lieve here, die hertoge voirnoemt, offs iin nacomelingen, die voers. heerlichede ende goeden verlien ende verlienen in alre manieren als onse lieve here voernoemt ons gedaen heeft. Ende want wij van ons liefs heren lande verre geseten siin mit onser heerlichede, goede ende landen, die ons onse lieve here verliet heeft, soe heeft ons onse lieve here overmits vrezen der wegen , die daertusschen gelegen siin , alsovoel gratie gedaen , dat onse erven of dieghene , daer ons goede up comen sullen na onser doot , binnen drien jaren mit wanenversoek niet versumen noch verbueren en sullen. Ende hebben mit onsen vrijen wille onsen lieven genadigen here voernoemt hulde , eede ende mansschap gedaen alse manne horen heren sculdich siin te doen , ende geloeft denselven onsen lieven here in goeden trouwen te dienen ende him siin palen van Vrieslant te hulpen houden ende die te starcken tiegens allen denghenen , die him daerin hinderen ende deren wilden of ongehoersamich wesen , behoudelic dat wij him ongehouden sullen wesen te dienen [buten] den palen van Vrieslant , ten waer dat wijt van onsen goeden wille doen wilden. Ende onse lieve here voerg. heeft ons weder geloeft ons te starken in den goeden , landen ende heerlicheden voirs. , off ons yemant in den voers. goeden ende heerlicheden hinderen of krencken wilde, als een heer sinen leenmannen sculdich is te doen, als wij him des vermanen of [doen] vermanen. Voert wanneer bi onser of onser eniger doot onse erven off dieghenen, die wij aen den voers. goede bewisen sullen , dieselve heerlicheden ende goeden van [onsen liev]en here of van sinen nacomelingen versoeken ende ontfaen sullen, so sullen dieselve onse erven of dieghene, die die goede versoeken ende ontfaen sullen, alle dese [voirs. voir]waerden vernuwen ende geloven in alre manieren als voerscreven is. In oerkonde desen brieve besegelt mit onsen segelen hieraen gehangen. Gescreven upten elfsten dach van der maent van Septembris int jaer ons Heren MCCC acht ende tnegentich.
mit onsen vryen wille upgedragen ende quytgescouden hebben, updragen ende quytschelden mit desen brieve den hoechgeboren vorste, onsen lieven genadigen here, hertoge Aelbrecht
van Beyeren, grave van Hennege, van Hollant, van Zeelant ende here van Vrieslant, ende sinen nacomelingen den rechten eygendom van den lande van Hunsgerlant mit allen heerlicheden, goeden ende sloten, als wij nu ter tijt hebben, [houden] ende besitten tusschen der Lauwers ende der Eemse voers. gelegen, voert alle ander lande, die wij nu ter tijt hebben , houden ende besitten ende noch [vercri]gen ende becraftigen sullen binnen den voirs. palen of daerbuten, die onsen lieven genadigen here voirs. niet toe en behoren , mit huse, slote, heerlichede, hoge ende lage rechte, renten , vervallen , nutscap ende profijt daertoe behorende, mitten zeevonde, in alre manieren als wij die nu ter tijt hebben ende houden of hiernamaels vercrigen sullen buten ons liefs heer landen voirs. , hetzy gemeen te samen of verscheiden. Welke lande, huse, slote, heerlichede hoge ende lage , [rechte], renten, vervallen, nutscap ende profijt onse lieve genadige here, hertoge Aelbrecht voirnoemt, ons weder verlyet hefft te houden van him ende sinen nacomelingen , ons ende onsen nacomelingen tot een [onverster]fliken erfleen; ende waer dat sake, dat wij [off] enich [van] onsluden storven sonder wittachtige geboerte after ons te laten, soe mochten wij ende elc van ons de voerscreven heerlichede ende goeden laten ende bewisen te komen na onsen doot up sulke luden een of meer, die ons genoegen sullen in onsen levende live, vreemde of maech, mit onsen testament of openen [bri]even , alst ons genogen sal. Ende so wie van onsen erven of andere, daer wij die goede up bewisen sullen als voerscreven is, onse of onse nacomelingen versochte of versoeken sal na onser of onser eniger doot, die sal onse lieve here, die hertoge voirnoemt, offs iin nacomelingen, die voers. heerlichede ende goeden verlien ende verlienen in alre manieren als onse lieve here voernoemt ons gedaen heeft. Ende want wij van ons liefs heren lande verre geseten siin mit onser heerlichede, goede ende landen, die ons onse lieve here verliet heeft, soe heeft ons onse lieve here overmits vrezen der wegen , die daertusschen gelegen siin , alsovoel gratie gedaen , dat onse erven of dieghene , daer ons goede up comen sullen na onser doot , binnen drien jaren mit wanenversoek niet versumen noch verbueren en sullen. Ende hebben mit onsen vrijen wille onsen lieven genadigen here voernoemt hulde , eede ende mansschap gedaen alse manne horen heren sculdich siin te doen , ende geloeft denselven onsen lieven here in goeden trouwen te dienen ende him siin palen van Vrieslant te hulpen houden ende die te starcken tiegens allen denghenen , die him daerin hinderen ende deren wilden of ongehoersamich wesen , behoudelic dat wij him ongehouden sullen wesen te dienen [buten] den palen van Vrieslant , ten waer dat wijt van onsen goeden wille doen wilden. Ende onse lieve here voerg. heeft ons weder geloeft ons te starken in den goeden , landen ende heerlicheden voirs. , off ons yemant in den voers. goeden ende heerlicheden hinderen of krencken wilde, als een heer sinen leenmannen sculdich is te doen, als wij him des vermanen of [doen] vermanen. Voert wanneer bi onser of onser eniger doot onse erven off dieghenen, die wij aen den voers. goede bewisen sullen , dieselve heerlicheden ende goeden van [onsen liev]en here of van sinen nacomelingen versoeken ende ontfaen sullen, so sullen dieselve onse erven of dieghene, die die goede versoeken ende ontfaen sullen, alle dese [voirs. voir]waerden vernuwen ende geloven in alre manieren als voerscreven is. In oerkonde desen brieve besegelt mit onsen segelen hieraen gehangen. Gescreven upten elfsten dach van der maent van Septembris int jaer ons Heren MCCC acht ende tnegentich.
x
| Fonds | Oorkondenboek Groningen en Drenthe |
|---|---|
| Nr | 995 |
| Olim | Naar het origineel in het rijksarchief te 's Gravenhage, hoog 19, breed 33,5 cm. Ook een afschrift aldaar in een register getiteld Oostvrieslandt (A), fol. IXvo en in een register getiteld Oostvrieslant (B), fol. XIIIvu. Ook gedrukt bij Driessen, blz. 785. |
| Jaar | 1398 |
| Datumcode | 1109 |